• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

دسترخوان جھاڑنا بھی ایک فن

کنعان

فعال رکن
شمولیت
جون 29، 2011
پیغامات
3,564
ری ایکشن اسکور
4,423
پوائنٹ
521
دسترخوان جھاڑنا بھی ایک فن

حضرت مولانا سید اصغر حسین ر جو "حضرت میاں صاحب" کے نام سے مشہور تھے۔

حضرت مفتی محمد شفیع صاحب ر فرماتے ہیں کہ:

ایک مرتبہ میں ان کی خدمت میں گیا۔ انہوں نے فرمایا: " کھانے کا وقت ہے، آؤ کھانا کھا لو۔"

میں ان کے ساتھ کھانا کھانے بیٹھ گیا

جب کھانے سے فارغ ہوئے تو میں نے دسترخوان کو لپیٹنا شروع کیا تاکہ میں جا کر دسترخوان جھاڑوں تو حضرت میاں صاحب نے میرا ہاتھ پکڑ لیا اور فرمایا:

" کیا کر رہے ہو؟"

میں نے کہا: "حضرت دسترخوان جھاڑنے جارہا ہوں۔"

حضرت میاں صاحب نے پوچھا: "دسترخوان جھاڑنا آتا ہے؟ "

میں نے کہا: "حضرت ! دسترخوان جھاڑنا کون سا فن یا علم ہے جس کے لئے باقاعدہ تعلیم کی ضرورت ہو، باہر جا کر جھاڑ دوں گا۔"

حضرت میاں صاحب نے فرمایا: "اسی لئے تو میں نے تم سے پوچھا تھا کہ دسترخوان جھاڑنا آتا ہے یا نہیں؟ معلوم ہوا کہ تمھیں دسترخوان جھاڑنا نہیں آتا!۔"

میں نے کہا: " پھر آپ سکھا دیں۔"

فرمایا: " ہاں! دسترخوان جھاڑنا بھی ایک فن ہے۔"

پھر آپ نے اس دسترخوان کو دوبارہ کھولا،
اور اس پر جو بوٹیاں یا بوٹیوں کے ذرات تھے، ان کو ایک طرف کیا،
اور ہڈیوں کو جن پر کچھ گوشت وغیرہ لگا ہوا تھا، اُن کو ایک طرف کیا
اور روٹی کے جو چھوٹے چھوٹے ذرّات تھے، اُنکو ایک طرف جمع کیا۔

پھر مجھ سے فرمایا:

" دیکھو! یہ چار چیزیں ہیں۔ اور میرے یہاں ان چاروں کی علیحدہ علیحدہ جگہ مقرر ہے۔

یہ جو بوٹیاں ہیں، ان کی فلاں جگہ ہے۔ بلی کو معلوم ہے کھانے کے بعد اس جگہ بوٹیاں رکھی جاتی ہیں، وہ آکر ان کو کھالیتی ہے۔

اور ان ہڈیوں کے لئے فلاں جگہ مقرر ہے۔ محلے کے کتوں کو وہ جگہ معلوم ہے، وہ آکر ان کو کھالیتے ہیں۔

اور جو روٹیوں کے ٹکڑے ہیں، اُن کو میں اس دیوار پر رکھتا ہوں، یہاں پرندے، چیل کوّے آتے ہیں۔ اور وہ اِن کو اٹھا کر کھا لیتے ہیں۔

اور یہ جو روٹی کے چھوٹے چھوٹے ذرات ہیں تو میرے گھر میں چیونٹیوں کا بَل ہے، اِن کو اُس بل میں رکھ دیتا ہوں، وہ چیونٹیاں اس کو کھا لیتی ہیں۔"

پھر فرمایا: " یہ سب اللہ جل شانہ کا رزق ہے، اس کا کوئی حصہ ضائع نہیں جانا چاہئے۔"

حضرت مفتی محمد شفیع صاحب فرماتے تھے کہ اس دن ہمیں معلوم ہوا کہ دسترخوان جھاڑنا بھی ایک فن ہے اور اُس کو بھی سیکھنے کی ضرورت ہے۔

(مرمیڈ)

---------------

نوٹ: باتیں اچھی لگیں اس لئے یہاں شیئر کر رہا ہوں اگر کریکٹرز پر کسی کو الرجی ہو تو میرے دھاگہ میں اس پر الجھنے سے کوئی فائدہ نہیں ہو گا۔ شکریہ!
 

خضر حیات

علمی نگران
رکن انتظامیہ
شمولیت
اپریل 14، 2011
پیغامات
8,773
ری ایکشن اسکور
8,472
پوائنٹ
964
جزاکم اللہ خیرا ۔ معلوماتی چیز ہے ۔
نوٹ: باتیں اچھی لگیں اس لئے یہاں شیئر کر رہا ہوں اگر کریکٹرز پر کسی کو الرجی ہو تو میرے دھاگہ میں اس پر الجھنے سے کوئی فائدہ نہیں ہو گا۔ شکریہ!
میرا خیال ہے کہ اگر ہم واقعتا کسی موضوع پر بحث کرنا پسند نہیں کرتے تو قارئین کو اس بات کی اطلاع دیتے ہوئے کافی محتاط تعبیر استعمال کرنی چاہیے ۔
اللہم وفقنا لما تحب و ترضی من القول والعمل والنیۃ۔
 
Top