امام احمد بن حنبل رحمہ اللہ کا شکوک و شبہات کے بارے میں عملی موقف

[محمد فیض الابرار]

حقیقت تو یہ تھی کہ امام احمد بن حنبل رحمہ اللہ خلیفہ وقت کے ہدایا اور تحائف کی قبولیت سے قطعی انکار کرتے تھے اس طرف سے انہیں اطمئنان تھا کہ خواہ قبول کریں یا نہ کریں لہذا آپ کی پاکبازی اور نیک نیتی اس امر کی اجازت نہیں دیتی تھی کہ آپ کو مال جو حکومت سے عطا کے طور پر ملے اسے ہاتھ بھی لگائیں لیکن آپ کی اولاد اور اعزا واقارب وغیرہ یہ تحائف قبول کر لیا کرتے تھے امام رحمہ اللہ نے اس امر سے انہیں روکا بھی لیکن ان لوگوں نے نہ سنی۔
امام موصوف رحمہ اللہ فرمایا کرتے تھے کہ : تم لوگ یہ مال کیوں قبول کرتے ہو جبکہ ملک کی سرحدیں معطل اور غیر اآباد ہیں اور مال کے مستحق لوگں میں تقسیم نہیں ہو پاتے۔
لیکن جب امام موصوف رحمہ اللہ نے یہ دیکھا کہ یہ لوگ باز نہیں آ رہے تو آپ نے ان لوگوں سے بھی قطع تعلق کر لیا نہ ان کا کھاتے نہ پیتے حتی کہ وہ روٹی بھی نہ کھاتے جو ان کے تنور میں پکتی تھی ۔

 

[محمد فیض الابرار]

ایک بار آپ کو معلوم ہوا کہ دستر خوان پر روٹی میرے سامنے کو اس وقت رکھی ہوئی ہے یہ میرے کسی بیٹے کے گھر کے تنور کی پکی ہوئی ہے چنانچہ اس کے کھانے سے انکار کر دیا صرف اور صرف اس لیے یہ بیٹا شاہ وقت کے انعامات اور تحائف قبول کر لیا کرتا تھا
لیکن ان واقعات سے کیا نتیجہ نکالا جا سکتا ہے کہ امام احمد بن حنبل رحمہ اللہ خلفاء کے ھدایا اور تحائف کو حرام سمجھتے تھے نہیں ایسی بات نہیں بلکہ بات صرف یہ تھی کہ ٓپ ان کے مال و دولت کو مشکوک سمجھتے تھے حرام نہ جانتے تھے اور امام احمد بن حنبل کے نزدیک یہ امر تقوی کے منافی رویہ تھا کہ مشکوک امور سے نہ بچا جائے ۔
لہذا آپ کا یہ موقف تھا کہ میرے تصرف میں صرف وہ مال آئے جس کے متعلق علم قطعی ہو کہ وہ حلال ہی حلال ہے ۔

 

[محمد فیض الابرار]

آج صبح بوقت فجر اس کتاب کو ختم کیا تو امام احمد بن حنبل رحمہ اللہ کی عظمت دل و دماغ پر اس طرح حاوی ہو گئی ہے کہ ناقابل بیان اس کتاب کے اقتباسات فورم کی زینت بنیں گے ان شا ء اللہ