امام شافعی کا اخبرنا الثقہ کہنا!

[رضا میاں]

اسلام علیکم
امام شافعی روایت کرتے وقت بہت دفعہ اپنے استاد کا نام نہیں لیتے بلکہ یہ کہتے ہیں: اخبرنا الثقۃ، یا انبانا الثقۃ وغیرہ۔
اب راوی تو مجھول ہے، لیکن امام شافعی ساتھ میں اس کی توثیق بھی کر رہے ہیں۔ مجہول کے بارے میں تو ایک محدث کی تصریح بھی کافی ہوتی ہے۔ تو کیا ایسی حدیث صحیح ہو گی؟

 

[کفایت اللہ]

ایسی حدیث صحیح نہیں ہوگی کیونکہ امام شافعی کے نزدیک ثقہ ہونے سے یہ لازم نہیں آتا کہ وہ دوسروں کے نزدیک بھی ثقہ ہو۔


ہاں اگر امام شافعی رحمہ اللہ راوی کا نام ذکر کرکے اسے ثقہ کہتے پھر اس راوی کے بارے میں جمہور کی جرح نہ ملتی تو حدیث صحیح ہوتی۔

 

[رضا میاں]

جزاک اللہ خیرا شیخ

 

[رضا میاں]

اس کے بارے میں کیا خیال ہے:

حَدَّثَنَا سُلَيْمَانٌ، قَالَ: سَمِعْتُ عَبْدَ اللَّهِ بْنَ أَحْمَدَ، يَقُولُ: سَمِعْتُ أَبِي يَقُولُ، قَالَ لِي مُحَمَّدُ بْنُ إِدْرِيسَ الشَّافِعِيَّ: «يَا أَبَا عَبْدِ اللَّهِ , أَنْتَ أَعْلَمُ بِالْأَخْبَارِ الصِّحَاحِ مِنَّا، فَإِذَا كَانَ خَبَرٌ صَحِيحٌ فَأَعْلِمْنِي حَتَّى أَذْهِبَ إِلَيْهِ كُوفِيًّا كَانَ أَوْ بَصْرِيًّا أَوْ شَامِيًّا» قَالَ عَبْدُ اللَّهِ: جَمِيعُ مَا حَدَّثَ بِهِ الشَّافِعِيُّ فِي كِتَابِهِ فَقَالَ: حَدَّثَنِي الثِّقَةُ، أَوْ أَخْبَرَنِي الثِّقَةُ، فَهُوَ أَبِي رَحِمَهُ اللَّهُ. قَالَ عَبْدُ اللَّهِ: وَكِتَابُهُ الَّذِي صَنَّفَهُ بِبَغْدَادَ هُوَ أَعْدَلُ مِنْ كِتَابِهِ الَّذِي صَنَّفَهُ بِمِصْرَ، وَذَلِكَ أَنَّهُ حَيْثُ كَانَ هَاهُنَا يَسْأَلُ، وَسَمِعْتُ أَبِي يَقُولُ: اسْتَفَادَ مِنَّا الشَّافِعِيُّ مَا لَمْ نَسْتَفِدْ مِنْهُ
حلیۃ الاولیا: 9/170، الشاملہ

 

[رضا میاں]

اگر امام شافعی کے اخبرنا الثقہ کہنے سے مراد امام احمد بن حنبل ہیں تو اس قول میں امام شافعی کی کس کتاب کی بات ہو رہی ہے؟
کتاب الام، اور مسند الشافعی میں کئی جگہوں پر اس طریق سے بھی روایتیں ہیں: امام شافعی اخبرنا الثقہ عن تابعی عن صحابی۔ حالانکہ امام احمد نے کسی تابعی سے روایت نہیں کی؟؟؟

 

[کفایت اللہ]

امام شافعی رحمہ اللہ جب اپنے شیخ کو ثقہ کہہ کر نام نہ بتلائیں تو ایسی صورت میں کون مراد ہوتے ہیں اس بارے میں اہل فن کے کئی اقول ہیں ۔

امام زرکشی (المتوفى: 794 ) کہتے ہیں:
قَالَ أَبُو حَاتِمٍ: إذَا قَالَ الشَّافِعِيُّ: أَخْبَرَنِي الثِّقَةُ عَنْ ابْنِ أَبِي ذِئْبٍ فَهُوَ ابْنُ أَبِي فُدَيْكٍ. وَإِذَا قَالَ: أَخْبَرَنِي الثِّقَةُ: قَالَ: اللَّيْثُ بْنُ سَعْدٍ، فَهُوَ يَحْيَى بْنُ حَسَّانَ وَإِذَا قَالَ: أَخْبَرَنِي الثِّقَةُ، عَنْ الْوَلِيدِ بْنِ كَثِيرٍ فَهُوَ عَمْرُو بْنُ أَبِي سَلَمَةَ وَإِذَا قَالَ: أَخْبَرَنِي الثِّقَةُ عَنْ ابْنِ جُرَيْجٍ، فَهُوَ مُسْلِمُ بْنُ خَالِدٍ الزِّنْجِيُّ.[البحر المحيط في أصول الفقه : 6/ 176 ]۔

اسی طرح کی تفصیل اوربھی بہت سے محدثین نے پیش کی ہیں ۔

ان تمام باتوں کو سامنے رکھتے ہوئے یہی نتیجہ نکلتا ہے کہ امام شافعی رحمہ اللہ اپنے کسی مخصوص شیخ سے متعلق أَخْبَرَنِي الثِّقَةُ نہیں کہتے تھے بلکہ مختلف اوقات میں مختلف شیوخ مراد ہوتے تھے ، اورامام عبداللہ رحمہ اللہ نے اپنے علم کی حد تک معلومات دی ہے۔

بہرحال امام شافعی رحمہ اللہ کا أَخْبَرَنِي الثِّقَةُ کہنا ان کے شیخ کے تعارف کے لئے کافی نہیں ہے بلکہ جب تک ان کے نام کا پتہ نہ چلے سند کی تصحیح نہیں کی جاسکتی ۔