جنریشن گیپ

[محمد فیض الابرار]

مادہ پرستی کے اس دور میں والدین بچوں کو توجہ نہیں دے پاتے ۔ ان کا زیادہ وقت مال و دولت اکٹھا کرنے کی فکر میں نکل جاتا ہے۔ وہ اپنے بچوں کو زیادہ سے زیادہ آسائشیں مہیا کرنے کے تگ و دو میں مصروف رہتے ہیں۔ بعض والدین بچوں کو باادب بنانے کے لئے ان پر بہت زیادہ سختی کرتے ہیں اور ان کے جذبات و احساسات کا خیال نہیں رکھتے۔ والدین اور اولاد میں دوستی اور قربت کا تعلق قائم نہیں ہو پاتا۔ جب یہ والدین بوڑھے اور ان کے بچے جوان ہوتے ہیں تو یہی بچے اپنی کچھ اور دلچسپیاں تلاش کر لیتے ہیں۔ کالج سے آکر دوستوں سے ملاقات، انٹر نیٹ پر چیٹنگ اور ٹی وی دیکھنے میں وہ اتنے مصروف ہوتے ہیں کہ والدین کے لئے ان کے پاس کوئی وقت نہیں بچتا۔
اس کی وجہ کیا ہے؟
کیا اس کی وجہ جنریشن گیپ ہے۔
بہت سے والدین اپنی جوانی کے دور میں اپنے بچوں سے ایک فاصلہ رکھتے ہیں۔ یہ فاصلہ خواہ ضرورت سے زیادہ ادب و احترام کی وجہ سے ہو یا معاشی جدوجہد کی وجہ سے، والدین کبھی اپنے بچوں کو دوست کا درجہ دینے پر تیار نہیں ہوتے۔ بڑھاپے میں ان کی شدید خواہش ہوتی ہے کہ اولاد ان کے پاس بیٹھے، ان کی نصیحتوں پر عمل کرے لیکن اولاد اس وقت انہیں ایک بے کار وجود سمجھ کر نظر انداز کر دیتی ہے۔​

 

[محمد فیض الابرار]

میری رائے میں اس مسئلے کا حل صرف یہ ہے کہ
شروع ہی سے بچوں سے دوستی کا تعلق قائم کیا جائے۔
ان کے جذبات شیئر کئے جائیں،
ان کی باتوں میں دلچسپی لی جائے،
ان کے ساتھ کھیلا جائے،
ان کی تعلیم میں ان کی مدد کی جائے۔
بچوں کو اتنا اعتماد دیا جائے کہ وہ اپنے دل کی بات بلا جھجک ان سے شیئر کر سکیں۔
بچوں کے دل میں والدین کا خوف ڈنڈے کے ڈر کی بنیاد پر نہ ہو بلکہ ایک اچھے دوست کے چھوٹ جانے کا خوف کی طرح ہونا چاہیئے۔

 

[محمد فیض الابرار]

آپ لوگوں کی رائے کیا ہے؟

 

[ابن حسیم]

یقیننا درست فرمایا آپ نے، جہاں والدین اور اولا میں گیپ زیادہ ہوتا ہے وہاں اولاد کبھی اپنے والدین سے دل کی بات نہیں کہ سکتی، جب کہ دل کی بات کہنے کے لیے انہیں کسی نہ کسی دوست کی ضرورت ہوتی ہے اور والدین کی دوستی ہی سب سے اچھی دوستی ہوتی ہے۔

 

[محمد فیض الابرار]

میری اہلیہ اپنے بہن بھائیوں میں سب سے چھوٹی یعنی جب میرا نکاح ہوا تو اس وقت میری اہلیہ کے بہن بھائی نواسے اور نواسیوں والے تھے وہ اپنے بہن بھائیوں کے ساتھ اس لیے قریب نہ ہو سکی کہ وہ بڑے تھے اور گھر کے چھوٹوں کے لیے وہ پھوپھو یا خالہ تھی لہذا کبھی کبھی وہ کہا کرتی ہے کہ جنریشن گیپ ایک بہت بڑی آزمائش ہے جو کسی پر نہ آئے

 

[ابن حسیم]

میری بیگم کے ساتھ بھی یہی مسئلہ ہے، جب اس نے اپنے والد سے کوئ بات پوچھنا ہوتی ہے تو پہلے اپنی والدہ کو فون کرتی ہے پھر والدہ والد کو فون کر کے واپس اسے فن کر کے بتا تی ہیں۔۔۔۔ لیکن والد نے اتنا گیپ رکھا کہ وہ ان سے اب کچھ پوچھ نہیں پاتی بتا نہیں پاتی۔۔۔ اور یہ واقعتا ایک آزمائیش سی بن جاتی ہے۔ لیکن میرے والد نے الحمد للہ ہم میں دوستانہ ماحول ہی رکھا تھا اور ہم تمام بہن بھائ بھی آپس میں دوستوں کی طرح ہی ایک دوسرے کے دکھ سکھ شئیر کرتے ہیں۔
اور میں خود بھی اپنے بچوں کے ساتھ دوستانہ ماحول میں کھیلتا ہوں مگر جب پڑھائ کی باری ہوتی ہے تو پھر سفاک ہو جاتا ہوں، اس سے ان میں ڈر بھی برقرار رہتا ہے اور دوستی بھی۔

 

[احسان الٰہی ظہیر]

فیض بھائی آپ نے بجا فرمایا ، میں اس میں ایک بات کا اضافہ کرنا چاہوں گا کہ افراط و تفریط دونوں ہی غلط ہیں ، اعتدال کی راہ ہی بہترین راستہ ہے ، چنانچہ دوستانہ ماحول کے ساتھ ساتھ بچوں کو ادب بھی سکھانا چاہئے اور والدین کے ساتھ بچوں کا دو طرفہ احترام والا تعلق بھی ہونا چاہئے۔

 

[محمد فیض الابرار]

پڑھائی میں سختی ضرور کریں لیکن لفظ سفاک کچھ مناسب نہیں ہے یوں کہیں کہ سختی کرتا ہوں اور اس میں کوئی رورعایت سے کام نہیں لیتا

 

[محمد عامر یونس]

 

[مون لائیٹ آفریدی]

افراط و تفریط سے بچ کر ۔ یہ نہیں کہ بچہ کسی سے کوئی چیز چرائے تو ہم اس کو شاباش دیں ، یا اگر گاڑی پر لکیر مارے تو ہتھوڑا سے اس کا ہاتھ توڑدیں ۔
دوستانہ ماحول میں بچوں کی تربیت کے ساتھ ساتھ کبھی کبھار کھیل کھود۔
اورگالی گلوچ و شرارت کرنے پر تنبیہ اور بڑی غلطی پر مناسب سزا ۔
نبی علیہ السلام نے فرمایا ! وہ ہم میں سے نہیں جو ہمارے چھوٹو ں پر شفقت نہ کرے۔
بچوں کی صحیح تربیت اور ان سے پیارومحبت ایمان کا حصہ ہے ۔
واللہ اعلم ۔