ایمان گھٹتا اور بڑھتا ہے !!!

[عمر اثری]

یہ جتنی آیات پیش کی گئی ہیں ان میں ”ایمان“ بمعنیٰ ”یقین“ ہے

اب دیکھتے ہیں کہ احادیث میں کیا تاویل ہوتی ہے:
سنن أبي داؤد: كِتَابُ السُّنَّةِ (بَابُ مُجَانَبَةِ أَهْلِ الْأَهْوَاءِ وَبُغْضِهِمْ)
سنن ابو داؤد: کتاب: سنتوں کا بیان (باب: اہل بدعت سے دور رہنے اور ان سے بغض رکھنے کا بیان)
4599 . حَدَّثَنَا مُسَدَّدٌ حَدَّثَنَا خَالِدُ بْنُ عَبْدِ اللَّهِ حَدَّثَنَا يَزِيدُ بْنُ أَبِي زِيَادٍ عَنْ مُجَاهِدٍ عَنْ رَجُلٍ عَنْ أَبِي ذَرٍّ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَفْضَلُ الْأَعْمَالِ الْحُبُّ فِي اللَّهِ وَالْبُغْضُ فِي اللَّهِ
حکم : ضعیف
4599 . سیدنا ابوذر رضی اللہ عنہ کا بیان ہے کہ رسول اللہ صلی اللہ علیہ وسلم نے فرمایا ” اعمال میں سے افضل عمل اللہ کے لیے محبت کرنا اور اسی کے لیے بغض رکھنا ہے ۔ “
یہ روایت سنداً ضعیف ہے لیکن اس موضوع پر دیگر صحیح روایات موجود ہیں
محبت میں کمی اور بیشی ہوتی ہے یہ بتانے کی تو شاید ضرورت نہیں. لہذا جب محبت میں کمی بیشی ہوتی تو ایمان میں بھی کمی بیشی ہوگی.
مزید حدیث رسول صلی اللہ علیہ وسلم ہے:
‌صحيح البخاري: كِتَابُ الإِيمَانِ (بَابٌ: حُبُّ الرَّسُولِ ﷺ مِنَ الإِيمَانِ)
صحیح بخاری: کتاب: ایمان کے بیان میں (باب: اس بیان میں کہ رسول اللہ ﷺ سے محبت رکھنا بھی ایمان میں داخل ہے)
14 . حَدَّثَنَا أَبُو اليَمَانِ، قَالَ: أَخْبَرَنَا شُعَيْبٌ، قَالَ: حَدَّثَنَا أَبُو الزِّنَادِ، عَنِ الأَعْرَجِ، عَنْ أَبِي هُرَيْرَةَ رَضِيَ اللَّهُ عَنْهُ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ: «فَوَالَّذِي نَفْسِي بِيَدِهِ، لاَ يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ»
حکم : صحیح
14 . ہم سے ابوالیمان نے حدیث بیان کی، ان کو شعیب نے، ان کو ابولزناد نے اعرج سے، انھوں نے حضرت ابوہریرہ رضی اللہ عنہ سے نقل کی کہ بے شک رسول کریم صلی اللہ علیہ وسلم نے فرمایا، قسم ہے اس ذات کی جس کے ہاتھ میں میری جان ہے۔ تم میں سے کوئی بھی ایماندار نہ ہو گا جب تک میں اس کے والد اور اولاد سے بھی زیادہ اس کا محبوب نہ بن جاؤں۔
تشریح: اس حدیث میں یہ بتایا گیا ہے کہ محبت رسول صلی اللہ علیہ وسلم ہی سے ایمان کی اول وآخر تکمیل ہوتی ہے۔ یہ ہے توایمان ہے۔ یہ نہیں توکچھ نہیں۔ اس سے بھی ایمان کی کمی وبیشی پر روشنی پڑتی ہے کیونکہ محبت میں تفاوت ہوتا ہے. اسمیں کمی بیشی ہوتی ہے.
مزید یہ بات معلوم ہوئ کہ اعمال صالحہ واخلاق فاضلہ وخصائل حمیدہ سب ایمان میں داخل ہیں۔ کیونکہ آنحضرت صلی اللہ علیہ وسلم نے اس شخص کے ایمان کی حلفیہ نفی فرمائی ہے جس کے دل میں آنحضرت صلی اللہ علیہ وسلم کی محبت پر اس کے والد یا اولاد کی محبت غالب ہو۔

مزید حدیث رسول صلی اللہ علیہ وسلم ہے:
صحيح البخاري: كِتَابُ الإِيمَانِ (بَابٌ ظُلْمٌ دُونَ ظُلْمٍ)
صحیح بخاری: کتاب: ایمان کے بیان میں (باب: اس بیان میں کہ بعض ظلم بعض سے ادنٰی ہیں)
9 . حَدَّثَنَا عَبْدُ اللَّهِ بْنُ مُحَمَّدٍ الجُعْفِيُّ، قَالَ: حَدَّثَنَا أَبُو عَامِرٍ العَقَدِيُّ، قَالَ: حَدَّثَنَا سُلَيْمَانُ بْنُ بِلاَلٍ، عَنْ عَبْدِ اللَّهِ بْنِ دِينَارٍ، عَنْ أَبِي صَالِحٍ، عَنْ أَبِي هُرَيْرَةَ رَضِيَ اللَّهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ «الإِيمَانُ بِضْعٌ وَسِتُّونَ شُعْبَةً، وَالحَيَاءُ شُعْبَةٌ مِنَ الإِيمَانِ»
حکم : صحیح
9 . ہم سے بیان کیا عبداللہ بن محمد جعفی نے، انھوں نے کہا ہم سے بیان کیا ابو عامر عقدی نے، انھوں نے کہا ہم سے بیان کیا سلیمان بن بلال نے، انھوں نے عبداللہ بن دینار سے، انہوں نے روایت کیا ابوصالح سے، انہوں نے نقل کیا حضرت ابوہریرہ رضی اللہ عنہ سے، انہوں نے نقل فرمایا جناب نبی کریم صلی اللہ علیہ وسلم سے آپ نے فرمایا کہ ایمان کی ساٹھ سے کچھ اوپر شاخیں ہیں۔ اور حیا ( شرم ) بھی ایمان کی ایک شاخ ہے۔
تشریح: غور کریں. اس حدیث میں حیا کو ایمان کی ایک شاخ بتایا گیا ہے. اور آپ کو تو معلوم ہوگا کہ انسان کی حیا میں کمی بیشی ہوتی ہے. اگر نہ معلوم ہو تو اس حدیث میں دیکھ لیجۓ گا جسمیں حضرت عثمان رضی اللہ عنہ کے حیا کے بارے میں نبی صلی اللہ علیہ وسلم نے بیان کیا ہے.

واللہ اعلم بالصواب

 

[عمر اثری]

مگر ”ایمان“ بمعنیٰ ”دین“ وہ یا تو ”اسلام“ ہوگا یا ”کفر“۔

اسکی وضاحت کر دیں.

ہنوز منتظر

 

[عبدالرحمن بھٹی]

یہ جہالت تمام حنفی مقلدین کا سرمایہ ہے ! یا کوئی حنفی مقلد ایسا بھی ہے، جو اس جہالت سے برأت کا علان کرے!

قارئینِ کرام یہ ہے مہذب طبقہ (ابتسامہ)کے مہذب دلائل(پر بھی ابتسامہ)!!!

 

[عبدالرحمن بھٹی]

وَكَتَبَ عُمَرُ بْنُ عَبْدِ العَزِيزِ إِلَى عَدِيِّ بْنِ عَدِيٍّ: «إِنَّ لِلْإِيمَانِ فَرَائِضَ، وَشَرَائِعَ، وَحُدُودًا، وَسُنَنًا، فَمَنِ اسْتَكْمَلَهَا اسْتَكْمَلَ الإِيمَانَ، وَمَنْ لَمْ يَسْتَكْمِلْهَا لَمْ يَسْتَكْمِلِ الإِيمَانَ، فَإِنْ أَعِشْ فَسَأُبَيِّنُهَا لَكُمْ حَتَّى تَعْمَلُوا بِهَا، وَإِنْ أَمُتْ فَمَا أَنَا عَلَى صُحْبَتِكُمْ بِحَرِيصٍ»

اس کا ترجمہ بھی کریں اور پھر سر دھنیں۔

 

[عبدالرحمن بھٹی]

14 . حَدَّثَنَا أَبُو اليَمَانِ، قَالَ: أَخْبَرَنَا شُعَيْبٌ، قَالَ: حَدَّثَنَا أَبُو الزِّنَادِ، عَنِ الأَعْرَجِ، عَنْ أَبِي هُرَيْرَةَ رَضِيَ اللَّهُ عَنْهُ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ: «فَوَالَّذِي نَفْسِي بِيَدِهِ، لاَ يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ»
حکم : صحیح
14 . ہم سے ابوالیمان نے حدیث بیان کی، ان کو شعیب نے، ان کو ابولزناد نے اعرج سے، انھوں نے حضرت ابوہریرہ رضی اللہ عنہ سے نقل کی کہ بے شک رسول کریم صلی اللہ علیہ وسلم نے فرمایا، قسم ہے اس ذات کی جس کے ہاتھ میں میری جان ہے۔ تم میں سے کوئی بھی ایماندار نہ ہو گا جب تک میں اس کے والد اور اولاد سے بھی زیادہ اس کا محبوب نہ بن جاؤں۔
تشریح: اس حدیث میں یہ بتایا گیا ہے کہ محبت رسول صلی اللہ علیہ وسلم ہی سے ایمان کی اول وآخر تکمیل ہوتی ہے۔ یہ ہے توایمان ہے۔ یہ نہیں توکچھ نہیں۔ اس سے بھی ایمان کی کمی وبیشی پر روشنی پڑتی ہے کیونکہ محبت میں تفاوت ہوتا ہے. اسمیں کمی بیشی ہوتی ہے.

رسول اللہ صلی اللہ علیہ وسلم سے محبت آپ لوگوں کی کم زیادہ ہوتی ہوگی ہمیں تو رسول اللہ صلی اللہ علیہ وسلم اپنی جان سے زیادہ عزیز ہیں اور اس میں کبھی کمی نہیں آنے دیتے۔

 

[محمد نعیم یونس]

اور اس میں کبھی کمی نہیں آنے دیتے۔

گویا کہ کمی آسکتی ہے..پر آپ آنے نہیں دیتے؟

 

[محمد طارق عبداللہ]

زبردست

 

[اسحاق سلفی]

یہ حقیقت ہے کہ ایمان گھٹتا اور بڑھتا ہے ،
﴿وَإِذَا مَآ أُنزِلَتۡ سُورَةٞ فَمِنۡهُم مَّن يَقُولُ أَيُّكُمۡ زَادَتۡهُ هَٰذِهِۦٓ إِيمَٰنٗاۚ فَأَمَّا ٱلَّذِينَ ءَامَنُواْ فَزَادَتۡهُمۡ إِيمَٰنٗا وَهُمۡ يَسۡتَبۡشِرُونَ - وَأَمَّا ٱلَّذِينَ فِي قُلُوبِهِم مَّرَضٞ فَزَادَتۡهُمۡ رِجۡسًا إِلَىٰ رِجۡسِهِمۡ وَمَاتُواْ وَهُمۡ كَٰفِرُونَ﴾--التوبة: 124۔125
’’اور جب کوئی سورت نازل ہوتی ہے تو بعض منافق (استہزا کرتے اور) پوچھتے ہیں کہ اس سورت نے تم میں سے کس کا ایمان زیادہ کیا ہے، تو جو ایمان والے ہیں ان کا تو ایمان زیادہ کیا اور وہ خوش ہوتے ہیں اور جن کے دلوں میں مرض ہے ان کے حق میں خبث پر خبث زیادہ کیا اور وہ مرے بھی تو کافر کے کافر۔‘‘
لیکن اس کے ساتھ اس حقیقت کی طرف بھی ہمیشہ توجہ رہے کہ :
ایمان موجود ہوگا تو اس میں کمی ، بیشی ہوگی ، منافقین خود چونکہ ایمان سے محروم تھے ، لہذا اس حقیقت کا مذاق بناتے تھے کہ قرآن سننے ماننے سے ایمان میں زیادتی ہوتی ہے ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیکن منافقین کا حال مومنوں سے بالکل مختلف ہوتا ہے جب جب قرآن کی کوئی سورت نازل ہوتی ہے ان کا نفاق بڑھتا جاتا ہے، اس سے بڑھ کر ان کی بدبختی اور کیا ہوسکتی ہے کہ جو چیز اہل ایمان کے دلوں کو زندگی دیتی ہے وہی ان کے دلوں کو اور مردہ بنا دیتی ہے اور بالآخر ان کی موت کفر پر ہوتی ہے۔

 

[عبدالرحمن بھٹی]

گویا کہ کمی آسکتی ہے..پر آپ آنے نہیں دیتے؟

چلیں فقرہ کی تصحیح فرمالیں؛
رسول اللہ صلی اللہ علیہ وسلم سے محبت آپ لوگوں کی کم زیادہ ہوتی ہوگی ہمیں تو رسول اللہ صلی اللہ علیہ وسلم اپنی جان سے زیادہ عزیز ہیں ۔

 

[خضر حیات]

علمی موضوع میں عالمانہ انداز کو برقرار رکھا جائے ۔