داؤد علیہ السلام پر غیر عورت سے محبت کی بدترین تہمت

[lovelyalltime]

دوائے شافی --- ابن قیم --- داؤد علیہ السلام پر غیر عورت سے محبت کی بدترین تہمت

یہ ایک جھوٹا و اسرائیلی روایات پر مبنی واقعہ ہے جس کی کوئی حیثیت نہیں اور یہ الله کے نبی داؤد علیہ السلام کی شان میں بدترین گستاخی ہے اور ان پر ایک بہت بڑی تہمت - لیکن ابن قیم صاحب نے عورتوں سے عشق ہو جانے کے استدلال میں اس کو پیش کیا ہے -

اس کی تحقیق @ابوالحسن علوی بھائی سے درکار ہے - ماشاء الله اہل علم میں سے ہیں -

​

 

[lovelyalltime]

صفحہ نمبر ٥٦١ پر بھی یہی لکھا ہے

 

[محمد عثمان]

بھائی جان اوپر لکھتے ہیں
"
یہ ایک جھوٹا و اسرائیلی روایات پر مبنی واقعہ ہے جس کی کوئی حیثیت نہیں ا"

اب جب آپکو معلوم کے کہ یہ ایک جھاٹا واقعہ اور "موضوع" روایت ہے تو " ابو الحسن علوی" بھائی کو تحقیق کی تکلیف کیوں دے رہے ہیں،

"صاف چھپتے بھی نہیں سامنے آتے بھی نہیں "

 

[محمد فراز]

صاف چھپتے بھی نہیں سامنے آتے بھی نہیں
کیسا پردہ ہے کہ چلمن سے لگے بیٹھے ہوں​

 

[اسحاق سلفی]

کیسا پردہ ہے کہ چلمن سے لگے بیٹھے ہوں

شعر تھوڑا غلط ہو گیا ہے ، اصل شعر یوں ہے ـ

خوب پردہ ہے کہ چلمن سے لگے بیٹھے ہیں
صاف چھپتے بھی نہیں سامنے آتے بھی نہیں

ـــــــــــــــــــــــــــــــــــــــــــــــــــــــــــــ

یہ شعر مرزا داغ دہلوی کا ہے ، پورا نام نواب مرزا محمد ابراہیم خاں اور تخلص داغ تھا۔ 25 مئی 1831ء کو دہلی میں پیدا ہوئے ،
ابھی چھ سال ہی کے تھے کہ ان کے والد نواب شمس الدین خاں کاانتقال ہو گیا۔ آپ کی والدہ نے بہادر شاہ ظفر کے بیٹے مرزا فخرو سے شادی کر لی۔ 1905ء میں فالج کی وجہ سے حیدر آباد میں وفات پائی ۔
پوری غزل پیش خدمت ہے

عذر آنے میں بھی ہے اور بلاتے بھی نہیں
باعث ترک ملاقات بتاتے بھی نہیں

منتظر ہیں دمِ رخصت کہ یہ مرجائے تو جائیں
پھر یہ احسان کہ ہم چھوڑ کے جاتے بھی نہیں

سر اٹھاؤ تو سہی آنکھ ملاؤ تو سہی
نشہء مے بھی نہیں نیند کے ماتے بھی نہیں

کیا کہا؟، پھر تو کہو، “ہم نہیں سنتے تیری“
نہیں سنتے تو ہم ایسوں کو سناتے بھی نہیں

خوب پردہ ہے کہ چلمن سے لگے بیٹھے ہیں
صاف چھپتے بھی نہیں سامنے آتے بھی نہیں

مجھ سے لاغر تری آنکھوں میں کھٹکتے تو رہے
تجھ سے نازک مری نظروں میں سماتے بھی نہیں

دیکھتے ہی مجھے محفل میں یہ ارشاد ہوا
کون بیٹھا ہے اسے لوگ اٹھاتے بھی نہیں

ہوچکا قطع تعلق تو جفائیں کیوں ہوں
جن کو مطلب نہیں رہتا وہ ستاتے بھی نہیں

زیست سے تنگ ہو اے داغ تو کیوں جیتے ہو؟
جان پیاری بھی نہیں، جان سے جاتے بھی نہیں

​