تکلیف دینے والی چیز کو راستے سے ہٹا دینا

[محمد زاہد بن فیض]

حضرت ابو ہریرہ رضی اللہ تعالیٰ عنہ نے سے روایت ہے کہ
رسول اللہ صلیٰ للہ علیہ وسلم نے فرمایا!
کہ راستے سے کسی تکلیف دینے والی چیز کو ہٹا دینا بھی صدقہ ہے۔
(باب اماطۃ الاذی۔صحیح بخاری۔)
تشریح
عام گزرگاہوں کی حفاظت اور ان کی تعمیر وصفائی اس قدرضروری ہے کہ وہاں سے ایک تنکے کو دورکردینا بھی ایک بڑا کار ِثواب قرار دیا گیا۔اور کسی پتھر کانٹے اور کوڑے کو دور کردینا ایمان کی علامت بتلایا گیا۔انسانی مفاد ِعامہ کیلئے ایسا ہونا بہت ضروری تھا۔یہ اسلام کی اہم خوبی ہے۔کہ اس نے ہرمناسب جگہ پر خدمت خلق کو مد ِنظر رکھا ہے۔
(مترجم مولانا دائود راز رحمۃ اللہ علیہ)​