• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

تقویٰ کا بیان _________________تقویٰ ؟؟؟؟؟

شمولیت
ستمبر 12، 2013
پیغامات
143
ری ایکشن اسکور
227
پوائنٹ
40
تقویٰ کا بیان _________________تقویٰ ؟؟؟؟؟

اللہ تعالیٰ نے فرمایا: ''اے مومنو! اللہ تعالیٰ سے اس طرح ڈرو جس طرح ڈرنے کا حق ہے۔''
(سورہ آل عمران :102)

اور فرمایا: ''اور اللہ تعالیٰ سے ڈرو جتنی تم میں استطاعت ہو۔''
(سورۃ التغابن:16)

یہ آیت پہلی آیت کے مفہوم و مراد کو واضح کرتی ہے۔ (کہ کماحقہ ڈرنے سے مراد استطاعت کے مطابق ہے)

اور فرمایا: ''اے مومنو! اللہ تعالیٰ سے ڈرو اور سیدھی اور درست بات کہو۔''
(سورہ الاحزاب :70)

اللہ تعالیٰ سے ڈرنے کے بارے میں بہت سی آیات ہیں۔
اور اللہ تعالیٰ نے فرمایا: ''جو شخص اللہ تعالیٰ سے ڈرتا ہے تو اللہ تعالیٰ اس کے لیے نکلنے کا راستہ آسان کردیتا ہے اور اسے ایسی جگہ سے رزق دیتا ہے جہاں سے اس کا وہم و گمان بھی نہ ہو۔''
(سورہ الطلاق :2،3)

اور اللہ نے فرمایا: ''اگر تم اللہ تعالیٰ سے ڈرو گے تو اللہ تعالیٰ تم کو (حق و باطل میں) فیصلہ (کرنے والی) چیز دے گا اور تم سے تمہارے گناہ دور کردے گا اور تمہیں بخش دے گا اور اللہ تعالیٰ بڑے فضل والا ہے۔''
(سورہ االانفال :29)
اس باب میں بکثرت آیات ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت ابوہریرہ بیان کرتے ہیں کہ رسول اللہ صلی اللہ علیہ وسلم سے سوال کیا گیا: "لوگوں میں سب سے زیادہ معزز و مکرم کون ہے؟" آپ نے فرمایا: ''جو ان میں سے سب سے زیادہ متقی ہے۔'' صحابہ نے عرض کیا: "ہم آپ سے اس کے بارے میں نہیں پوچھ رہے۔" آپ نے فرمایا: ''پھر یوسف علیہ السلام ہیں جو خود بھی اللہ تعالیٰ کے نبی، اللہ تعالیٰ کے نبی کے بیٹے، اللہ تعالیٰ کے نبی کے پوتے اور اللہ تعالیٰ کے نبی اور خلیل کے پڑپوتے ہیں۔'' انہوں نے عرض کیا: "ہم آپ سے اس بارے میں نہیں پوچھ رہے۔ آپ نے فرمایا۔ ''کیا تم مجھ سے عرب کے خاندانوں کے بارے میں پوچھنا چاہتے ہو؟ پس ان کے جو افراد جاہلیت میں بہتر تھے وہ اسلام میں بھی بہتر ہیں، بشرطیکہ وہ دین کی سمجھ حاصل کرلیں۔''
(متفق علیہ)
توثیق الحدیث:اخرجہ ابخاری (3876۔فتح) و مسلم (2378)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت ابوسعید خدری سے روایت ہے کہ نبی صلی اللہ علیم وسلم نے فرمایا: ''دنیا شیریں اور سرسبز و شاداب ہے، اللہ تعالیٰ تمہیں اس میں جانشین بنانے والا ہے۔ پس وہ دیکھے گا کہ تم کیسے عمل کرتے ہو؟ پس تم دنیا کے دھوکے سے بچو اور عورتوں کے فتنے سے بچو۔ کیونکہ بنی اسرائیل کی پہلی آزمائش عورتوں کی وجہ سے تھی۔''
(مسلم)
توثیق الحدیث اخرجہ مسلم (2742)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت ابن مسعود سے روایت ہے کہ نبی صلی اللہ علیم وسلم یہ دعا کیا کرتے تھے۔ ''اے اللہ! میں تجھ سے ہدایت، تقویٰ، عفت و پاکدامنی اور (لوگوں سے) بے نیازی کا سوال کرتا ہوں۔''
(مسلم)
توثیق الحدیث:اخرجہ مسلم (2721)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت ابو طریف عدی بن حاتم طائی بیان کرتے ہیں کہ میں نے رسول اللہ صلی اللہ علیم وسلم کو فرماتے ہوئے سنا: ''جو شخص کسی بات پر قسم کھالے پھر وہ اس سے زیادہ تقویٰ والی بات دیکھے تو اسے تقویٰ کو اختیار کرنا چاہیے۔''
(مسلم)
توثیق الحدیث:اخرجہ مسلم (1651)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت ابو امامہ صدی بن عجلان باہلی بیان کرتے ہیں کہ میں نے رسول اللہ صلی اللہ علیہ وسلم کو حجۃ الوداع کے موقع پر خطاب فرماتے ہوئے سنا۔ آپ نے فرمایا: ''اللہ تعالیٰ سے ڈرو، اپنی پانچوں (فرض) نمازیں ادا کرو، اپنے (رمضان کے) مہینے کے روزے رکھو، اپنے مالوں کی زکوٰۃ ادا کرو اور اپنے حکمرانوں کی اطاعت کرو، تو تم اپنے رب کی جنت میں داخل ہوجاؤ گے۔''
(اسے امام ترمذی نے کتاب الصلوٰۃ کے آخر میں ذکر کیا ہے اور کہا کہ حدیث حسن صحیح ہے)
توثیق الحدیث:صحیح،اخرجہ الترمذی (616) واحمد (2515) والحاکم(91۔389) وصححہ علی شرط مسلم و وافقہ الذھبی۔


۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 
Top