محمد عامر یونس
خاص رکن
- شمولیت
- اگست 11، 2013
- پیغامات
- 17,117
- ری ایکشن اسکور
- 6,783
- پوائنٹ
- 1,069
جس شخص نے مجھ پر ایسی بات کہی جو میں نے نہیں کہی تو وہ اپنا ٹھکانا (جہنم کی) آگ میں بنا لے۔
نبی کریم ﷺ نے فرمایا:
جس شخص نے مجھ پر ایسی بات کہی جو میں نے نہیں کہی تو وہ اپنا ٹھکانا (جہنم کی) آگ میں بنا لے۔
(صحیح بخاری:109)
ایک اور جگہ ارشاد نبوی ﷺ ہے کہ: جس نے مجھ سے ایک حدیث بیان کی اور وہ جانتا ہے کہ یہ روایت جھوٹی (میری طرف منسوب)
ہے تو یہ شخص جھوٹوں میں سے ایک (یعنی کذاب) ہے۔
(مسند علی بن الجعد:140 و سندہ صحیح، صحیح مسلم:1)
متواتر احادیث سے ثابت ہے کہ رسول اللہ ﷺ پر جھوٹ بولنے والا شخص جہنمی ہے۔ اس کے باوجود بہت سے لوگ دن رات اپنی تقریروں، تحریروں اور عام گفتگو میں جھوٹی، بے اصل اور مردود روایتیں کثرت سے بیان کرتے رہتے ہیں ۔
یاد رکھیں! نبی کریم ﷺ پر جھوٹ بولنے والا شخص جہنم میں جائے گا۔ اس وعیدِشدید میں آپ ﷺ پر جھوٹ بولنے والا اور آپ پر جھوٹ کو بغیرتردید کے آگے لوگوں تک پہنچانے والا دونوں یکساں شامل و شریک ہیں۔