حدیث کی تشریح مطلوب ہے۔

[نسیم احمد]

السلام علیکم
اس حدیث کی تشریح درکا رہے ۔ اس میں اصحابی سے مراد کون ہیں۔؟

بخاری حدیث نمبر: 6576​

وحَدَّثَنِي عَمْرُو بْنُ عَلِيٍّ ، ‏‏‏‏‏‏حَدَّثَنَا مُحَمَّدُ بْنُ جَعْفَرٍ ، ‏‏‏‏‏‏حَدَّثَنَا شُعْبَةُ ، ‏‏‏‏‏‏عَنْ الْمُغِيرَةِ ، ‏‏‏‏‏‏قَالَ:‏‏‏‏ سَمِعْتُ أَبَا وَائِلٍ ، ‏‏‏‏‏‏عَنْ عَبْدِ اللَّهِرَضِيَ اللَّهُ عَنْهُ، ‏‏‏‏‏‏عَنِ النَّبِيِّ صَلَّى اللَّهُ عَلَيْهِ وَسَلَّمَ، ‏‏‏‏‏‏قَالَ:‏‏‏‏ "أَنَا فَرَطُكُمْ عَلَى الْحَوْضِ وَلَيُرْفَعَنَّ مَعِي رِجَالٌ مِنْكُمْ، ‏‏‏‏‏‏ثُمَّ لَيُخْتَلَجُنَّ دُونِي، ‏‏‏‏‏‏فَأَقُولُ يَا رَبِّ:‏‏‏‏ أَصْحَابِي، ‏‏‏‏‏‏فَيُقَالُ:‏‏‏‏ إِنَّكَ لَا تَدْرِي مَا أَحْدَثُوا بَعْدَكَ"، ‏‏‏‏‏‏تَابَعَهُ عَاصِمٌ ، ‏‏‏‏‏‏عَنْ أَبِي وَائِلٍ ، ‏‏‏‏‏‏وَقَالَحُصَيْنٌ ، ‏‏‏‏‏‏عَنْ أَبِي وَائِلٍ ، ‏‏‏‏‏‏عَنْ حُذَيْفَةَ ، ‏‏‏‏‏‏عَنِ النَّبِيِّ صَلَّى اللَّهُ عَلَيْهِ وَسَلَّمَ.
(دوسری سند) اور مجھ سے عمرو بن علی نے بیان کیا، کہا ہم سے محمد بن جعفر نے، کہا ہم سے شعبہ نے، ان سے مغیرہ نے، کہا کہ میں نے ابووائل سے سنا اور ان سے عبداللہ بن مسعود رضی اللہ عنہ نے بیان کیا کہ نبی کریم صلی اللہ علیہ وسلم نے فرمایا کہ میں اپنے حوض پر تم سے پہلے ہی موجود رہوں گا اور تم میں سے کچھ لوگ میرے سامنے لائے جائیں گے پھر انہیں میرے سامنے سے ہٹا دیا جائے گا تو میں کہوں گا کہ اے میرے رب! یہ میرے ساتھی ہیں لیکن مجھ سے کہا جائے گا کہ آپ نہیں جانتے کہ انہوں نے آپ کے بعد دین میں کیا کیا نئی چیزیں ایجاد کر لی تھیں۔ اس روایت کی متابعت عاصم نے ابووائل سے کی، ان سے حذیفہ رضی اللہ عنہ نے اور ان سے نبی کریم صلی اللہ علیہ وسلم نے بیان فرمایا۔

​

 

[خضر حیات]

اس سے دو معنی مراد ہوسکتے ہیں :
1۔ اصحابی سے مراد ، وہ لوگ ہوں ، جو آپ کی زندگی میں آپ پر ایمان لا کر صحابہ میں شامل ہوئے ، لیکن بعد میں مرتد ہوگئے ۔
( فتح الباری ج 11 ص 385 )
2۔ دوسرا معنی ، اس سے مراد امتی ہوں ، ایسی صورت میں اس سے مراد وہ لوگ ہوں گے ، جنہوں نے بدعات ایجاد کرلیں ، اور اللہ کے رسول صلی اللہ علیہ وسلم کے طریقہ کار سے منہ موڑ لیا۔
و اللہ اعلم بالصواب ۔

 

[اسحاق سلفی]

اس حدیث کی تشریح درکا رہے ۔ اس میں اصحابی سے مراد کون ہیں۔؟

اس حدیث کی شرح میں علامہ ابن حجرؒ لکھتے ہیں :
قال الفربري ذكر عن أبي عبد الله البخاري عن قبيصة قال هم الذين ارتدوا على عهد أبي بكر فقاتلهم أبو بكر يعني حتى قتلوا وماتوا على الكفر وقد وصله الإسماعيلي من وجه آخر عن قبيصة وقال الخطابي لم يرتد من الصحابة أحد وإنما ارتد قوم من جفاة الاعراب ممن لانصرة له في الدين وذلك لا يوجب قدحا في الصحابة المشهورين ويدل قوله أصيحابي بالتصغير على قلة عددهم ‘‘
(فتح الباری جلد ۱۱ ص ۳۸۵ )
یعنی یہاں ( اصحابی ) سے مراد وہ لوگ ہیں جو سیدنا ابوبکر رضی اللہ عنہ کی خلافت میں ( مسیلمہ کذاب کو مان کر اور زکاۃ کے منکر ہو کر ) اسلام سے منحرف ہوگئے ، اور سیدنا ابوبکر نے ان سے جنگ کی جس میں وہ سب ختم ہوگئے ،
اور امام خطابیؒ فرماتے ہیں :
صحابہ کرام میں کوئی بھی مرتد نہیں ہوا ، البتہ کچھ اجڈ اعراب جن کی دینی خدمات بھی نہیں تھیں ان میں سے کچھ لوگ ارتداد کا شکار ہوئے
اور ان کا یہ رویہ مشاہیر صحابہ کرام کی شان میں قدح کی وجہ نہیں بن سکتا ،( جو آخری دم تک اسلام پر کما حقہ قائم و دائم رہے )
۔۔۔۔۔۔۔۔۔۔۔۔۔۔۔۔۔۔۔۔۔۔