دل فریب زدہ ، دعوتِ نظر پہ نہ جا

[ساجد تاج]

​

نہ انتظار کی لذت نہ آرزو کی تھکن
بجھی ہیں درد کی شمعیں کہ سو گیا ہے بدن

سلگ رہی ہیں نجانے کس آنچ سے آنکھیں
نہ آنسوؤں کی طلب ہے نہ رتجگوں کی جلن

دل فریب زدہ ، دعوتِ نظر پہ نہ جا
یہ آج کے قدوگیسو ہیں کل کے دارورسن

غریبِ شہر کسی سایہ شجر میں نہ بیٹھ
کہ اپنی چھاؤں میں خود جل رہے ہیں سروسمن

بہارِ قرب سے پہلے اجاڑ دیتی ہیں
جدایوں کی ہوایں محبتوں کے چمن

وہ ایک رات گزر بھی گیی مگر اب تک
وصالِ یار کی لذت سے ٹوٹتا ہے بدن

پھر آج شب ترے قدموں کی چاپ کے ہمراہ
سنائی دی ہے دلِ نا مراد کی دھڑکن

یہ ظلم دیکھ کہ تُو جانِ شاعری ہے مگر
مری غزل میں ترا نام بھی ہے جرمِ سخن

امیرِ شہر غریبوں کو لوٹ لیتا ہے
کبھی بہ حیلہِ مذہب ، کبھی بنامِ وطن

ہوائے دہر سے دل کا چراغ کیا بجھتا
مگر فراز سلامت ہے یار کا دامن

​

احمد فراز کی کتاب درد آشوب سے انتخاب

 

[اسحاق]

بہت خوب

 

[makki pakistani]

امیرِ شہر غریبوں کو لوٹ لیتا ہے
کبھی بہ حیلہِ مذہب ، کبھی بنامِ وطن

یعنی

سلطانی بھی عیاری ھے درویشی بھی عیاری ھے۔