تکفیری کون لوگ ہیں ؟

[عبداللہ عبدل]

السلام علیکم:

سوال:
السلام علیکم ورحمۃ اللہ وبرکاتہ
آج کل عموما بہت سے گروہ ایکدوسرے کو تکفیری قرار دیتے نظر آتے ہیں ۔ سوال یہ ہے کہ تکفیری کسے کہا جاتا ہے اور اصل تکفیری لوگ کون ہوتے ہیں ۔ کیونکہ یہاں تو محض الزام بازیاں جاری ہیں اور تکفیری وخارجی کے اتہامات کی بھر مار ہے ۔

جواب: تکفیری کون لوگ ہیں ؟

ہر مسلمان کسی نا کسی کی تکفیر ضرور کرتا ہے ۔ محض کسی کو کافر قرار دے دینے سے کوئی تکفیری نہیں بن جاتا ۔
جب ہم کسی کے لیے لفظ "تکفیری" یا "فتنہء تکفیر" استعمال کرتے ہیں تو اس وقت تکفیر مطلق کی بات عموما نہیں ہوتی بلکہ یہ الفاظ تکفیر معین کے حوالے سے بولے جاتے ہیں یا پھر کبھی کبھار تکفیر مطلق سے متعلق بھی ہوتے ہیں ۔
عموما ان سے مراد تکفیر معین ہی ہوتی ہے ۔
یعنی ہر وہ شخص جو کسی دوسرے شخص کی معینا تکفیر کرے جبکہ اس نے کوئی کفریہ کام بھی نہ کیا ہو یا اگر کفریہ کام کیا ہو تو تکفیر معین کے اصول وقوانین کو ملحوظ رکھے بغیر اور انہیں اپلائی کیے بغیر وہ اس معین شخص کو کافر قرار دےدے تو اس تکفیر کرنے والے کو تکفیری یا فتنہء تکفیر میں مبتلاء قرار دیا جاتا ہے ۔
ہاں اگر اس شخص پر تکفیر معین کے اصول وقوانین کا اپلائی کرکے اسکی معینا تکفیر کی جائے تو ایسا کرنے والا تکفیری نہیں کہلائے گا ۔
اور جب کبھی اس سے مراد تکفیر مطلق ہوتی ہے تو اس سے مراد یہ ہوتا ہے کہ کسی ایسے کام کو کفریہ کام سر انجام دے کر مطلقا تکفیر کی جارہی ہے جسکا کفر ہونا کتاب وسنت سے ثابت نہیں ہے !

خوب سمجھ لیں!

بشکریہ: الشیخ محمد رفیق طاہر حفظہ اللہ

 

[ابو بصیر]

جزاک اللہ خیرا

 

[محمد آصف مغل]

جناب عبداللہ عبدل صاحب

ایک سوال ہے کہ اگر کوئی شخص کسی کو نام لے کر یا نام لئے بغیر، اسی طرح کسی جماعت کو نام لے کر یا نام لئے بغیر تکفیری و خارجی کہتا ہے۔ جبکہ وہ ‘‘اشھد ان لا الہ الا اللہ وحدہ لا شریک لہ و اشھد ان محمد عبدہ و رسولہ’’ پڑھتا ہے۔ اور تکفیری و خارجی کہنے والے سے دلیل طلب کرتا ہے کہ اس نے کیوں تکفیر کی؟ اب تکفیری و خارجی کہنے والا دلیل تو کوئی نہ دے سکے البتہ ادھر ادھر جھانکتا پھرے، باربار دلیل طلب کرنے کے باوجود وہ باز بھی نہ آئے تو اس شخص کے متعلق آپ کا کیا فرمان ہے؟

 

[راجا]

جناب عبداللہ عبدل صاحب

ایک سوال ہے کہ اگر کوئی شخص کسی کو نام لے کر یا نام لئے بغیر، اسی طرح کسی جماعت کو نام لے کر یا نام لئے بغیر تکفیری و خارجی کہتا ہے۔ جبکہ وہ ‘‘اشھد ان لا الہ الا اللہ وحدہ لا شریک لہ و اشھد ان محمد عبدہ و رسولہ’’ پڑھتا ہے۔ اور تکفیری و خارجی کہنے والے سے دلیل طلب کرتا ہے کہ اس نے کیوں تکفیر کی؟ اب تکفیری و خارجی کہنے والا دلیل تو کوئی نہ دے سکے البتہ ادھر ادھر جھانکتا پھرے، باربار دلیل طلب کرنے کے باوجود وہ باز بھی نہ آئے تو اس شخص کے متعلق آپ کا کیا فرمان ہے؟

کسی شخص کے تکفیری ہونے کی دلیل ہی پہلی پوسٹ میں مذکور ہے۔ اور یہ عبداللہ عبدل صاحب نے نہیں شیخ محمد رفیق طاہر صاحب نے بیان کی ہے۔ اصول و ضوابط کے بغیر معین تکفیر کرنے والوں ہی کو تکفیری کہا جاتا ہے۔ یاد رہے، کسی کو تکفیری کہنا، اس کو کافر قرار دینا نہیں ہے۔ بلکہ فقط اس جانب نسبت ہے کہ یہ شخص کفر کے فتویٰ کا بے دریغ استعمال کر رہا ہے۔ اور اگر فقط کلمہ شہادت کہنا کسی کے مسلمان ہونے کی دلیل ہے، تو سب سے پہلے حکمرانوں اور پوری کی پوری پاکستانی فوج اور تمام عسکری اداروں کو مرتد قرار دینے والوں کو یہ فکر کرنی چاہئے کہ وہ نادانستگی میں کہیں مسلمانوں ہی کو مرتد قرار دے کر ان کے خلاف خروج تو نہیں کر بیٹھے۔

 

[محمد آصف مغل]

فی الحال تو میں جناب عبداللہ عبدل صاحب کے جواب کا منتظر ہوں۔
آپ کی بات کو بعد میں دیکھیں گے۔

 

[راجا]

فی الحال تو میں جناب عبداللہ عبدل صاحب کے جواب کا منتظر ہوں۔
آپ کی بات کو بعد میں دیکھیں گے۔

آپ کون کہہ رہا ہے کہ بجائے کیا کہہ رہا ہے، کو دیکھیں گے تو عبداللہ صاحب اور مجھ میں زیادہ فرق محسوس نہیں کریں گے۔ یہ ویسے بھی سیکھنے سکھانے اور اپنا قبلہ درست کرنے کی بات ہے۔ اس سے فرق نہیں پڑنا چاہئے کہ مخاطب کون ہے۔

 

[محمد آصف مغل]

تو جناب کیا میں یہ سمجھوں کہ
کیا واقعی آپ ہی البتہ عبداللہ عبدل صاحب ہیں؟؟؟؟؟؟

 

[راجا]

تو جناب کیا میں یہ سمجھوں کہ
کیا واقعی آپ ہی البتہ عبداللہ عبدل صاحب ہیں؟؟؟؟؟؟

نہیں میرے بھائی۔۔۔آپ غلط نتیجہ تک پہنچے۔ اصل بات کی طرف آئیے۔

 

[محمد آصف مغل]

میں نے صرف سوال کیا تھا کوئی نتیجہ نہیں نکالا تھا ۔ اور نہ ہی آپ کو عبداللہ عبدل سمجھا تھا۔

اصل بات تو یہی ہے کہ عبداللہ عبدل سے سوال ہے وہ جواب دے گا تو بات آگے بڑھائیں گے۔