تبلیغی جماعت علمائے عرب کی نظر میں

[عبد الرشید]

کتاب کا نام

تبلیغی جماعت علمائے عرب کی نظر میں

مصنف

محمد بن ناصر العرینی

مترجم

ابوعبید فاضل مدینہ یونیورسٹی

ناشر

حدیث اکیڈمی ڈیرہ غازیخان

​

تبصرہ

قرآن کریم اور احادیث نبویہﷺ میں تبلیغ دین کی طرف بہت زیادہ توجہ دلائی گئی ہے۔ حضور نبی کریمﷺ نے دعاؤں کی قبولیت کو بھی نیکی کا حکم دینے اور برائی سے روکنے کے ساتھ خاص فرمایا ہے۔ لیکن تبلیغ دین کے لیے نبوی منہاج کو سامنے رکھنا از بس ضروری ہے اور اس امر کی اشد ضرورت ہے کہ قرآن و حدیث کی روشنی میں لوگوں کی اصلاح کا کام کیا جائے۔ زیر مطالعہ کتابچہ میں برصغیر سے اٹھنے والی تبلیغی جماعت کے طریقہ تبلیغ اور عقائد پر روشنی ڈالی گئی ہے۔ اس میں محمد بن ناصر العرینی نے تبلیغی جماعت سے متعلق معلومات فراہم کرتے ہوئے اس جماعت سے متعلق علمائے عرب کے اقوال و فتاوی جات کو پیش کیا ہے۔ اردو ترجمہ کے فرائض فاضل مدینہ یونیورسٹی ابو عید نے ادا کیے ہیں۔ مصنف کے مطابق تبلیغی حضرات کا دوران تبلیغ مکمل دار و مدار تبلیغی نصاب پر ہوتا ہے۔ جس کی وجہ سے مبلغین لوگوں کی عقائد کی اصلاح کے بجائے عقائد بگاڑنے کا کام سرانجام دے رہے ہیں۔یہ کتابچہ جن علما کے فتاوی جات اور افادات پر مشتمل ہے ان میں شیخ ابن باز رحمۃ اللہ علیہ، شیخ صالح العثیمین رحمۃ اللہ علیہ، علامہ البانی رحمۃ اللہ علیہ اور متعدد کبار علمائے کرام شامل ہیں۔ (عین۔ م)
اس کتاب تبلیغی جماعت علمائے عرب کی نظر میں کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[عبد الرشید]

فہرست
ضروری نوٹ
ابتدائیہ
علمائے کرام کی نظر میں تبلیغی جماعت کا مقام
محمد ناصرالدین البانی رحمہ اللہ علیہ کا موقف
فضیلۃ الشیخ عبدالرزاق عفیفی رحمۃ اللہ علیہ کا موقف
صالح بن فوزان الفوزان رحمۃ اللہ علیہ کا موقف
معروف حنفی عالم دین فضیلۃ الشیخ عبدالقادرالارناووط کا موقف
الشیخ سعد الحصین کا موقف
تبلیغی جماعت کے متعلق بعض اشکالات

 

[alqoofi]

جزاک اللہ خیرا

 

[allahkabanda]

صالح بن فوزان الفوزان رحمۃ اللہ علیہ کا موقف
معروف حنفی عالم دین فضیلۃ الشیخ عبدالقادرالارناووط کا موقف
ا/QUOTE]
کیا وہ حنفی تھے ؟

 

[محمد ارسلان]

جزاک اللہ خیرا بھائی عبدالرشید

 

[ابوحنظلہ]

فضائل اعمال کی کتاب پر اعتراضات
۱۔ اس میں ضعیف احادیث ہیں؟
جواب: کیا ابن ماجہ، ابوداود، ترمذی، نسائی اور حدیث کے عظیم ذخیرہ کتب میں ضعیف روایات نہیں ہیں؟
کیا فضائل اعمال میں ضعیف روایات کو دھوکے سے صحیح دکھایا گیا ہے؟
کیا ان ضعیف روایات سے عقائد اور احکام اخذ کئے گئے ہیں؟
نہیں ہرگز نہیں ! تو پھر اعتراض کا مقصد؟

اعتراض۲: اس میں شرکیہ باتیں ہیں۔
جواب: کیا ان کے پڑھنے والے مزارات پر جاتے ہیں۔ بزرگوں سے حاجت روائی اور مشکل کشائی کرتے ہیں؟
نہیں ہر گز نہیں ! تو پھر اعتراض کا مقصد؟

 

[ابوحنظلہ]

تبلیغ کا پہلا نمبر ہی توحید ہے۔ جو ہوتا ہے اللہ سے ہوتا ہے۔ مال، اسباب سے کچھ نہیں ہوتا۔ یہ سب مخلوق ہے۔ اور مخلوق اپنے کرنے میں اللہ کے امر کی محتاج ہے۔ اور اللہ کے کرنے کا ضابطہ سنت اعمال ہیں۔ یعنی اللہ کا امر سنت زندگی پر منحصر ہے۔
تبلیغ کا دوسرا نمبر نماز ہے۔ ہر مسلمان پنج وقتہ نماز کی پابندی کرنے والا بن جائے۔
تیسرا نمبر روزمرہ کی زندگی سے متعلق علم سیکھنا اور اللہ کا دھیان پیدا کرنے کے لئے اس کا ذکر کرنا۔
چوتھا نمبر ہر مسلمان کی قدر کرنا اور اس کے حقوق پورے کرنا۔
پانچواں نمبر اعمال میں للہیت پیدا کرنا
چھٹا نمبر گھر، معاشرے، شہر، ملک اور عالم میں ان باتوں کو زندہ کرنے کی محنت کرنا۔
ساتواں نمبر لایعنی باتوں اور کاموں سے پرہیز کرنا

ان سات پوائنٹس میں علمائے عرب کو کیا اعتراض ہے؟