اہل حدیث نعت کی حیثیت کو کتنا مانتے ہیں ؟؟؟

[Dua]

بسم اللہ الرحمن الرحیم
السلام علیکم ورحمتہ اللہ !
مجھے اہل علم سے یہ استفسار کرنا ہے کہ اہل حدیث نعت گوئی کرنے یا غیر شرکیہ نعتیہ اشعار کو کتنا مانتے ہیں ؟
نیز اس ضمن میں "محفل نعت " کا کیا تصور ہے؟ واضح رہے کہ اویس رضا قادری اور دیگر نعت خواں کوسعودی عرب میں نعت پڑھنے سے سختی سے روکا جاتا ہے۔۔۔۔لیکن اس کے دلائل کیا ہیں ؟​

@ابوالحسن علوی ، بھائی۔
کچھ رہنمائی کیجیئے۔۔۔جزاک اللہ خیرا۔

​

 

[Aamir]

http://forum.mohaddis.com/threads/کیا-نعت-گانا-جائز-ہے؟.2892/

 

[جوش]

اسلام میں نعت گویی حرام نہیں ہے شرط یہ ہے کہ وہ نعت شرک سے پاک ہو جیسے حسان بن ثابت رضی اللہ عنہ نے کہا تہا ۔۔ اویس قادری اور اسکے ہمنواوں کے نعتیہ کلام مکمل شرک پر مبنی ہوتے ہیں اس لیے وہ غلط ہیں اور اسکا پڑھنا گناہ سے خالی نہیں ۔

 

[جوش]

محفل نعت صحیح نہیں ہے ۔ وہ محفل زیادہ بہتر ہے جس میں توحید اور شرک کا بیان ہو تاکہ لوگ توحید کو سمجھکر اسکو اپناییں اور شرک کو سمجہکر اس سے بچیں ۔اتباع نبی کا کیا مفہوم ہے اسکی وضاحت ہو ۔لوگوں کے دلوں میں نبی صلی اللہ علیہ وسلم کا مقام و مرتبہ بٹھاییں تاکہ لوگ صحیح طرح سے آپکی حیثیت کو سمجھکر آپکی باتوں پر عمل کرنے کی کوشش کریں ۔

 

[Dua]

اسلام میں نعت گویی حرام نہیں ہے شرط یہ ہے کہ وہ نعت شرک سے پاک ہو جیسے حسان بن ثابت رضی اللہ عنہ نے کہا تہا ۔۔ اویس قادری اور اسکے ہمنواوں کے نعتیہ کلام مکمل شرک پر مبنی ہوتے ہیں اس لیے وہ غلط ہیں اور اسکا پڑھنا گناہ سے خالی نہیں ۔

اگر وہ شرکیہ نعت نہ پڑھیں تو کیا درست ہو گا ؟؟؟

 

[Dua]

http://forum.mohaddis.com/threads/کیا-نعت-گانا-جائز-ہے؟.2892/

شکریہ۔جزاک اللہ خیرا۔۔۔مگر میرا سوال ہی اس سے مختلف ہے بھائی۔بہت ضروری ہے کہ کوئی اہل حدیث اہل علم ہمیں اس پر دلیل سے آگاہ کرے۔
@خضر حیات بھائی

 

[خضر حیات]

حضور نبی کریم علیہ التحیۃ والتسلیم کی مدح سرائی میں تو کسی مسلمان کی دو رائے نہیں ہیں کہ یہ بہترین عبادات اور افضل ترین قربات میں سے ہے ۔ حضور کے اوصاف حمیدہ اور آپ کی ذات کا دفاع خود اللہ تعالی نے قرآن مجید میں اہتمام کے ساتھ ذکر کیا ہے ۔ صحابہ کرام میں حسان بن ثابت سمیت کئی شعراء نے نعت گوئی کی ہے ۔ اور آج تک آپ کی شان میں ہزاروں کی تعداد میں قصیدے لکھے جاچکے ہیں ۔
باقی رہا ’’ نعت گوئی کی محفلیں ‘‘ منعقد کرنا اس پر عمومی حکم تو جواز کا ہی لگے گا الا کہ کسی محفل کے اندر کوئی شرعی قباحت ہو ۔ جیسا کہ وعظ و تبلیغ کے سلسلے میں جلسے جلوس ہوتے ہیں ان کا عمومی حکم یہی ہے کہ جائز ہیں لیکن اگر ان کی وجہ سے شرعی قباحتیں لازم آئیں تو ان کا حکم تبدیل ہو جائے گا ۔

 

[Dua]

جزاک اللہ خیرا۔۔۔
اہل علم رہنمائی کریں ، اہل حدیث دلائل کے ساتھ اس پر رائے رکھیں تو مجھے لگتا ہے بہت سے عامیوں کا مسئلہ حل ہو گا۔ان شاء اللہ
اس پر میری ایک علمی خاتون سے بھرپور مکالمہ ہو چکا ہے، یہ خاتون اسلام پر وسیع علم رکھتی ہیں ، محاضرات میں شرکت بھی کرتی ہیں ما شاء اللہ۔
حسان بن ثابت نے کفار میں ہجو یعنی اشعار بیان کیئے تھے ، چناچہ اگر مسلمان کفاروں کے رو برو نعت یا اشعار بیان کریں تو اس میں کوئی قباحت نہیں۔تاریخ میں دوبارہ کہیں بھی ثابت نہیں کہ حسان بن ثابت کے بعد کسی اور صحابہ نے یہ سب کیا ہو ، یہاں تک کہ خود انہوں نے دوبارہ بیان نہیں کیئے ۔
لہذا آج جو نعت گائی کی جاتی ہے وہ مسلمانوں میں کی جاتی ہے ، اور چونکہ نعت نبی کریم صلی اللہ علیہ وسلم کی تعریف پر مبنی کلام ہے ، تو اسے مسلمان کے مابین اس طرح بیان کرنے کی کوئی شرعی نص ثابت نہیں۔یہاں ایک اور وضاحت بھی پیش ہے کہ حسان بن ثابت رضی اللہ عنہ ان لوگوں میں شامل تھے ، جنہوں نے واقعہ افک میں بہتان طرازی کی۔آپ صلی اللہ علیہ وسلم نے واقعہ کے بعد ایسے لوگوں کو کوڑوں کی سزا بھی دی تھی۔بہر حال میری معلومات کی حد تک اہل حدیث نعت کو مشروط معاملے تک جائز قرار دیتے ہیں۔واللہ اعلم !

 

[جوش]

خضر حیات صاحب نے لکھا ہے کہ مدح سرایی بہترین عبادات اور افضل ترین قربات میں سے ہے۔ یہ محل نظر ہے اس کیلیے دلیل چاہیے ۔نیز انہوں نے یہ بھی لکھاہے کہ آپکی ذات کا دفاع خود اللہ تعالی نے قرآن مجید میں اہتمام کے ساتھ کیا ہے ۔اسکیلیے بھی کسی آیت کا ثبوت چاہیے کہ یہاں اللہ تعالی نے آپ صلی اللہ علیہ وسلم کا دفاع کیا ہے ۔

 

[خضر حیات]

خضر حیات صاحب نے لکھا ہے کہ مدح سرایی بہترین عبادات اور افضل ترین قربات میں سے ہے۔ یہ محل نظر ہے اس کیلیے دلیل چاہیے ۔

اس كے لیے کسی خصوصی دلیل کی ضرورت نہیں بلکہ شریعت کے عمومی دلائل اس کی تائید کرتے ہیں ۔ جس طرح دین اسلام کے محاسن بیان کرنےکی ضرورت ہے اسی طرح اس دین کو لانے والے کی خوبیاں بیان کرنا بھی ضروری ہے ۔ حضور پر ایمان لانا ارکان ایمان و اسلام میں شامل ہے اور آپ کی تعریف و توصیف اس کا حصہ ہے ۔ واللہ اعلم ۔

انہوں نے یہ بھی لکھاہے کہ آپکی ذات کا دفاع خود اللہ تعالی نے قرآن مجید میں اہتمام کے ساتھ کیا ہے ۔اسکیلیے بھی کسی آیت کا ثبوت چاہیے کہ یہاں اللہ تعالی نے آپ صلی اللہ علیہ وسلم کا دفاع کیا ہے ۔

کئی آیات ہیں ۔ مثلا
إنا كفينك المستهزئين ۔ سورة الحجر
سورة نون كی ابتدائی آیات : ن والقلم و ما یسطرون ، ما أنت بنعمۃ ربک بمجنون ، و إنک لعلی خلق عظیم ،
سورۃ الکوثر : إنا أعطینک الکوثر ۔۔۔ إن شانئک ہو الأبتر ۔