ایمان ایک فطری تقاضا اور اس کی ضرورت واہمیت

[محمد نعیم یونس]

رب پہ ایماں ہے تقاضائے دلِ انسانی
رب کا عرفان ہے تزئینِ راہ ایمانی

دین فطرت پہ ہے تخلیقِ جہانِ فانی
نسل آدم ہے "الست" کی سدا زندانی

طفل زائیدہ ہے اسلام کی فطرت کا امیں
منحرف کرتے ہیں اس راہ سے خود گھر کے مکیں

نوعِ انسان کو ہے ایماں کی حرارت درکار
جذبہ خیر سے تب جا کے وہ ہو گا سرشار

حسن اخلاق پہ ہے سیرت انساں کا مدار
ورنہ مردود ہے دعوائے علو کردرار

وحی و الہام سے ہر خیر کی پہچان ہوئی
ہم معزز ہوئے، جب رحمت رحمان ہوئی

وہ علاقے جہاں مفقود یہ ایمان رہا
انکے ماحول پہ قابض سدا شیطان رہا

اپنے کردار میں انسان بھی حیوان رہا
وہ کہ محروم ہدایت تھا، پریشان رہا

جائے الحاد ہے، ایمان سے موصوف نہیں
خالق کون ومکاں ہی جہاں معروف نہیں

ہو نہ ایمان سلامت، تو عبادت برباد
قصر و ایواں کے مکینوں کی سیاست برباد

وہ تجارت ہو، حکومت کہ قیادت برباد
خانقاہوں میں طریقت و ریاضت برباد

ہے جو ایمان سلامت تو اماں باقی ہے
رب کی توحید سے عظمت کا نشان باقی ہے

صلاح الدین مقبول احمد​

 

[خضر حیات]

ہے جو ایمان سلامت تو اماں باقی ہے
رب کی توحید سے عظمت کا نشان باقی ہے

خوب فرمایا۔