بدعت کی تردید میں اشعار

[محمد نعیم یونس]

بدعت کی تردید میں اشعار

بطور جواب آں غزل ’’اور جیسی کہو گے ویسی سنو گے،،

دل اندھا زبان اندھی قلم اندھا بیان اندھا
اندھوں کو نظر آتا ہے سارا جہاں اندھا

کر لیں یہ گمراہ گمراہی کی اپنی دھوم دھام
جب تلک مہدی کے لشکر کا پتہ لگتا نہیں

سنت کی پیروی سے خدا کا حبیب ہو
دوزخ کی آگ دور ہو جنت قریب ہو

سنی خوش نصیب کو باغ و بہار ہے
بدبخت بدعتی کو جہنم کی مار ہے

سنی وہی ہے ٹھیک جو سنت کرے قبول
ہر خوشی و غمی میں رہے متبع رسول

سنی وہی ہے جو کرے اطاعت رسول کی
ہو گی اسی کے حق میں شفاعت رسول کی

بدبخت ہے جو دین میں بدعت کی راہ لے
اس کو کبھی بھی نہیں محبت رسول کی

غیروں کی نسبتوں سے تعلق نہیں مجھے
کافی ہے بھاتی مجھ کو نسبت رسول کی

مت مانیو مخالف سنت کسی کا قول
احقر اگر ہے تجھ کو محبت رسول کی

ہے فرض تم پر مومنو اطاعت رسول کی
بنیاد دین حق کی ہے سنت رسول کی

نبی کا ہو کے رہنے کو خدا نے ہم کو فرمایا
قل ان کنتم تحبون اللہ کا سبق قرآن نے بتلایا

نبی کو مقتدا اپنا خدا کے حکم سے مانا
تو اپنے مقتدا کا نام لینا ہم کو خوش آیا

اسی کی پیروی کا ہر دم اسی کا نام لیں گے
کسی کا ہو رہے کوئی نبی کے ہو رہیں گے ہم

فرشتے ہم سے پوچھیں رہے تھے کس کے ہو کے تم
خوشی سے بول اٹھیں گے نبی کے ہو رہے تھے ہم

اگر خواہش تیری ہے تجھ سے ہو مولا تیرا راضی
پکڑ لے صدق دل سے اسوہ حسنہ محمد کا

اے محمدیو! ایسے خدا پر ہو جاؤنثار
جس نے کیا ہے دین ہمارا محمدی

کرتا ہے دل سے سنت نبوی کی پیروی
بدعت کے شوروشر سے کنارا محمدی

اکثر ہوتی ہے منکر سنت سے گفتگو
لیکن کسی جگہ میں بھی نہ ہارا محمدی

سنت سے منہ نہ موڑ کسی کے لحاظ سے
مسلک اگر ہے یارو تمہارا محمدی

بظاہر عید میلاد النبی وجہ محبت ہے
مگر یہ یاد رکھیں کہ اصل اطاعت ہی مودت ہے​

 

[محمد نعیم یونس]

وہی ہیں دین کی باتیں جو پیغمبر نے بتلائیں
مسلمانو سمجھ لو خوب اس کو دین فطرت ہے

انہیں کاموں کو کیجئے جو نبی نے تم کو سکھائے ہیں
اگر تم کو رسول اللہ سے سچی محبت ہے

تمہارے یہ چراغاں یہ جلوس و جشن یہ جلسے
بیشک ہیں یہ سب محدثات و جدت و جسارت

جو پڑھتے ہیں غلط روایات اور غلط اشعار جلسوں میں
وہی نافرمان پیغمبر انہیں حق سے عداوت ہے

کرے جو خیر خواہی اس کو تم دشمن سمجھتے ہو
غلط راہوں پر چلتے ہو یہ کیسی تم پہ آفت ہے

عزیزو ہو کے سنی تم نہ چھوڑو کے اگر بدعت
تو محشر میں چکھائے گی تمہیں نارسقر بدعت

نماز روزہ حج زکوٰۃ اور نیکیاں ساری
یہ مٹاتی ہے بقول حضرت خیر البشر ، بدعت

گزر ایمان کا اس خانہ دل میں نہیں ممکن
معاذ اللہ جس دل میں بنا لیتی ہے گھر بدعت

نبی کے بعد اور اصحاب و آل یار کے پیچھے
جو نکلیں دین میں راہیں نئی ہیں سر بسر بدعت

جو ہیں خواہان سنت ان کے آگے تم سے بدتر بدعت ہے
مگر نزدیک ہے اہل ضلالت کے شکر بدعت

بھلا کیوں کر نہ میں اس بدعتی ملا کو خر سمجھوں
جو پھیلائے سنت کی جگہ شام و سحر بدعت

کسی بدعت کو ہلکی جان مت لیجیئو میرے پیارے
قدم کو مسلک سنت سے پھسلاتی ہے بدعت

اگر تو شرع سے مولود کو ثابت نہیں کرتا
توکہہ اس محفل بے اصل کو پیداوار بدعت

رسوم شرک و بدعت کو بڑھائے جس کا جی چاہے
تماشائے جہنم مچائے یہ جس کا جی چاہے

رہے وہ عمر بھر ہی شرک و بدعت کی اعانت میں
حرام اپنے لئے جنت بنائے جس کا جی چاہے​

 

[محمد نعیم یونس]

مٹا کر سنت اور بڑھائے رسم بدعت کو
لقب خود بدعتی اپنا بنائے جس کا جی چاہے

مسلمانو کبھی ہرگز نہ چلنا راہ بدعت پر
سدا ثابت رہنا نبی اپنے کی سنت پر

نبی کی پیروی ہی میں سراسر سرفرازی ہے
نہ مرنا بھول کر بھی تم کبھی دنیا کی عزت پر

اگر سنت کی پابندی میں جان پر بھی جو بن آئے
تو دو ترجیح تم اس کو اس دنیا کی راحت پر

حصول نام و شہرت میں کرو ضائع نہ مال اپنا
نظر ڈالو عزیزو اپنی طولانی مسافت پر

رواج و رسم دنیا کا نہ کام آئے گا کچھ ہرگز
اگر درکار ہے توشہ تو ہو قائم اطاعت پر

یہی ہے راہ سنت اور اسی کی ہوئے گی پرسش
خدا جب آن کر بیٹھے گا خود تخت عدالت پر

جو سنت کر کے ترک جو بدعت میں جا الجھے
تعجب ہے ہمیں احقر انہیں کی بس حماقت پر

بھلا کیا جا کے منہ دکھلائیں گے اللہ اپنے کو
بھروسہ ہے انہیں کیونکر محمد کی شفاعت پر

عزیزو ہے نجات آخرت مطلوب اگر تم کو
تو ہے موقوف بس وہ تو محمد کی شفاعت پر

نہایت مسلک بدعت سے ہم کو چاہئے پرہیز
کہ ہے باطلوں سے یہ طریق پر خطرباطل

اگر اے مولوی تو ہے طریق حق سے روگرداں
تو ہے انصاف کی رو سے تیرا علم و ہنر باطل

اگر کوئی مر جائے کر لو زیارت
نہ تیجا نہ چہلم نہ برسی مناؤ

معین نہ کرنا کوئی خاص دن تم
پکا کر غریبوں کو للہ کھلاؤ

نام دینی رکھ لیا ہے دین کے دشمن ہیں یہ
شرک و بدعت کے خوگر چار سو اور بیس ہیں​

 

[محمد نعیم یونس]

ہزاروں زہد کے پردے میں آج دین فروش
دکھا رہے ہیں زمانے کو اپنا جوش و خروش

نہ عاقبت کا خیال ان کو ہے نہ زیست کا ہوش
غرور و کبر کا پیکر شقی و شرک بدوش

نگاہ آیت لا تفسدوا پہ ان کی نہیں
جھکا دیتے ہیں انبار زر پہ اپنی جبین

جگانے والے جگائیں مگر یہ نہ جاگے
غلط الاپتے یہ رہ گئے ہیں بے را گے

ہو شرک تم پر مسلط تو بندگی ہے فضول
ہوئیں جو بدعتیں تم سے تو زندگی ہے فضول

بدعت رواج و رسم کو اب دین سمجھ بیٹھے
سڑک سیدھی پہ چلنے والے وہ سالک نہیں ملتے

(ملتقط از گلستان رحمانی)​

ہم میلاد کیوں مناتے ہیں؟

 

[انجم ملک]

جزاک ﷲ خیرا بھائی

 

[انجم ملک]

جزاک ﷲ خیرا بھائی

 

[محمد زاہد بن فیض]

ماشاء اللہ ۔بہت خوب نعیم یونس بھائی۔جزاک اللہ خیرا

 

[محمد عامر یونس]

ماشاء اللہ ۔بہت خوب نعیم یونس بھائی۔جزاک اللہ خیرا

 

[محمد عامر یونس]

جزاک ﷲ خیرا بھائی -

 

[محمد عامر یونس]