امام وقت سیدنا امام مالک رحمہ اللہ کا حق کی آواز کے سامنے عاجزی کا بے مثال واقعہ

[ابو محمد سہیل]

امام وقت سیدنا امام مالک رحمہ اللہ کا حق کی آواز کے سامنے عاجزی کا بے مثال واقعہ

مدینہ طیبہ کے مشہورامام سیدنا امام مالک بن أنس رحمہ اللہ ایک دفعہ مسجد میں داخل ہوئے اور تحیة المسجد کی دو رکعت پڑھے بغیر ہی بیٹھ گے -
تو ایک بچے نے غصے سے کہا " اٹھیے اور دو رکعت پڑھ کر بیٹھیے "
سیدنا امام مالک رحمہ اللہ اٹھے اور دو رکعت پڑھ کر بیٹھ گئے تو بعض شریر لوگوں نے کہا کہ آپ اتنے بڑے امام ہو کر ایک بچے کی بات مان رہے ہیں-
تو انہوں نے فرمایا : میں اس بات سے ڈرتا ہو کہ کہیں میرا شمار ان لوگوں میں نہ ہو جائے جن کے متعلق اللہ رب العزت نے فرمایا :
(وَإذَا قِيلَ لَهُمُ ارْكَعُوا لاَ يَرْكَعُونَ)
" جب ان سے کہا جاتا ہے کہ رکوع ( نماز ادا ) کرو تو وہ نہیں کرتے "
اللہ أکبر ، تو کہاں آج وہ لوگ جن کی گردنیں حق کی آواز کی سن کر تکبر سے اکٹر جاتی ہے – !! ؟؟

ہاں وہ تھیں وہ پاکباز ہستیاں جنہوں نے حق کی آواز پر اپنی گردن جھکائی تو لوگ آج تک ان کے علم کے سامنے جھکے ہوئے ہیں-

اللہ ان پر کروڑوں رحمتیں فرمائے اور ہمیں ان کے نقش قدم پر چلنے کی توفیق عطا فرمائے -
(ایڈمن حضرات اس پوسٹ کومناسب جگہ منتقل فرما دیں )

 

[انس]

جزاکم اللہ خیرا!
بہت ہی اچھی شیئرنگ ہے!
براہِ کرم اس کا ریفرنس بھی دے دیں!
اللہ آپ کو خوش رکھے!

 

[ابن خلیل]

جزاک الله خیرا
حوالہ ضروری ہے

 

[محمد ارسلان]

ابن باز رحمۃ اللہ علیہ نے فتوی دیا ہے کہ مسجد میں جا کر بیٹھنے سے پہلے دو رکعت پڑھنا چاہیے لیکن اگر کوئی پڑھے بغیر بھی بیٹھ جائے تو اس میں کوئی حرج نہیں۔

 

[محمد شاہد]

سہیل بھائی پلیز جلد از جلد حوالہ دیں۔
اور ارسلان بھائی کیا آپ کے پاس اس فتوی کا لنک ہے۔ ہے تو لنک بتائیں میں اس فتوی کو مکمل پڑھنا چاہتا ہوں۔

 

[محمد ارسلان]

سہیل بھائی پلیز جلد از جلد حوالہ دیں۔
اور ارسلان بھائی کیا آپ کے پاس اس فتوی کا لنک ہے۔ ہے تو لنک بتائیں میں اس فتوی کو مکمل پڑھنا چاہتا ہوں۔

شاہد بھائی میرے پاس pdf فائلز کا سافٹ وئیر (Adob Reader x) میں کوئی بھی فائل اوپن کرتے وقت ایرر آ رہا ہے جس کی وجہ سے میں مکمل حوالہ دینے سے قاصر ہوں،یہ مسئلہ حل ہوتے ہیں میں یہاں فتوے کا حوالہ لکھ دوں گا۔ان شاءاللہ
ابھی آپ "فتاوی ابن باز" کا ہماری" کتب لائبریری" سے ڈاون لوڈ کر کے مطالعہ کریں۔

 

[محمد شاہد]

جزاک اللہ خیرا ارسلان بھائی

 

[ابن خلیل]

ابن باز رحمۃ اللہ علیہ نے فتوی دیا ہے کہ مسجد میں جا کر بیٹھنے سے پہلے دو رکعت پڑھنا چاہیے لیکن اگر کوئی پڑھے بغیر بھی بیٹھ جائے تو اس میں کوئی حرج نہیں۔

حوالہ دو رکعت والی نماز کے لئے نہیں بلکے امام مالک رحمہ اللہ کے واقعے کا چاہیے
اور دو رکعت والی نماز کے لئے الله کے رسول ﷺ کی حدیث ہی کافی ہے فتوے کی کیا ضرورت

 

[ابو محمد سہیل]

السلام علیکم ، تمام دوستوں کی حوصلہ افزائی کا شکریہ-
امام مالک رحمہ اللہ والا یہ واقعہ سعودی عرب کے مشہور عالم الشیخ علی عبد الخالق القرنی کی عربی کتاب (دروس و خطب علي القرني , باب صور وعبر , الجز 18 , الصفحة , 21) پرموجود ہے - یہ كتاب المكتبة الشاملة میں بھی دستیاب ھے - اور ان شاء اللہ جلد ہی اصل حوالہ بھی پیش کر دیا جائے گا-

 

[محمد ارسلان]

اور دو رکعت والی نماز کے لئے الله کے رسول ﷺ کی حدیث ہی کافی ہے فتوے کی کیا ضرورت

جی بالکل
آپ صحیح فرما رہے ہیں،میں نےصرف شیخ ابن باز کا موقف بیان کیا ہے،کہ ان کے نزدیک اگر کوئی مسجد میں داخل ہو کر دو رکعت پڑھے بغیر بیٹھ جائے تو اس میں کوئی حرج نہیں۔