احادیث صحیحہ کا انکار کرنے والے فاسق ہیں

[کلیم حیدر]

احادیث صحیحہ کا انکار کرنے والے فاسق ہیں

سوال:

جو لوگ صحیح بخاری اور صحیح مسلم کی بعض صحیح احادیث کا انکار کرتے ہیں، مثلا عذاب قبر، معراج، جادو، شفاعت اور گنہگاروں کے جنہم میں جاکر پھرنجات پانے کی حدیثیں۔ ایسے لوگوں کےمتعلق شریعت کا کیا حکم ہے؟کیا ان کے پیچھے نماز پڑھی جاسکتی ہے؟ ان سے سلام دعاء رکھی جاسکتی ہے؟ یا ان سے کنارہ کشی کی جائے؟

جواب:

الحمدللہ والصلاۃ والسلام علی رسولہ وآلہ وصحبہ وبعد:
جو علمائے کرام حدیثوں کی صحت وضعف اوران کے معنی ومطلب سے اچھی طرح واقف ہیں انہیں چاہیے کہ ایسے افراد کو ان احادیث کی صحت اور صحیح مطلب سے آگاہ کریں۔ اگر وہ پھر بھی اپنی خواہش نفس کے پیچھے لگ کر نصوص کو اپنی رائے کے مطابق بنانے کے لیے تحریف یا انکار پر اصرار کریں تو وہ فاسق ہیں ان کے شر سے بچنے کے لیے ان سے کنارہ کشی کرنا اور میل جول ترک کرنا ضروری ہے۔البتہ انہیں نصیحت کرنے اور صحیح بات سمجھانے کے لیے ان سے میل جول جائز ہے۔ ان کے پیچھے نماز پڑھنے کا حکم وہی ہے جو فاسق کے پیچھے نماز پڑھنے کا ہے۔ احتیاط اسی میں ہے کہ ان کے پیچھے نماز نہ پڑھی جائے۔ کیونکہ بعض علماء نےانہیں کافر قراردیا ہے۔[1] (فتوی رقم6280)

وباللہ التوفیق وصلی اللہ علی نبینا محمد وآلہ وصحبہ وسلم
(فتاوی دارالافتاء، سعودی عرب، جلد دوم، ص45، دارالسلام)
[1] مزید تفصیل کے لیے پڑھیں شیخ ابن باز " کا رسالہ "سنت پر ایمان لانا واجب ہے اور اس کا انکار کفر ہے"۔

 

[محمد ارسلان]

احادیث صحیحہ کا انکار کرنے والے فاسق بلکہ کافر ہیں

سوال:
جواب:

وباللہ التوفیق وصلی اللہ علی نبینا محمد وآلہ وصحبہ وسلم
(فتاوی دارالافتاء، سعودی عرب، جلد دوم، ص45، دارالسلام)
[1] مزید تفصیل کے لیے پڑھیں شیخ ابن باز " کا رسالہ "سنت پر ایمان لانا واجب ہے اور اس کا انکار کفر ہے"۔

جزاک اللہ خیرا

 

[جمشید]

ان کے پیچھے نماز پڑھنے کا حکم وہی ہے جو فاسق کے پیچھے نماز پڑھنے کا ہے۔ احتیاط اسی میں ہے کہ ان کے پیچھے نماز نہ پڑھی جائے۔ کیونکہ بعض علماء نےانہیں کافر قراردیا ہے۔

صحیح عنوان یہ ہوناچاہئے تھاکہ
احادیث صحیحہ کاانکارکرنے والے فاسق ہیں
کیونکہ مفتی صاحب کا بھی موقف یہی ہے۔بعض علماء کی بات انہوں نے استثنائی طورپر بیان کی ہے وہ ان کااپناموقف نہیں ہے۔
ویسے بھی احادیث صحیحہ کے منکرین کو فاسق اورگمراہ توکہاگیاہے کافرکبھی نہیں کہاگیاہے
معتزلہ نے بہت سی احادیث کا انکار کیاہے لیکن کبھی کسی نے یہ نہیں کہاکہ معتزلہ کافر تھے۔
امام شافعی نے بھی اپنی مشہور عالم اصول فقہ میں لکھی گئی تالیف "الرسالہ "میں یہی موقف ظاہر کیاہے۔
فإن قال قائل: هل يفترق معنى قولك: حجة؟
قيل له: إن شاء الله نعم.
فإن قال: فَأَبِنْ ذلك؟
قلنا: أما ما كان نصَّ كتاب بيِّن أو سنةٍ مجتمع عليها فيها مقطوع، ولا يسع الشكُّ في واحد منهما، ومن امتنعَ من قبوله استُتِيب.
أما ما كان من سنة من خبر الخاصة الذي يختلف الخبر فيه، فيكون الخبر محتملاً للتأويل، وجاء الخبر فيه من طريق الانفراد: فالحجة فيه عندي أن يلزم العالمين حتى لا يكون لهم ردُّ ما كان منصوصاً منه، كما يلزمهم أن يقبلوا شهادة العدول، لا أن ذلك إحاطةٌ كما يكون نص الكتاب وخبرُ العامة عن رسول الله.
ولو شك في هذا شاكّ لم نقل له: تب، وقلنا: ليس لك - إن كنت عالماً - أن تشك، كما ليس لك الا ان تقضي بشهادة الشهود العدول، وإن أمكن فيهم الغلط، ولكن تقضي بذلك على الظاهر من صدقهم، والله ولي ما غاب عنك منهم.

والسلام