اس رب کو کیا بتلائیں گے ہم ؟؟؟

[shinning4earth]

اس رب کو کیا بتلائیں گے ہم؟
وہ روٹھ گیا ہے کیسے منائیں گے ہم؟
کہ خوں کے فوارے رواں دواں ،
اور بدن کے لوتھڑے یہاں وہاں
نہ بارش کا تھا کوئی قطرہ
نہ آنکھ سے آنسو ہی ٹپکا ۔۔۔
ہاں!
جب عصمت کی شہزادی نے
سندھ میں خون بہایا تھا
پھر بن قاسم اک مرد جواں
اللہ کے حکم سے آیا تھا
آج،،،
آج سندھ میں کتنی عصمتیں ہیں !
جو گردِہوا بن جاتی ہیں
اور کتنی مائیں روتے روتے !!
خود ہی چپ کر جاتی ہیں
اس رب کو کیا بتلائیں گے ہم؟
یہ قوم غیور تو اب تک ہے
کوئی ابنِ قاسم کیوں نہ رہا۔۔۔؟​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ اندلس کے میدانوں میں
تلوارِ طارق چمکی تھی
پھر آن کے آن ،کتنے برس
اللہ کی رحمت برسی تھی
۔۔۔پھر نوچ کے کھاگئے عیسائی
اور مسجد ،ممبر کچھ نہ رہا
نہ اللہ اکبر کی صدا ٓئی
اس رب کو کیا بتلائیں گے ہم؟
کوئی طارق جیسا کیوں نہ رہا؟​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔جسکی نہ کوئی صبح ہو
عراق میں ایسی شام ڈھلی
ایماں کے رکھوالے سینوں پر
کفروعناد کی تلوار چلی
جو انگلیاں تسبیح کرتی تھیں
وہ تن سے جدا کر ڈالی گئیں
اس رب کو کیا بتلائیں گے ہم؟
وہ مومن یا ایماں والے
اس ارضِ وسیع پر کیوں نہ رہے؟​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
افغانستان میں سسکیوں کا
اک اور نیا سیلاب اٹھا
آنسو لہو کے قطرے تھے
دل آگ کے شعلے پر تھا جلا
ہر اک منزل، ہر ہررستہ
ہرہر چادر، ہر ہر پردہ۔۔۔
گھر کوئی سلامت ہی نہ رہا
"ہم نے تو کہا تھا اے مالک !
تجھے کبھی نہ روٹھنے دیں گے ہم
یہ جان یہ تن لگائیں گے
گر روٹھ گیا تو منائیں گے"​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔کل پہلی رات کے کتنے چاند
گہر ی نیند سلاڈالے
ہر ہر تارا اندھیرے میں
کتنے چراغ بجھا ڈالے
کوئی کرچی بھی باقی نہ رہی
ہزاروں دیئے گرا ڈالے
غزہ کی چار دیواری میں
ڈھیروں!!!معصوم مرواڈالے
جو رات قبر میں آنی ہے ،
وہ رات قبر میں آنی ہے
پھر دن کے اتنے پہروں میں
ہم بار ہا قبر میں کیوں جائیں؟؟؟​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پھر سوریا میں ، جل گئے عَلم
پھر بھڑک اٹھی ہے نار ستم
پھر لگ گئے سینہء مومن پر
کافر کے کئی ضرب ِظلم
پھر خون کی ہولی کھیلی ہے
اور چاند اندھیرے میں گم ہے
پھر عصمت ہے بازاروں میں
پھر لاج اندھیرے میں گم ہے
پھر ماں کی گود تڑپتی ہے
پھر بچوں کی سسکاریاں ہیں
پھر کافر تجھ پر ہنستا ہے
اور دین کا پلڑا ہلکا ہے​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
"جب پھوٹ پڑے تو یہی مومن
زرہ زرہ، قطرہ قطرہ
گر مل جائے۔۔۔تو طوفان میں بھی
چٹان ہے یہ واللہ واللہ"
پھر اب کیوں زرہ زرہ بن کر
ہوا کے سپرد ہو جائیں ہم
چلو اپنی عصمت بچائیں ہم
اور اپنے گھر کی رکھوالی میں
چلو متحد ہوجائیں ہم۔۔۔
اور
اپنے رب کو منائیں ہم۔۔۔
خواہش بھی اس کے تابع ہو
اعمال بھی اس کی چاہت پر
"اشکوں کے زخیرے لٹاڈالیں
یہ جان یہ تن لگا ڈ ا لیں
چلو اپنے رب کو مناڈالیں
چلو اپنے رب کو منا ڈا لیں "​

فوزیہ غزل​

 

[محمد آصف مغل]

آپ کی نظم غور سے پڑھی ہے۔
اخوت و محبت کے دیپ جلائے گئے ہیں اس میں۔

اس پر بات کرنے کے لئے الگ سے تھریڈ لکھنا پڑے گا تاکہ آپ کی دل آزاری نہ ہو۔

 

[shinning4earth]

جزاک اللہ خیر
اگر آپ ایسا کریں تو مجھے اس تھریڈ میں ٹیگ کیجیئے گا۔
اس نظم میں بہت کچھ چھپا ہوا ہے۔ محبت اخوت درد احساس۔۔۔۔۔۔