بات کرنی چاہیے

[باذوق]

اچھی در اندازی ہے؟
پر جہاں جہاں ہوئی بحر بگڑ گئی ہے

بحر سے مطلب نہیں تھا ، مفہوم کی ادائیگی مقصود تھی ۔۔۔ چاہے تک بندی سہی

 

[باذوق]

بات کرنی مجھے مشکل کبھی ایسی تو نہ تھی

کیا سبب تو جو بگاڑتا ہے ظفر سے ہر بار
خو تیری حور شمائل کبھی ایسی تو نہ تھی

کچھ ویب سائیٹس پر "بگاڑتا" لکھا ہے مگر میرا خیال ہے کہ درست لفظ "بگڑتا" ہے۔

 

[ندوی]

بحر سے مطلب نہیں تھا ، مفہوم کی ادائیگی مقصود تھی ۔۔۔ چاہے تک بندی سہی

مے سے غرض نشاط ہے کس روسیاہ کو
ایک گونہ بے خودی مجھے دن رات چاہئے

اوراس طرح کی تک بندی کرکے اپنامطلب نکالتے رہیں گے کیونکہ

خط لکھیں گے گرچہ مطلب کچھ نہ ہو
ہم توعاشق ہیں تمہارے نام کے

اوربغیر اس طرح کی تک بندی اورمتقدمین کی بحر میں دراندازی اوردخل اندازی کئے بغیر بات بنتی بھی نہیں ہے

بنتی نہیں ہے بادہ وساغر کہے بغیر

کیونکہ جن کیلئے کہاگیاہے وہ "مردناداں"ہیں اورمردناداں کے بارے میں اقبال پہلے ہی کہہ گئے ہیں۔

مردناداں پر کلام نرم ونازک بے اثر

ویسے باذوق صاحب نے بڑی جرات کی ہے کہ بہادرشاہ ظفرکی "بحر"میں دراندازی کی جرات کربیٹھے ۔

نہ ہوا قلعہ معلی کا وہ زمانہ ۔ ویسے ایسی "دراندازی" پر کیاشاہی سزاملتی اس پر محدث فورم کے ارکان غورکرسکتے ہیں؟
(ابتسامہ)

 

[ندوی]

بات کرنی مجھے مشکل کبھی ایسی تو نہ تھی

بات کرنی مجھے مشکل کبھی ایسی تو نہ تھی
جیسی اب ہے تیری محفل کبھی ایسی تو نہ تھی

لے گیا چھین کر کون آج تیرا صبر و قرار
بے قراری تجھے اے دل کبھی ایسی تو نہ تھی

چشمِ قاتل مری دشمن تھی ہمیشہ لیکن
جیسے اب ہو گئی قاتل کبھی ایسی تو نہ تھی

ان کی آنکھوں نے خدا جانے کیا کیا جادو
کہ طبیعت میری مائل کبھی ایسی تو نہ تھی

عکس رُخ یار نے کس کی ہے تجھے چمکایا
تاب تجھ میں مہِ کامل کبھی ایسی تو نہ تھی

کیا سبب تو جو بگاڑتا ہے ظفر سے ہر بار
خو تیری حور شمائل کبھی ایسی تو نہ تھی

بہادر شاہ ظفر

مقتبس شعر کا کوئی مطلب سمجھ میں نہیں آتا کم ازکم میری سمجھ میں ۔ گوگل میں سرچ کرنے پر القلم فورم پر یہ شعر اس طرح ملاہے اوراس کا معنی بھی واضح ہے۔

عکس رخسار نے کس کے ہے تجھے چمکایا
تاب تجھ میں مہ کامل کبھی ایسی تو نہ تھی

ویسے یہ شعر جیوٹی وی ویب سائٹ پر اوردیگر پر اسی طرح ہے اور انہی ویب سائٹ میں سے کسی سے لے کر سرفراز فیضی صاحب نے یہاں لگایاہے۔

 

[یوسف ثانی]

بحر سے مطلب نہیں تھا ، مفہوم کی ادائیگی مقصود تھی ۔۔۔ چاہے تک بندی سہی

باذوق بھائی! آپ تو اس معاملہ میں بھی میرے ”ہم ذوق“ نکلے۔ میں بھی شاعری کرتے ہوئے صرف مفہوم کو پیش نظر رکھتا ہوں۔ یہ نہیں دیکھتا کہ مصرع بحر میں ہے یا خشکی پر (ابتسامہ) کیونکہ ۔ ۔ ۔ من نہ دانم فاعلاتن فاعلات

کیسی یہ غزل آپ نے بھیجی ہے کہ جس پر
ہنس بھی نہیں سکتا ہوں میں، رو بھی نہیں سکتا
یوں بحر سے خالی ہے کہ خشکی پہ پڑی ہے
شعروں میں وہ سکتہ ہے کہ کچھ ہو نہیں سکتا
(انور مسعود)​

 

[سرفراز فیضی]

مقتبس شعر کا کوئی مطلب سمجھ میں نہیں آتا کم ازکم میری سمجھ میں ۔ گوگل میں سرچ کرنے پر القلم فورم پر یہ شعر اس طرح ملاہے اوراس کا معنی بھی واضح ہے۔

عکس رخسار نے کس کے ہے تجھے چمکایا
تاب تجھ میں مہ کامل کبھی ایسی تو نہ تھی

ویسے یہ شعر جیوٹی وی ویب سائٹ پر اوردیگر پر اسی طرح ہے اور انہی ویب سائٹ میں سے کسی سے لے کر سرفراز فیضی صاحب نے یہاں لگایاہے۔

شاعر مہ کامل کی خوبصورتی کو رخسار محبوب کے عکس کا مرہون منت ثابت کرنا چاہتا ہے۔

 

[سرفراز فیضی]

ویسے یہ شعر جیوٹی وی ویب سائٹ پر اوردیگر پر اسی طرح ہے اور انہی ویب سائٹ میں سے کسی سے لے کر سرفراز فیضی صاحب نے یہاں لگایاہے۔

جی ہاں