حویلیاں کے قریب پی آئی اے کا مسافر طیارہ گرکر تباہ ! انا لله وانا اليه راجعون

[محمد عامر یونس]

حویلیاں کے قریب پی آئی اے کا مسافر طیارہ گرکر تباہ

ویب ڈیسک 7 منٹ پہلے

کرائے میں رعایت کراچی، لاہور، اسلام آباد، ملتان اور فیصل آباد کے روٹ پر چلنے والی پروازوں میں ہوگی، ترجمان، فوٹو؛ فائل

ایبٹ آباد:

حویلیاں کے قریب پہاڑی علاقے میں چترال سے اسلام آباد جانے والا پی آئی اے کا مسافر طیارہ گر کر تباہ ہوگیا ہے۔

ایکسپریس نیوز کے مطابق چترال سے اسلام آباد جانے والا پی آئی اے کا مسافر طیارہ پی کے 116 جس میں 47 مسافر سوار تھے اب سے کچھ دیر پہلے ہی ریڈار سے لاپتہ ہوا تھا۔ ڈپٹی کمشنر ایبٹ آباد نے اس بات کی تصدیق کرتے ہوئے کہا کہ مسافر طیارہ پہاڑی سے ٹکرانے کے بعد گر کر تباہ ہوگیا ہے۔

عینی شاہدین کے مطابق پی آئی اے کے طیارے کو پہاڑ سے ٹکرانے کے بعد گرتے ہوئے دیکھا جس کے بعد آگ کے شعلے بلند ہوتے ہوئے دیکھا گیا اور طیارہ مکمل طور پر جل کر راکھ ہوگیا ہے، نمائندہ ایکسپریس کے مطابق پہاڑی علاقے میں طیارہ گرنے کی اطلاع موصول ہوئی ہے جب کہ یہاں کوئی سڑک نہیں ہے۔

http://www.express.pk/story/673397/

 

[محمد عامر یونس]

جنید جمشید اس جہاز میں سوار تھے - بھائی کی تصدیق

طیارے میں اہلیہ بھی سوار تھی -

https://www.samaa.tv/live/

 

[محمد عامر یونس]

چترال سے سوار مسافر آخرت کے سفر پر!


چترال سے اسلام آباد آتے ہوئے پی آئی اے کا طیارہ حویلیاں کے مقام پر گر کر تباہ طیارے میں سوار مشہور شخصیت جنید جمشید سمیت 47 افراد کے لیے یہ سفر زندگی کا آخری سفر ثابت ہوا .انا لله وانا اليه راجعون. اللہ تعالی تمام مسافروں کی اگلی منزلیں آسان کردے اور ان کی بشری لغزشیں معاف فرما دے ۔

 

[محمد عامر یونس]

جنید جمشید نے چترال سے ٹویٹر پر آخری ٹویٹ کیا کیا

بدھ‬‮ 7 دسمبر‬‮ 2016 | 17:52

اسلام آباد (مانیٹرنگ ڈیسک) آج پی آئی اے کے تباہ ہونے والے طیارے میں جنید جمشید اپنی فیملی کے ساتھ سوار تھے۔ جنید جمشید کے ساتھ انکی اہلیہ ، بھابی اور سسر سوار تھے۔چار دسمبر کو جنید جمشید نے چترال سے ٹویٹر پر اپنا آخری ٹویٹ کیا۔ اس ٹویٹ میں انہوں نے چترال میں کچھ لوگوں کے ساتھ اپنی تصاویر شیئر کیں اور لکھا ” زمین پر جنت” ۔ چترال میں اپنے دوستوں کے ساتھ اللہ کی راہ پر ہوں ترچ میر چوٹی میرے پیچھے دیکھی جا سکتی ہے۔

http://javedch.com/pakistan/2016/12/07/213969

 

[arifkarim]

انا للہ وانا الیہ راجعون

 

[محمد نعیم یونس]

انا للہ وانا الیہ راجعون
یا اللہ! اس حادثے میں جو مسلمان فوت ہوئے ہیں..ان کی مغفرت فرما..اور اُن کے گھر والوں کو صبر جمیل عطا فرما..آمین!

 

[یوسف ثانی]

انا للہ وانا الیہ راجعون
یا اللہ! اس حادثے میں جو مسلمان فوت ہوئے ہیں..ان کی مغفرت فرما..اور اُن کے گھر والوں کو صبر جمیل عطا فرما..آمین!

آمین
انا للہ وانا الیہ راجعون

 

[ابوانیقہ]

انا للہ وانا الیہ راجعون

 

[محمد طارق عبداللہ]

إنا لله وإنا إليه راجعون

 

[محمد عامر یونس]

بلندی پہ اپنا نصیب آ رہا ہے

.
میں نے اسے ایک بار بھی نہیں سنا اور ہزارہا بار سنا ، کسی کو فون کرتے تو اس کی آواز گونجتی
بلندی پہ اپنا نصیب آ رہا ہے
سنا ہے اس کا جہاز بلندی پر گیا ، اور پہاڑ سے ٹکرا گیا ، نصیب بلندی پر چلا گیا .... انسان تھا ، بہت گناہ گار ہی رہا ہو گا ، لیکن سنا ہے کہتا تھا -

الٰہی تیری چوکھٹ پر بھکاری بن کے آیا ہوں
سراپا فقر ہوں عجز و ندامت ساتھ لایا ہوں​

سنا ہے کہ شاہوں کے شاہ کو ، خالق کو عاجزی بہت پسند ہے ، سنا ہے اسے اپنے در کے " منگتے " بہت اچھے لگتے ہیں

ہمارے علامہ شہید کہا کرتے تھے :

اللہ تیرے در کے منگتے ہیں اللہ ..........

جنید جمشید دل بدلنے کی دعا سے خالق کی طرف گیا ، پھر اس کا دل بدل گیا -
انسان تھا ، خطا کا پتلا تھا ، بہت بری زندگی سے دین کی طرف آیا تھا ، کم علم تھا ، کچھ باتیں منہ سے نکل گئیں ....بجا کہ مناسب نہ تھیں ، لیکن میں نے تب بھی لکھا تھا جنید کے مخالف فتوے باز سیدہ کی محبت میں نہیں بول رہے بلکہ مسلکی نفرت کے سبب شور کیا جا رہا ہے

..وہ اب ان سب جھگڑوں سے آزاد ہو کر کے اپنے رب کے حضور چلا گیا - اس نے اپنا حساب خود دینا ہے ... ہم اس کے لیے دعا تو کر سکتے ہیں نا

.......ابوبکر قدوسی