- شمولیت
- فروری 14، 2011
- پیغامات
- 9,748
- ری ایکشن اسکور
- 26,379
- پوائنٹ
- 995
ایاک نعبد وایاک نستعین
"ہم تیری ہی عبادت کرتے ہیں اور صرف تجھ ہی سے مدد چاہتے ہیں"
عبادت کے معنی ہیں کسی کی رضا کے لیے انتہائی تذلل و عاجزی اور کمال خشوع کا اظہار اور بقول ابن کثیر 'شریعت میں کمال محبت، خضوع اور خوف کے مجموعے کا نام ہے" یعنی جس ذات کے ساتھ محبت بھی ہو، اس کی مافوق الاسباب ذرائع سے اس کی گرفت کا خوف بھی ہو-
سیدھی عبارت "نعبدک و نستعینک" (ہم تیری عبادت کرتے ہیں اور تجھ سے مدد چاہتے ہیں) ہوتی، لیکن اللہ تعالی نے یہاں مفعول کو فعل پر مقدم کرکے ’’ ایاک نعبد و ایاک نستعین ‘‘ فرمایا، جس سے مقصد اختصاص پیدا کرنا ہے، یعنی "ہم تیری ہی عبادت کرتے ہیں اور تجھ ہی سے مدد چاہتے ہیں" نہ عبادت اللہ کے سوا کسی اور کی جائز ہے اور نہ استعانت ہی کسی اور سے جائز ہے- ان الفاظ سے شرک کا سد باب کردیا گیا ہے، لیکن جن کے دلوں میں شرک کا روگ رواہ پاگیا ہے، وہ مافوق الاسباب اور ماتحت الاسباب استعانت میں فرق کو نظر انداز کرکے عوام کو مغالطے میں ڈال دیتے ہیں اور کہتے ہیں کہ
حالانکہ اسباب کے ماتحت ایک دوسرے سے مدد چاہنا اور مد کرنا شرک نہیں ہے، یہ تو اللہ تعالی کا بنایا ہوا نظام ہے، جس میں سارے کام ظاہری اسباب کے مطابق ہی ہوتے ہیں، حتی کہ انبیاء بھی انسانوں کے مدد حاصل کرتے ہیں-دیکھو ہم بیمار ہوجاتے ہیں تو ڈاکٹر سے مدد حاصل کرتے ہیں، بیوی سے مدد چاہتے ہیں، ڈرائیور اور دیگر انسانوں سے مدد کے طالب ہوتے ہیں- اس طرح وہ یہ باور کراتے ہیں کہ اللہ کے علاوہ اورں سے مدد مانگنا بھی جائز ہے-
حضرت عیسی علیہ اسلام نے فرمایا:
اللہ تعالی نے اہل ایمان کو فرمایا:"اللہ کے دین کے لیے کون میرا مد گار ہے؟" (الصف)
ظاہر سی بات ہے کہ یہ تعاون ممنوع ہے نہ کہ شرک، بلکہ مطلوب و محمود ہے-"نیکی اور تقوای کے معاملے میں ایک دوسرے کی مدد کرو-" (المائدہ:2)
اس کا اصطلاحی شرک سے کیا تعلق؟
شرک تو یہ ہے کہ ایسے شخص سے مدد طلب کی جائے جو ظاہری اسباب کے لحاظ سے مدد نہ کرسکتا ہو، جیسے کسی فوت شدہ شخص کو مدد کے لیے پکارنا، اس کو مشکل کشا اور حاجت روا سمجھنا، اس کو نافع و ضار باور کرنا اور دور و نزدیک سے ہر ایک کی فریاد سننے کی صلاحیت سے بہرور تسلیم کرنا- اس کا نام ہے مافوق الاسباب طریقے سے مدد طلب کرنا، اور اسے خدائی صفات سے متصف ماننا- اسی کا نام شرک ہے، جو بدقسمتی سے محبت الاولیاء کے نام سے مسلمان ملکوں میں عام ہے
اقتباس: قرآن کریم (اردو ترجمہ و تفسیر)
طبع: شاہ فہد قرآن کریم پرنٹنگ کمپلیکس
طبع: شاہ فہد قرآن کریم پرنٹنگ کمپلیکس