اس حدیث کی تحقیق چاہیے

[محمد موسی]

السلام علیکم ! "عَنْ عَائِشَةَ ، قَالَتْ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِذَا كَثُرَتْ ذُنُوبُ الْعَبْدِ ، وَلَمْ يَكُنْ لَهُ مِنَ الْعَمَلِ مَا يُكَفِّرُهَا عَنْهُ ، ابْتَلاهُ اللَّهُ بِالْحَزَنِ ، لِيُكَفِّرَهَا عَنْهُ "
ترجمہ :-"جب کسی بندہ کے گناہ زیادہ ہوجاتے ہیں اور اس کے پاس اپنی مغفرت کے لیے اعمال صالحہ بھی نہیں ہوتے تو اللہ تعالی اسے غم میں مبتلا کردیتے ہیں تاکہ اس کے گنا ہوں کی معافی کا سامان ہوسکے۔"
مجھے اس روایت کی تحقیق چاہیے ؟

 

[انس]

اس روایت کو امام البانی﷫ نے ضعیف قرار دیا ہے۔ دیکھئے:
الدرر السنية - الموسوعة الحديثية

ليكن بھائی! آزمائشوں اور غموں سے گناہ معاف ہوتے ہیں، اس بارے میں صحیح روایات بھی موجود ہیں، نبی کریمﷺ کا فرمان ہے:
« ما يصيب المسلم ، من نصب ولا وصب ، ولا هم ولا حزن ولا أذى ولا غم ، حتى الشوكة يشاكها ، إلا كفر الله بها من خطاياه » ۔۔۔ صحيح البخاري
کہ ’’مسلمان کو جو بھی تھکاوٹ، بیماری، فکر، پریشانی، تکلیف اور غم وغیرہ پہنچے حتیٰ کہ وہ اگر اسے کانٹا بھی چب جائے تو اللہ تعالیٰ اس سے اس کی خطائیں مٹا دیتے ہیں۔‘‘

آزمائش انسان پر اس کے اعمال کے مطابق آتی رہتی ہیں، حتیٰ کہ اگر ایک انسان ان آزمائشوں پر اللہ کی رضا کیلئے صبر کرے تو ایک وقت ایسا بھی آتا ہے کہ انسان کا ایک گناہ بھی باقی نہیں رہتا، فرمانِ نبویﷺ ہے:
« فما يبرح البلاء بالعبد حتى يتركه يمشي على الأرض وما عليه خطيئة » ۔۔۔ صحيح الترمذي: 2398
کہ ’’ انسان پر مسلسل آزمائش اس وقت تک آتی رہتی ہے حتیٰ کہ وہ زمین پر چلتا ہے اور اس کی کوئی خطا باقی نہیں ہوتی۔‘‘

 

[محمد موسی]

جزاک اللہ خیرا