حسن لغیرہ کے متعلق سوال

[ریحان احمد]

السلام علیکم ورحمة اللہ وبرکاتہ

میرا سوال یہ ہے کہ کیا حافظ زبیر علی زئی صاحب نے صرف "ضعیف + ضعیف = حسن لغیرہ" پر کلام کیا ہے یا حسن لغیرہ کو مکمل طور پر رد کیا ہے۔

جزاک اللہ خیراً

 

[کفایت اللہ]

اس سوال کا جواب خود حافظ زیبرعلی زئی ہی کے الفاظ میں ملاحظہ ہو:

حافظ موصوف فرماتے ہیں:
حسن لغیرہ کی دوقسمیں ہیں :
١: ایک ضعیف سند والی روایت بذات خود ضعیف ہے ، جبکہ دوسری روایت حسن لذاتہ ہے یہ سند اس حسن لذاتہ کے ساتھ مل کرحسن ہوگئی ۔
٢: ایک ضعیف سندولالی روایت بذات خودضعیف ہے اوراس مفہوم کی دوسری ضعیف و مردود روایات موجود ہیں ، بعض علماء اسے حسن لغیرہ سمجھتے ہیں ، حالانکہ یہ بھی ضعیف حدیث کی ایک قسم ہے۔(الحدیث : نمبر٥ ص: ١٢)۔

یعنی حافظ زبیرعلی زئی کے نزدیک حس لغیرہ مطلقا مردود نہیں ہے بلکہ صرف "ضعیف + ضعیف = حسن لغیرہ" ہی ناقابل حجت ہے ۔

یہ توحافظ زبیرعلی زئی کے موقف سے متعلق بات ہوئی اس کے علاوہ اگر آپ حسن لغیرہ پر مکمل بحث پڑھنا چاہتے ہیں تو اس موضوع کے تحت پیش کی گئی کتاب کا مطالعہ فرمائیں۔
http://www.kitabosunnat.com/forum/علوم-و-اصول-حدیث-47/ضعیف-ضعیف-=-حسن-لغیرہ-کی-حجیت-پر-ایک-بہترین-کتاب۔-4130/

اس کتاب کی پانچویں جلد مطالعہ کریں ، اورپوری کتاب پڑھنے کاوقت نہ ہو اس جلد کے کتابی صفحات 2468 سے لیکر 2484 تک بامعان مطالعہ فرمائیں ۔

پی ڈی ایف صفحات 389 سے لیکر 405 تک ہیں‌۔