اللہ بہترین جزا عطا فرمائے آپکو ان اچھی کوششوں پر۔آمین
اس بات کی جانب میں پہلے بھی توجہ دلانا چاہتا تھا لیکن بات آئی گئی ہوگئی۔ عرض ہے کہ بھائی پوسٹر میں آمنے سامنے اللہ اور اسکے رسول صلی اللہ علیہ وسلم کا نام کچھ عجیب سا محسوس ہوتا ہے کیونکہ اللہ خالق ہے باقی اسکی مخلوق چاہے وہ انبیاء ہی ہوں۔ خالق اور مخلوق کا کوئی مقابلہ ہی نہیں ہے اس طرح آمنے سامنے خالق اور مخلوق کا نام لکھا دیکھ کر برابری کا سا احساس پیدا ہوتا ہے۔ اکثر یہ کام بریلوی حضرات کرتے ہیں ان کا بہرحال خالق اور مخلوق میں برابری کا عقیدہ ہے۔ جس طرح اللہ مشکل کشا ہے، بااختیار ہے اسی طرح رسول اللہ صلی اللہ علیہ وسلم بھی ان کے نزدیک مشکل کشا اور بااختیار ہیں۔ اس لئے میرا مشورہ ہے کہ پوسٹر سے یہ نام ہٹا دیں۔ دوسری عرض یہ ہے کہ صرف محمد صلی اللہ علیہ وسلم نہیں لکھنا چاہیے۔ صحابہ کرام رضی اللہ عنھم اجمعین نبی صلی اللہ علیہ وسلم کو ان کے نام سے نہیں پکارتے تھے بلکہ اللہ کے رسول یا رسول اللہ کہتے تھے۔ اس لئے براہ راست رسول اللہ صلی اللہ علیہ وسلم کا نام لکھنے سے بے ادبی کا شائبہ محسوس ہوتا ہے۔واللہ اعلم
السلام علیکم شاہد بھی،
بھائی مجھے تو ایسا نہیں لگتا کہ الله اور اسکے رسول صلی اللہ علیہ وسلم کا نام کچھ عجیب سا لگ رہا ہے. بھائی یہ جسکی جیسی سوچ ہوتی ہے اسے ویسا ہی محسوس ہوگا، ہمارا عقیدہ یہ ہرگز نہیں کی الله اور اسکے رسول صلی اللہ علیہ وسلم ایک ہے. بریلویوں کا تو بہت سا عقیدہ خود ساختہ ہے تو اسکا یہ مطلب نہیں کہ وہ کام کرنے سے بے ادبی ہوگی.
ہمارے بہت سے بریلوی اور شیعہ حضرت "یا علی" کہتے ہے انکا عقیدہ چاہے جو بھی ہو لیکن اس کا یہ مطلب نہیں کہ ہم یا علی کا ذکر کرنا چھوڑ دیں. یا پھر یا علی لکھنا چھوڑ دے. آخرعلی الله کا نام ہے.
میں آپ کی بات سے اتفاق رکھتا ہوں، لیکن مجھے اس میں کوئی زیادہ اعتراض والی بات محسوس نہیں ہوتی.
کیا قرآن میں لفظ "محمد" نہیں آیا. کیا ہم سیدھے عربی پڑھتے وقت "محمد" نام نہیں پڑھتے ؟؟ کیا قرآن پڑھنے پر بھی بے ادبی ہوگی؟
آپ کے پاس اگر دلیل ہو تو پیش کیجئے اگر مجھے بے ادبی واقعی محسوس ہوئی تو میں پوسٹر میں تبدیلی کر دونگا. ان شاء الله.
![محدث فورم [Mohaddis Forum]](/styles/default/xenforo/Forum.jpg)
