اقتباسات "راز حیات" از مولانا وحیدالدین خاں

[marhaba]

۔۔۔۔۔۔۔۔ اس دنیا میں "باوجود" کا اصول کارفرما ہے۔ یہاں ناخوشگواریوں کے باوجود خوش گواری کو قبول کرنا پڑتا ہے، یہاں "نہیں" کے باوجود اس کو "ہے" میں تبدیل کرنا ہوتا ہے۔

یہی اس دنیا کا عام اصول ہے۔ یہاں کامیابی اس کا نام ہے کہ ناکامیوں کے باوجود کامیابی تک پہچنے کا راستہ نکالے۔ یہاں تجارت یہ ہے کہ گھاٹے کے باوجود نفع حاصل کیا جائے۔ یہاں آگے بڑھنا یہ ہے کہ پیچھے ہٹنے کے واقعات پیش آنے کے باوجود آگے کا سفر جاری رکھا جائے۔ اس دنیا میں کھونے کے باوجود پانے کا نام پانا ہے۔ یہاں اتحاد صرف ان لوگوں کے درمیان قائم ہوتا ہے جو اختلاف کے باوجود متحد ہونے کا فن جانتے ہوں۔


رازحیات:مولانا وحیدالدین خاں ص68

 

[marhaba]

------ ہر ناکامی کے بعد ایک نئی کامیابی کا امکان موجود رہتا ہے،بشرطیکہ وہ نہ جھوٹی اکڑ دکھائے اور نہ بے فائدہ ماتم میں اپنا وقت ضائع کرے۔ بلکہ حالات کے مطابق از سر نو اپنی جدو جہد شروع کردے۔


رازحیات:مولانا وحیدالدین خاں ص72

 

[marhaba]

۔۔۔۔۔۔۔ کسی انسان کی زندگی میں سب سے زیادہ اہم چیز عمل کا جذبہ ہے۔آدمی کے اندر عمل کا جذبہ پیدا ہوجائے تو اس کے اندر کی سوئی ہوئی تمام قوتیں بیدار ہوجاتی ہیں۔ وہ زیادہ بہتر طور پر سوچتا ہے۔ زیادہ کامیاب منصوبہ بناتا ہے اور زیادہ محنت کے ساتھ اپنے کام کی تکمیل میں لگ جاتا ہے۔-----------

جب بھی آدمی کی زندگی میں کوئی حادثہ پیش آئے تو اس کو حادثہ کو دیکھنے کے بجائے اپنے آپ کو دیکھنا چاہئے۔ مستقبل کے کسی بھی نتیجہ کا سارا انحصار اس پر ہوتا ہے کہ آدمی حالات کے مقابلہ میں کس قسم کے ردعمل کا اظہار کرتا ہے۔ تعمیرنو کا جذبہ پیدا ہو تو یہ مثبت ردعمل ہے جو لازما کامیابی تک پہنچاتا ہے اور اگر احتجاج اور شکایت کا ذہن ابھرے تو یہ منفی ردعمل ہے جس کا آخری انجام مزید بربادی کے سوا اور کچھ نہیں۔

رازحیات:مولانا وحیدالدین خاں ص78

 

[marhaba]

------ حقیقت یہ کہ آدمی کے پاس کچھ نہ ہو تب بھی اس کے پاس بہت کچھ ہوتا ہے۔ یہ جسم اور یہ دماغ جو ہم کو ملا ہوا ہے،یہ تمام قیمتی چیزوں سے زیادہ قیمتی ہے۔ آدمی اگر اپنے جسم و دماغ کی صلاحیتوں کو بھرپور استعمال کرے تو وہ دنیا کی ہر کامیابی حاصل کرسکتا ہے۔ کوئی چیز اس کے لئے ناممکن نہیں۔ اگر آپ کے پاس ہاتھ ہے جس سے آپ پکڑیں اور پاؤں ہے جس سے آپ چلیں۔ آپ کے پاس آنکھ ہے جس سے آپ دیکھیں اور زبان ہے جس سے آپ بولیں تو گویا آپ کے پاس سب کچھ ہے۔ کیونکہ ان کے ذریعہ سے دنیا کی تمام چیزیں حاصل کی جاسکتی ہیں۔ کوئی چیز بھی ان کے دائرہ سے باہر نہیں۔


رازحیات:مولانا وحیدالدین خاں ص79

 

[marhaba]

----- آدمی بربادی سے دوچار ہونے کے بعد اگر اپنی عقل کو نہ کھوئے تو وہ نہ صرف دوبارہ کامیابی حاصل کرسکتا ہے۔ بلکہ اپنی ناکامی کو اپنے لئے کامیابی کا زینہ بنا سکتا ہے۔---------


رازحیات:مولانا وحیدالدین خاں ص83

 

[ثانیہ]

بہت عمدہ ۔جزاکم اللہ خیرا