ایزی پیسہ چارجز

[محمد نعیم یونس]

السلام علیکم ورحمۃ اللہ وبرکاتہ!
محترم شیخ صاحب
ایک محترم بھائی @عمیر علی نے درج ذیل سوال میرے پروفائل پر کیا ہے۔

السلام علیکم

میں کراچی میں کام کرتا ہوں اور میرے ساتھ میرے گاوں کے لوگ بھی کام کرتے ہیں ان سب کو گاوں میں پیسے بھیجنے ہوتے ہیں جو کہ e-paisa کے ذریعے بھیجتے ہیں جس کے چارجز ہوتے ہیں ۔ اگر میں ان سے پیسے لیکر اپنے کچھ چارجز رکھ کر ان کے گھر ان کی رقم بھیج دوں تو کیا میرے پیسے لینے جائز ہیں ۔ جزاک اللہ​

 

[اسحاق سلفی]

السلام علیکم ورحمۃ اللہ وبرکاتہ!
محترم شیخ صاحب
ایک محترم بھائی @عمیر علی نے درج ذیل سوال میرے پروفائل پر کیا ہے۔
السلام علیکم

میں کراچی میں کام کرتا ہوں اور میرے ساتھ میرے گاوں کے لوگ بھی کام کرتے ہیں ان سب کو گاوں میں پیسے بھیجنے ہوتے ہیں جو کہ e-paisa کے ذریعے بھیجتے ہیں جس کے چارجز ہوتے ہیں ۔ اگر میں ان سے پیسے لیکر اپنے کچھ چارجز رکھ کر ان کے گھر ان کی رقم بھیج دوں تو کیا میرے پیسے لینے جائز ہیں ۔ جزاک اللہ​

وعلیکم السلام ورحمۃ اللہ وبرکاتہ
رقم ایک جگہ سے دوسری جگہ پہنچانے کا ذریعہ موبائل کمپنی ہو ، یا کوئی فرد نجی طور پر ایسا کرے رقم منتقلی کی طے شدہ فیس ، چارجز لینا جائز ہے کیونکہ۔۔ یہ رقم پہنچانے کی اجرت ۔۔ ہے ، پیسے پر پیسا نہیں لیا گیا ، بلکہ کہیں پہنچانے کی اجرت ہے ،شرط یہی ہے کہ اجرت ، چارجز فریقین کے مابین پہلے سے طے ہوں،
جیسے ہنڈی کے کاروبار میں پیسے لیئے جاتے ہیں ؛ ہنڈی کے متعلق فتوی پہلے ہی محدث فورم پر دیا جاچکا ہے کہ وہ جائزہے
۔۔۔۔۔۔۔۔۔۔۔۔۔۔۔
سوال
انسان باہر کے ملک میں رہتا ہے اور حلال کی کمائی کرتا ہے تو وہ اپنی رقم اپنے ملک میں بھیجنا چاہتا ہے تو کیا وہ اپنی رقم ہنڈی کے ذریعے اپنے ملک بھیج سکتا ہے یا بنک کے ذریعے ہی بھیجے۔؟ کیا ہنڈی کے ذریعے ایک ملک سے دوسرے ملک رقم کی ترسیل کرنا جائز ہے۔؟
جواب
الحمد لله، والصلاة والسلام علىٰ رسول الله، أما بعد!
اس میں بظاہر ممانعت کی کوئی وجہ نظر نہیں آتی ہے، کیونکہ یہ مختلف کر نسیوں کا کمی بیشی سے تبادلہ ہوتا ہے،اور آپ نے اپنی رقم اپنے گھر پہنچانی ہے خواہ بینک کے ذریعے بھیج دیں یا ہنڈی کے ذریعے،یہ تو آُ نے اعتماد کی بات ہے کہ آپ ان میں سے کس ذریعے پر اعتماد کرتے ہیں۔ہنڈی کے ذریعہ بھیجی جانے والی رقم میں سے اگر بھیجنے کی اجرت اصل رقم سے منہا نہیں کی جاتی، بلکہ الگ سے طے کرکے لی جاتی ہے تو جائز ہے۔
ھذا ما عندی واللہ اعلم بالصواب

محدث فتوی​