جب فرض نماز کھڑی ہو جاے تو سنت پڑھنا منع ہے

[حافظ عمران الہی]

 

[محمد عاصم]

JAZZAKALLAH-O-KHAIRA

 

[حافظ عمران الہی]

یہ تو حدیث رسول ہے کہ فرض نماز کے وقت سواے اس نماز کے کوئی نماز جائز نہین ہے لیکن ہمارے حنفی بھائی اس معاملے میں کیا راے رکھتے ہیں، اس بارے میں احناف کی راے بیان کرتے ہوے جناب امام ابن حزم رقم طراز ہیں:
وقال أبو حنيفة : من دخل المسجد ، وقد أقيمت الصلاة للصبح فإن طمع أن يدرك مع الإمام ركعة من صلاة الصبح تفوته أخرى فليصل ركعتي الفجر ، ثم يدخل مع الإمام" (المحلی بالآثار:ج2،ص147
امام صاحب کے قول کا معنی یہ ہے کہ جو شخص مسجد میں داخل ہو اور فجر کی نماز جاری ہو اگر اسے یہ امید ہو کہ وہ امام کے ساتھ صرف ایک رکعت پا لے گا اور دوسری رہ بھی جاے تو وہ فجر کی دو سنتیں ضرور پڑھ لے اور اس کے بعد وہ امام کے ساتھ مل جاے"
اب انصاف سے کام لینے والے احناف سے میری گزارش ہے کہ کیا وہ واضح طور پر یہ کہہ سکتے ہیں کہ یہاں امام صاحب سے صریح خطا ہوئی ہے، اور ان کا موقف قول رسول کے مخالف ہے،

 

[اسحاق]

جزاک اللہ خیرا

 

[یزید حسین]

کیا صحابہ کرام علیہم الرضوان کو یہ حدیث معلوم نہیں تھی؟وہ نماز فجر کے کھڑا ہونے پر پہلے سنتیں پڑھتے تھے۔

 

[انس]

کیا صحابہ کرام علیہم الرضوان کو یہ حدیث معلوم نہیں تھی؟ وہ نماز فجر کے کھڑا ہونے پر پہلے سنتیں پڑھتے تھے۔

کونسی حدیث؟؟!! ریفرنس دیں!

ثابت کریں کہ صحابہ کرام رضوان اللہ علیہم اجمعین نبی کریمﷺ کی درج بالا حدیثِ مبارکہ سننے کے بعد بھی نمازِ فجر کھڑی ہونے پر پہلے فجر کی سنتیں پڑھتے تھے۔

 

[مون لائیٹ آفریدی]

عبداللہ بن مسعودؓ اور الدرداؓ صحابیوں میں سے اور مسروق و حسن بصری و ابن زبیر وغیرہ تابعین میں سے نقل ہے کہ سنت فجر ایک کونے میں پڑھ کر جماعت میں شامل ہوئے ، جس سے سنت کا پڑھنا مسجد میں بعد اقامت صلوٰۃ کے جائز معلوم ہوتا ہے

یہ فعل حضرت عمرؓکے فعل کابھی مخالف ہے یعنی حضرت عمرؓ نے دیکھا کہ ایک شخص سنت فجر ، جماعت کے دوران ہی پڑھ رہا ہے تو اس کو مارا اور تعزیر دی
عبداللہ بن عمرؓ نے دیکھا ایک شخص کو کہ وقت اقامت مؤذن کے سنت فجر کی پڑھنےلگا تو اس کو کنکر مارا جیساکہ بیہقی نے نقل کیا اور محلی شرح موطا میں مذکور ہے اور اگربالفرض عبداللہ بن مسعودؓ وغیرہ نے سنت فجر کی پڑھی ہو تو جواب اس کا یہ ہے کہ عبداللہ ابن مسعودؓ وغیرہ کو حدیث نہی کی نہیں پہنچی اور حدیث نہی کے نہ پہنچنے میں کچھ تعجب نہیں کیونکہ عبداللہ بن مسعود رکوع میں ہاتھوں کا گھٹنوں پر رکھنا مخفی رہا اور وہ ہمیشہ دونوں ہاتھ ملا کر رانو ں میں رکھتے تھے
دونوں ہاتھوں کا ملا کر رانوں میں منسوخ ہوچکا مگر عبداللہ بن مسعودؓ کو نسخ کی حدیث نہیں پہنچی۔ حالانکہ رکوع میں ہاتھ رکھنا گھٹوں پر ہر وقت کامدام معمول ہے ہر نماز میں اور یہ فعل مشہور عبداللہ بن مسعودؓ پر مخفی رہا پس اسی طرح حدیث نہی سنت فجر کے پڑھنے میں بیچ مسجد کے وقت قائم ہونے جماعت کے عبداللہ بن مسعودؓ اور ابوالدردا کو نہ پہنچی
پس بسبب لا علمی اس حدیث نہی کے عبداللہ بن مسعود اور ابوالدرداء نے سنت فجر کی کبھی مسجد میں بروقت قائم ہوجانے جماعت کے اگر پڑھی ہو تو وہ معذور رہیں گے اور ہم پر ان کا پڑھنا بمقابلہ حدیث صحیح کے کہ چھ سات صحابی سے منقول ہے حجت نہیں ہوسکتی بموجب اس آیت کریمہ کے وما اتکم الرسول فخذوہ ومانھکم عنہ فانتھوا (ترجمہ) جو چیز دی تم کو رسولﷺ نے پس لے لو اس کو اورعمل کرو اس پر اور جس چیز سے منع کیا تم کو پس باز رہو اس سے اور نہ کرو اس کو پس قول و فعل اور تقریر رسول مقبولﷺ کی واجب الاتباع ہے امت پر ۔

 

[مون لائیٹ آفریدی]

ایک دوسری مثال یہ ہے کہ . حضرت ابن عمر رضی اللہ عنہ بیوی کا بوسہ لینے پر وضو ضروری سمجھتے اور اس کا فتویٰ بھی دیتے، حالانکہ احناف کا بھی فتویٰ یہاں پر کسی دو تین صحابہ کرام رضی اللہ عنہم کے فعل پر نہیں ہے بلکہ صحیح حدیث کے مطابق ہے أن النبی! قبّل بعض نسائہ ثم خرج إلی الصلاة ولم یتوضأ (صحیح ترمذی:۷۵)
’’نبیؐ نے اپنی بیویوں میں سے کسی کا بوسہ لیا پھرنماز کے لئے چلے گئے اور وضو نہیں کیا۔‘‘

 

[محمد ارسلان]

نبی صلی اللہ علیہ وسلم کا حکم آ گیا، اب ہمیں کسی امام کے قول کی ضرورت نہیں۔

 

[عبدالرحمن بھٹی]

اگر سنتیں پڑھ رہا ہو اور اقامت شروع ہو جائے تو کیا کرے؟