بت پرستی اورشرک سے مکمل اجتناب

[عکرمہ]

بت پرستی اورشرک سے مکمل اجتناب

فَاجْتَنِبُوا الرِّجْسَ مِنَ الْاَوْثَانِ
’’پس اجتناب کرواوثان کی نجاست سے‘‘(الحج:۳۰)


فقہ القرآن:
1:دور رہنا یعنی مذکورہ چیز سے دور رہنا،قریب بھی نہ جانا اجتنان کہلاتا ہے،لہذا اپنے آپ کواوثان(بتوں)اوران مقامت سے ہمیشہ دور رکھنا چاہیےجہاں شرک ہوتا ہے۔
2:لکڑی،پتھر،تانبے،پیتل یا چاندی وغیرہ کی مورتیوں،بتوں اور مجسموں وغیرہ کو اوثان کہا جاتا ہےاورہر قسم کی وثنیت پرستی شرک اکبر اورظلم عظیم ہے۔
3:آیت مذکور میں مِنْ بیان جنس کے لیے ہےیعنی اوثان کی پلیدی ونجاست سے بچ جاو۔

4:ایک آدمی نے نبی کریمﷺکے زمانے میں نذرمانی کہ وہ بوانہ کے مقام پرایک اونٹ ذبح کرے گاتوآکر نبی کریمﷺکو بتایا،آپ نے پوچھا:کیا وہاں زمانہ جاہلیت میں کسی وثن کی عبادت ہوتی تھی؟اس نے کہا:نہیں،آپ نے پوچھا:کیا وہاں جاہلیت کا کوئی میلہ لگتا تھا؟اس نے کہا نہیں،تو نبی کریمﷺنے فرمایا:اپنی نذر پوری کرلو اوراللہ کی نافرمانی والی نذر پوری نہ کی جائےاورنہ وہ نذر پوری کی جائےجس کا انسان مالک نہیں ہے‘‘(ابوداؤد:3313،سندہ صحیح)

5:رسول اللہﷺنے فرمایا:’’اوراس وقت تک قیامت قائم نہیں ہوگی جب تک میری امت کے(کچھ)قبائل مشرکوں سے نہ مل جائیں گےاورجب تک میری امت کے کچھ قبائل بتوں کی عبادت نہ کریں گے‘‘(ابوداؤد:4252،وسندہ صحیح)
اس حدیث سے معلوم ہواکہ امت محمدیہ میں بعض لوگ شرک کریں گے۔(اضواءالمصابیح:72)

6:رسول اللہﷺنے فرمایا:اے میرے اللہ،میری قبر کو وَثن نہ بنانا،اس قوم پر اللہ لعنت کرےجنھوں نے اپنے نبیوں کی قبروں کو مسجدیں بنا لیا(مسند الحمیدی بتحقیقی:1031،وسندہ حسن)

ثابت ہوا کہ قبر پرستی بھی وثنیت اور شرک ہے۔

 

[شاکر]

جزاک اللہ خیرا عکرمہ بھائی

 

[کلیم حیدر]

جزاكم الله خيرا واحسن الجزاء في الدارين

 

[محمد ارسلان]

جزاک اللہ خیرا

 

[ابن خلیل]

جزاک اللہ خیرا