اقوال سلف

[عبدالرحمن حمزہ]

محترم بھائی!
بہتر ہوگا کہ کسی شیخ سے پوچھ لیں

شیخ @اسحاق سلفی حفظہ اللہ

 

[عمر اثری]

شیخ @اسحاق سلفی حفظہ اللہ

انھوں نے یہاں بتا بھی دیا.

 

[طاہر اسلام]

جس میں دوخصلتیں موجود ہوں ، وہ نجات پا گیا : سچائی اور اصحابِ رسول اللہﷺ سے محبت ! (امام ابن المبارکؒ)
--------------------------​

خصلتان من كانا فيه نجا ؛ الصِّدْق ومحبَّة أصحابُ رسول الله ﷺ. (تاريخ دمشق لابن عساكر ٣٢ / ٤٥٠)

 

[عبدالرحمن حمزہ]

انھوں نے یہاں بتا بھی دیا.

صحیح، میں جواب پہلے ہی دیکھ چکا تھا
مگر سرسری نظر سے... اب پھر سے آپ کی پوسٹ دیکھی تو ذہن میں سوال آیا اور شیخ کا نام کھ دیا..
ابتسامہ!

 

[طاہر اسلام]

لوگوں کی خوش نودی ناقابل حصول غایت ہے ؛ پس تم اسی چیز کو لازم پکڑو جس میں تمھاری بہتری ہے ۔ (امام شافعیؒ)​

_______ ​

قال الشافعي - رحمه الله - : "رضى الناس غاية لا تدرك ، فعليك بما فيه صلاح نفسك فالزمه" . (مدارج السالكين)​

 

[عبدالرحیم رحمانی]

حضرت مالک بن دينار رحمہ اللہ نے فرمایا :

برا آدمی ہونے کے لئے یہ بات کافی ہے کہ وہ خود صالحین میں سے نہ ہو مگر صالحین کی برائیاں کرتا رہے.
‏
‏ شعب الايمان ، للبيهقي 316/6

 

[طاہر اسلام]

لوگوں میں سب سے زیادہ خطائیں ان کی ہوتی ہیں جو لوگوں کی خطاؤں کا زیادہ ذکر کرتے ہیں ! (امام ابن سیرینؒ)​

__________ ​

عن محمد بن سيرين أنه قال : " إنَّ أكثر الناس خطايا أكثرهم ذكرًا لخطايا الناس " المجالسة وجواهر العلم​

 

[عبدالرحیم رحمانی]

علامہ حافظ ابن قيم رحمه الله نے فرمایا :

علم پر فخر کرنا اللہ کے نزدیک مال پر فخر کرنے سے زیادہ برا ہے.
عدة الصابرين 197


علامہ حافظ ابن قيم رحمه الله نے فرمایا :

دعا میں درود شریف پڑھنے کی اہمیت نماز میں فاتحہ پڑھنے جیسی ہے.
جلاء الأفهام 448


سیدنا سلمان فارسی رضی الله عنہ نے فرمایا :

نماز پیمانہ ہے.
جو پیمانہ پورا کرے گا اس کے ساتھ بھلائی میں پورا کیا جائے گا.

جس نے پیمانے میں ڈنڈی ماری تو ڈنڈی مارنے والوں کا معاملہ سورہ المطففین میں بتایا گیا ہے.
الزهد لابن المبارك 1176


علامہ حافظ ابن قيم رحمه الله نے فرمایا :

پاک دل چونکہ حقیقی زندگی سے منور اور آلائشوں سے پاک ہوتا ہے اس لئے قرآن سے کبھی سیر نہیں ہوتا.
بدائع التفسير 1/320


امام شافعی رحمه الله نے فرمایا :

آدمی کا جوہر تین چیزوں میں ہے :

فقر اور تنگدستی کو چھپانا یہاں تک لوگ سمجھیں کہ بڑا امیر اور مالدار ہے.

غصہ چھپانا یہاں تک لوگ سمجھیں کہ دل کی رضا ہے.

سخت حالات چھپانا یہاں تک لوگ سمجھیں کہ بڑی کشادگی میں ہے.
مناقب الشافعي للبيهقي: 188/2

 

[عبدالرحیم رحمانی]

علامہ حافظ ابن قيم رحمه الله نے فرمایا :

اگر قبروں کے پاس دعا کرنا، نماز پڑھنا اور تبرک حاصل کرنا فضیلت کا باعث ہوتا تو مہاجر اور انصار صحابہ اس قبر کے پاس یہ سب کچھ کرتے.

اور انہوں نے نبی کریم صلی اللہ علیہ و سلم کی قبر کی طرف اشارہ کیا.

إغاثة اللهفان 1/319

 

[عبدالرحیم رحمانی]

علامہ ابن رجب رحمہ الله نے فرمایا :

جس نے خوشحالی اور کشادگی کے وقت اللہ تعالٰی کے ساتھ تقوی کا معاملہ کیا...

تو اللہ تعالٰی تنگی اور مصیبت کے وقت اس کے ساتھ لطف و کرم کا معاملہ فرمائے گا.

جامع العلوم والحكم 1/ 474