تشہد میں انگشت شہادت سے اشارہ (نئی کتاب)

[ج انصاری]

آج مطالعہ کی میز پر تشہد میں انگشت شہادت سے اشارہ اور اسکی ہیئت و کیفیت نامی کتابچہ ہے ۔تشہد میں انگشت شہادت سے اشارہ کی مشروعیت، اس کی حکمت ، اسکی ہیئت و کیفیت ، با لخصوص انگشت اشارہ کو متحرک یا ساکن رکھنے پر عمدہ تفصلی بحث کی گئی ہے ۔ اور آخر الذکر مسئلہ میں علامہ محمد ناصر الدین البانی رحمہ اللہ کے مختار موقف حرکت دینے پر بھی بحث و تبصرہ ہے ۔ اور ان کے موقف کے برخلاف انگشت اشارہ کو حرکت نہ دینے کو بھی صحیح بلکہ راجح قرار دیا گیا ہے ۔ اس کے کتابچہ کے مؤلف ہندوستان کے صاحب نظر اہل حدیث عالم دین شیخ محفوظ الرحمٰن فیضی حفظہ اللہ ہیں ۔ کتاب کے مطالعہ سے حدیث و فقہ میں مولانا کے تبحر علمی کا اندازہ ہوتا ہے ۔ لائق مطالعہ کتاب ہے ۔مؤلف و ناشر ہماری طرف سے دعا اور شکریہ کے مستحق ہیں ۔

 

[رضا میاں]

بھائی لنک تو دیا نہیں آپ نے؟؟

 

[آزاد]

یہ بھائی صرف تعارف کرواتے ہیں۔

 

[غازی]

مجھے تو یہ بھائی کسی مکتبہ کے ایجنٹ معلوم ہوتے ہیں۔

 

[شاکر]

مجھے تو یہ بھائی کسی مکتبہ کے ایجنٹ معلوم ہوتے ہیں۔

ایسے تو سارے مکتبہ جات کے ایجنٹس آ جائیں تو نئی کتب سے اپ ڈیٹس رہنا بہت آسان ہو جائے گا۔

 

[سرفراز فیضی]

ج انصاری بھائی اپ مکتبۃ الفہیم کے مالک ہیں کیا؟

 

[سرفراز فیضی]

شیخ محفوظ الرحمٰن فیضی حفظہ اللہ میرے استاذ ہیں ۔ جامعہ اسلامیہ فیض عام میں ان کے آخری سال میں میں نے ان سے بخاری پڑھی ہے۔ بڑی ذی علم شخصیت ہے۔ اللہ انہیں صحت و عافیت سے رکھے ۔

 

[ج انصاری]

مجھے تو یہ بھائی کسی مکتبہ کے ایجنٹ معلوم ہوتے ہیں۔

ہمارے یہاں کمنٹ کرنے کا یہ انداز نہیں ہے۔ ہاں سرحد پار یہ لفظ بطور فیشن استعمال ہوتا ہے۔ ہم ایجنٹ تو کسی کے نہیں ۔ ہم تو یاروں کے ستائے ہوئے اور اپنوں کا غم کھائے ہوئے لوگ ہیں۔ آپ کی بھی کوئی کتاب ہو تو ہمیں بھیجئے آپ کے ایجنٹ بننے کی کوشش کی جائے گی۔ اللہ رحم کرے۔

 

[ج انصاری]

ج انصاری بھائی اپ مکتبۃ الفہیم کے مالک ہیں کیا؟

نہیں ، آپ کی طرح ہم بھی شیخ محفوظ کے شاگرد ہیں ہاں البتہ ہم قصر نہیں کرتے تھے۔

 

[غازی]

ہمارے یہاں کمنٹ کرنے کا یہ انداز نہیں ہے۔

انصاری بھائی معافی چاہتاہوں مجھ سے الفاظ کا صحیح چناؤ نہیں ہوسکا، لیکن یقین مانئے میرا مقصد آپ کو تکلیف پہنچانا نہیں تھا ، ایک بار پھر معذرت ۔