اسلام میں اصلی اہلسنت کی پہچان

[عبد الرشید]

کتاب کا نام
اسلام میں اصلی اہلسنت کی پہچان
مصنف
مولانا عبدالقادر حصاری
ناشر
مکتبہ اصحاب الحدیث لاہور

تبصرہ​

عوام الناس میں یہ بات م مشہور کہ اہل سنت ہی سچا مذہب ہے ۔اور مقلدین حنفیہ یہ دعویٰ کرتے ہیں کہ ہم ہی اہل سنت ہیں جس کا ثبوت یہ ہے کہ اس مذہب کے ماننے والوں کی اکثریت ہے ۔بڑے بڑے بادشاہ ،اکابر، وزراء حکام ،علماء ،اولیاء ،خاص وعام سب اس مذہب میں داخل ہیں اور تمام ممالک میں یہ مذہب پھیلا ہوا ہے ۔حالانکہ یہ نظریہ اور دعویٰ باطل اور بالکل لغو ہے کیونکہ مذہب اہل سنت عہدنبوی او رعہد صحابہ سے شروع ہوا اور اب تک چلا آرہا ہے ۔اور حقیقت میں اہل سنت والجماعت وہ لوگ ہیں جن کاطریقہ وعمل وہی ہے جوطریقہ رسول اللہﷺ او رآپ ﷺکے صحابہ کرام کاتھا ۔اس لیے عوام جہلاء طبقہ جن کو سنن نبویہ کا علم نہیں اور وہ آباء واجداد کی رسومات کے پابند ہیں اور مختلف رسم ورواج اور بدعات کی دلدل میں گھیرے ہوئے یہ کسی عالم او رعقل مند کے نزدیک اہل سنت نہیں ہوسکتے ۔زیر نظر کتاب ’’اسلام میں اصلی اہل سنت کی پہچان‘‘معروف اہل حدیث عالم دین مولانا عبد لقادر حصاری کی کاوش ہے جس میں انہوں نے سنت کی تعریف او ر سنت کی تعلیم عہد نبوی میں ،سنت پر عمل کرنے کی فضلیت ، ترک سنت پر وعید وغیرہ جیسے اہم موضوعات کو بیان کرتے ہوئے یہ واضح کیا کہ اہل سنت سے مراد خرافات وبدعات میں گھیرے ہوئے لوگ نہیں بلکہ اہل سنت وہ ہیں جو تقلید اور بدعات وخرافات کو چھوڑ کر فرمان الٰہی اور فرمان نبویﷺکی اس طرح اتباع کرتے ہیں کہ جس طرح صحابہ کرام رضی اللہ عنہم نے اتباع کی ۔اللہ تعالی ا ہل ایمان کو قرآن وحدیث پر عمل پیرا ہونے کی توفیق عطا فرمائے ۔(آمین) (م۔ا)

اس کتاب اسلام میں اصلی اہلسنت کی پہچان کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین

اصول دعوی
منافقین کا دعویٰ ایمان جھوٹا
اعراب کا دعویٰ ایمان غلط ہوا
غلط دعویٰ موجب غضب الہٰی ہے
جھوٹے دعوی کی سزا
اہل سنت ہونے کا جھوٹا دعوی
مقلدین کا دعوی اہل سنت
اہل سنت کی تعریف
سنت پر عمل کرنے کی فضیلت
سنت کا خلاف بدعت
صحابہ کا ترک سنت پر انکار
رفع یدین کرنا سنت ہے
آمین بالجہر سنت ہے
نماز جنازہ میں چار تکبیر سنت ہیں
بیمار کے پاس کس قدر ٹھہرنا سنت ہے
معتکف کے لیے کیا سنت ہے
سنت کی اقسام اور انکا حکم
کسی کے قول اور مذہب کے مقابلے میں سنت نبوی ہر گز چھوڑی نہ جائیگی
فرمان نبوی سے کسی اور نبی کے قول کا مقابلہ
حضرت عثمان نے حدیث کے مقابلے میں اپنا قول چھوڑ دیا
امام ابن سیرین کی مقلدین پر ناراضگی
اہل الرائے کون ہیں
اقسام فقہ
ایمان اور اس کی کمی بیشی کا مسئلہ
استواء علی العرش
بعد از موت اولیاء اللہ کے تصرفات کا عقیدہ
مولانا ابو الاعلی مودودی صاحب کا فیصلہ
فیصلہ نواب صدیق حسن خان
فرقہ بندی واحدات مذہب
امت محمدیہ میں یہودیت
فرقہ غالیہ کے عقائد مردودہ
حنفی مذہب کا عروج کیسے ہوا
مردہ لوگ اہل سنت نہیں
مردہ سنت عند الفساد کرنے والے اہل سنت ہیں
جماعت غرباء دہلویہ پر تبصرہ
مذہب حنفیہ پر آخری نظر