جمہوریت کے متعلق جامعہ بنوریہ عالمیہ کا تازہ ترین فتویٰ

[ابن حلبی]

جمہوریت کے متعلق ایسا ابہام - لگتا ہے کہ ہمیں تحقیق مناط کی عادت نہیں رہی، یا ہم مصلحتوں کا شکار ہو چکے ہیں

 

[محمد نعیم یونس]

مغربی شراب حرام اور اسلامی شراب حلال۔۔۔

 

[عبدہ]

مجھے لاشعوری طور پر خلط مبحث کا معاملہ لگتا ہے میں اپنی سمجھ سے اسکی وضاحت کر دیتا ہوں پھر محترم @حافظ طاہر اسلام عسکری بھائی اور محترم @اشماریہ بھائی کو تصحیح کے لئے اور رائے دینے کے لئے گزارش کروں گا
فتوی میں لکھا گیا ہے کہ
جمہوریت کا لفظ اکثریتی پارٹی کی حکومت کے لئے مستعمل ہے
میرے خیال میں یہاں پر حکومت کے تصور کی وضاحت نہیں کی گئی کیونکہ ہمارا اکثریت کی پارٹی کی حکومت کے بارے تصور دو طرح کا ہو سکتا ہے
1-جو پارٹی اکثریت میں ہو وہ اس طرح حکومت کرے کہ نظام (قانون) بنانے کا اختیار بھی انکے پاس ہو اور نظام چلانے کا اختیار بھی ان کے پاس ہو

2-جو پارٹی اکثریت میں ہو وہ اس طرح حکومت کرے کہ نظام (قانون) بنانے کا اختیار تو انکے پاس نہ ہو بلکہ اللہ کے پاس ہو اور وہ پارٹی صرف اللہ کے قانون یعنی شریعت کو چلانے کا اختیار رکھتی ہو

میرے خیال میں پہلے تو مفتی صاحبان کو اسکا تعین کرنا چاہئے تھا کہ جمہوریت کا لفظ اوپر دو پوئنٹس میں سے کس کے لئے مستعمل ہے تاکہ فتوی میں غیر شعوری طور پر خلط مبحث نہ ہو سکے
اگر کوئی یہ سمجھتا ہے کہ ہمارے معاشرے میں جمہوریت دوسرے پوائنٹ کے لئے بھی استعمال ہوتا ہے اور پہلے کے لئے بھی استعمال ہوتا ہے تو پھر مفتی صاحبان کا فتوی درست ہے
اور اگر معاملہ یہ ہے کہ معاشرے میں یہ صرف پہلے نمبر کے لئے مستعمل ہے تو پھر واقعی مفتی صاحبان سے خلط مبحث ہو گیا ہے اسوقت ایسے ہی معاملہ ہو گا جیسے کوئی یہ سمجھے کہ زنا میں کیونکہ جماع ہوتا ہے تو زنا کو جماع پر محمول کرتے ہوئے کہے کہ جس نے زنا کیا ہے اسکے کے سابقے لاحقے کو دیکھیں گے اگر وہ زنا بیوی سے ہو گا تو درست اور اگر غیر بیوی غیر ملک سے ہو گا تو حرام ہو گا خالی زنا پر حکم نہیں لگ سکتا

بھائیوں سے گزارش
میں نے پوسٹ میں کوئی حتمی رائے نہیں دی بلکہ دو احتمالات بتائے ہیں اگر کوئی تیسرا احتمال جانتا ہے تو وہ بتا دے یا پھر پہلے اس بات کو فائنل کیا جائے کہ

جمہوریت ہمارے معاشرے میں عموما اوپر دو پوائنٹس میں بتائے گئے معنوں میں سے کس معنی میں مستعمل ہے

 

[طاہر اسلام]

افسوس سے کہنا پڑتا ہے کہ ہمارے مفتیِ محترم جمہوریت کی حقیقت ہی سے بے خبر ہیں،حالاں کہ فقہ الواقع سے آگاہی اس منصب کے لیے ایک بنیادی شرط ہے۔

 

[ابن حلبی]

جمہوریت ایک مغربی لفظ اور مغربی اصطلاح ہے، جس کا اطلاق ''عوام کی قانون سازی کے ذریعے عوام کے لیے عوام کی حکومت '' پرہوتاہے ۔ پس عوام ہی بالادست او ر بااختیار ہیں، جو زمامِ اقتدار کے مالک ہیں ۔ وہ اپنے ارادے کے مطابق چلیں گے اور اسی ارادے کو استعمال کریں گے۔ وہ کسی اور قوت کے سامنے جواب دہ نہیں ہیں۔ اور صاحبِ اختیار ہونے کی وجہ سے عوام ہی اپنے منتخب نمائندوں کے ذریعے نظام اور قوانین بنوائیں گے۔ او راپنے مقررکردہ حکمرانوں او ر ججوں کے ذریعے ان قوانین اور نظاموں کو نافذ کریں گے۔ چونکہ عوام قوت کا سرچشمہ ہیں،لہٰذایہ لوگ (حکمران او رجج) انہی سے قوت حاصل کریں گے۔ اورعوام کے ہر فرد کو ریاست بنانے ،حکمران مقرر کرنے ،قوانین اور نظام وضع کرنے کا مساوی حق حاصل ہے ۔
جمہوریت کی اصل، یعنی عوام کا بذاتِ خودحکومت کرنا، اسی طرح ہے کہ تمام کے تمام لوگ ایک میدان میں جمع ہوجائیں اورنظام اور حکمرانی کے قوانین بنائیں، اپنے معاملات کو چلائیں اور جن امور کے فیصلے کی ضرورت ہو، ان کا فیصلہ کریں ۔ لیکن چونکہ تمام عوام کا قانون سازی کا ادارہ بنانے کے لیے ایک میدان میں اکٹھا ہونا ممکن نہیں، اسی لیے وہ مجلسِ قانون ساز کے لیے اپنے نمائندے منتخب کرتے ہیں، اور اسی کو پارلیمنٹ کہا جاتاہے ۔ جمہوری نظام میں پارلیمنٹ ہی عوام کی خواہشات کی نمائندگی کرتی ہے او ر عوام کے ارادوں کا یہی سیاسی ڈھانچہ ہے۔ یہی حکومت تشکیل دیتاہے اور یہی مملکت کے لیے سربراہ کا چناؤ کرتاہے ،تاکہ وہ سربراہ عوام کے ارادوں کو نافذ کرنے کے لیے ان کا وکیل او رحاکم بنے ۔ وہ اپنی قوت بھی عوام سے حاصل کرتاہے، جنہوں نے اپنے بنائے ہوئے قوانین او ر نظاموں کے مطابق حکومت کرنے کے لیے اسے منتخب کیا ہے۔ لہٰذا اصل بالادستی عوام کی ہے۔ وہی قانون بناتے ہیں اور وہی ان قوانین کو نافذ کرنے کے لیے حکمران کا انتخاب کرتے ہیں ۔
چنانچہ جمہوری نظام کا منبع صرف اور صرف انسان ہے ، وحی یا دین کے ساتھ اس کا کوئی تعلق نہیں ۔

جمہوریت کی تفصیل کو مندرجہ ذیل نقاط میں سمویا جا سکتا:
(1) جمہوریت انسانی عقل کی ایجاد ہے، اور یہ اللہ کی طرف سے عطا کردہ نہیں۔ یہ آسمانی وحی پر بھروسہ نہیں کرتی اور نہ اُن ادیان کی بنیاد پر پروان چڑھی ہے، جنہیں اللہ تعالیٰ نے اپنے رسولوں پرنازل فرمایا۔
(2) یہ دین کی دنیادی امور سے جدائی ، اور پھر اس کے نتیجے میں ریاست سے علیحدگی کے عقیدے سے نکلی ہے۔
(3) یہ دو افکار کی بنیاد پر قائم ہے :
(الف) حاکمیت ِاعلیٰ عوام کی ہے ۔
( ب) اختیارات کا سرچشمہ عوام ہیں ۔
(4) یہ اکثریت کی حکومت ہے۔ حکمرانوں او رپارلیمنٹ کے اراکین کا انتخاب ووٹوں کی اکثریت کی بنیاد پرہوتاہے، اور تمام فیصلے اکثریت کی رائے کی بناء پرکیے جا تے ہیں ۔
(5) یہ عام آزادیوں کی بات کرتی ہے جو درج ذیل ہیں :
(الف) عقیدے کی آزادی
(ب) آزادیٔ رائے
(ج) ملکیت کی آزادی
(د) شخصی آزادی
ان آزادیوں کا رعایا کے ہر فرد کے لیے میسر ہونا لازمی ہے ،تاکہ ہر شخص اپنی حاکمیتِ اعلیٰ کو استعمال کرنے اور اسے خود چلانے کے قابل ہو۔ نیزوہ حکام کے انتخاب اور پارلیمنٹ کے اراکین کے انتخاب میں، بغیر کسی دباؤ اور زبردستی کے، مکمل آزادی سے شامل ہونے کا حق استعمال کرنے پر قادر ہو ۔

پس جمہوریت کا اسلام سے کوئی تعلق واسطہ نہیں

 

[عبداللہ عزام]

اِنا للہ وانا الیہ راجعون
خود کو شیخ الہند کا جانشین کہتے ہوئے ایسوں کو شرم آنی چاہیے۔
اللہ ان کو ہدایت دے۔