حضرت بی بی زینب (س) کے روضۂ مبارک پر حملہ،4 افراد شہید

[اعتصام]

حضرت بی بی زینب (س) کے روضۂ مبارک پر حملہ،4 افراد شہید

شام کے دارالحکومت دمشق میں حضرت بی بی زینب سلام اللہ علیہا کے روضۂ مبارک پر دہشتگردانہ حملےمیں چار افراد شہید ہوئے ہیں۔

ابنا: العالم کی آج کی رپورٹ کے مطابق دمشق میں واقع حضرت بی بی زینب سلام اللہ علیہا کے روضۂ مبارکہ پر دہشتگردوں نے راکٹ حملہ کردیا جس کے نتیجے میں چار افراد شہید اور کئی دیگر زخمی ہوئے۔ شام کے سرکاری ذرائع کا کہنا ہے کہ دہشتگردوں نے حرم کے نزدیک میں واقع کھیتوں سے راکٹ حملہ کیا ہے۔ اس سے قبل بھی کئی بار حضرت سیدہ زینب سلام اللہ علیہا کے روضۂ مبارکہ پر راکٹ حملے کئے گئے ہیں۔
شام میں دہشتگردوں نے کل رات صوبۂ دمشق کے البحدلیہ علاقے پر بھی راکٹوں سے حملہ کیا جسکے نتیجے میں 15 افراد شہید اور زخمی ہوئے ۔