الفت

[حافظ عبدالکریم]

شاعر: اظہر پاشاہ اظہر

محبت کا ترانہ گا رہا ہوں
اخوت کی زباں سکھلا رہا ہوں

جنہوں نے نفرتوں کے بیج بوئے
انہیں الفت سکھانے آ رہا ہوں

جو مجھ سے دشمنی رکھتے ہیں ان کو
دعاؤں سے نوازے جا رہا ہوں

مسلماں ہوں مسلمانی ہے مجھ میں
اسی پر فخر کرتے جا رہا ہوں

غنیمت وقت کو میں نے نہ جانا
اسی پر آج یوں پچھتا رہا ہوں

مری ماں ساری خوشیاں دے گئی ہے
اسی کی آج لذت پا رہا ہوں

یہ باتیں غور سے اظہر سنو تم
سبق شاہین کے بتلا رہا ہوں​