اللہ غفور الرحیم ہے

[میرب فاطمہ]

دور حاضر کے مسلمانوں کا ایمان مختصر ہوتا ہوتا اتنا چھوٹا پڑ گیا ہے کہ سارا زور اب ایک ہی جملے پر رہ گیا ہے (کہ الله غفورالرحیم ہے)۔ اس سے آگے کچھ نہ اس سے پیچھے کچھ۔۔۔۔
گانے سنو، فحاشی پھیلاؤ، فراڈ کرو، دنیا کے کتے بن جاؤ، بے نمازی ،شرابی،جھوٹے کچھ بھی ہو ۔۔۔۔ بس جی الله غفورالرحیم ہے۔ وہ بخش دے گا۔
کتنا ہی سمجھاؤ کہ الله نے قرآن اتارا ، حدیث موجود ہے۔ان میں وعدہ ہے تو وعید بھی ہے۔کچھ قوانین ہیں کچھ حدود ہیں۔ وہ غفار ہے تو قہار بھی تو ہے شدیدالعقاب بھی تو ہے۔۔۔۔۔
جواب ملتا ہے ہاں جی وہ تو ٹھیک ہے مگر الله غفورالرحیم ہے۔۔۔۔

 

[محمد نعیم یونس]

میرے رب سے جیسا گمان رکھو گے اسے ویسا ہی پاؤ گے..اور میں دل کے یقین سے کہتا ہوں کہ:
لاشک
میرا رب، الغفور الرحمن الرحیم الغفار الکریم ہے..
اور میرے ناقص خیال کے مطابق جو اللہ تعالی کی ان صفات پر یقین کامل رکھتا ہو تو اللہ تعالی یقینا اُس پر رحم فرما کر اُسے بے شمار گناہوں سے محفوظ رہنے کی توفیق دے گا..آمین!
میرا اللہ غفور و رحیم ہے..