فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
ميں ان معاملات پر گفتگو کے دوران جس چيز کے بارے ميں محتاط رہا ہوں وہ يہ ہے کہ اس بات کو يقينی بناؤں کہ ہم ان قاتلوں کو ان ايک بلين مسلمانوں کے ساتھ نتھی نا کر ديں جو امريکہ سميت اس دنيا ميں بستے ہيں۔ جو کہ پرامن ہيں، ذمہ دار ہيں اور اس ملک ميں ہماری فوج ميں ہيں۔ ان ميں پوليس آفيسرز بھی ہيں، آگے بجھانے والے عملے کا حصہ بھی ہيں، استاد بھی ہيں، پڑوسی بھی ہيں اور دوست بھی ہيں۔ اور امريکہ سميت دنيا بھر ميں ان مسلمان خاندانوں سے گفتگو کے بعد ميں نے جو بات سمجھی ہے وہ يہ ہے کہ جب آپ ان تنظيموں کو "اسلامی دہشت گرد" قرار ديتے ہيں تو اس سے ہمارے دوستوں اور اتحاديوں کو جو سنائ ديتا ہے وہ يہ تاثر ہے کہ گويا کسی بھی طور اسلام کو دہشت گردی سے منسوب کيا جا رہا ہے۔
اس سے انھيں يہ محسوس ہوتا ہے کہ گويا وہ زير عتاب ہيں۔ بعض موقعوں پر دہشت گردی سے نبرد آزما ہونے کے ليے ان سے تعاون حاصل کرنے ميں دشواری ہوتی ہے۔ چنانچہ اگر کوئ "اسلامک دہشت گردی" کی اصطلاح استعمال کرتا ہے تو کيا ميرے نزديک اس کی بہت زيادہ اہميت ہے؟ قطعی نہيں۔
اس ميں کوئ شک نہيں ہے کہ يہ افراد (دہشت گرد) نا صرف يہ سمجھتے ہيں بلکہ يہ دعوی بھی کرتے ہيں کہ وہ اسلام کی ترجمانی کر رہے ہيں۔ ليکن ميں ان کی کاروائيوں کی توثيق نہيں کرنا چاہتا ہوں۔ اگر کوئ ايسی تنظيم ہے جو عيسائيت کا نعرہ لگا کر عام شہريوں کا قتل کر رہی ہے اور دھماکے کر رہی ہے تو ايک عيسائ کی حيثيت سے ميں ان کو يہ دعوی نہيں کرنے دوں گا کہ وہ ميرے مذہب پر عمل پيرا ہيں اور حضرت عيسی کے ليے قتل کر رہے ہيں۔ ميں يہ کہوں گا يہ تو انتہائ مضحکہ خيز ہے۔ ميرا مذہب اس بات کا درس نہيں ديتا ہے۔
ان لوگوں کو وہی کہو جو يہ ہيں – قاتل اور دہشت گرد۔ اور ہم يہی کرنے کی کوشش کر رہے ہيں کہ اس بات کو يقینی بنائيں کہ اس بات کی ہرگز توثيق نا کريں کہ يہ کسی بھی طور اسلام کی نمايندگی کرتے ہيں، کيونکہ وہ يقینی طور پر ايسا نہيں کرتے۔ اور دوسرے ہم ان مسلمانوں کو جو مثبت سوچ رکھتے ہيں اور ہمارے قدرتی اتحادی ہیں، اس لڑائ کا حصہ نا بنائيں کيونکہ يہ گروہ سب سے زيادہ مسلمانوں کو ہی قتل کر رہے ہيں۔ ہميں يہ يقينی بنانا ہے کہ مسلمان يہ نا سمجھيں کہ کسی بھی طور يہ کوئ اسلام اور مغرب کی لڑائ ہے۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
https://twitter.com/USDOSDOT_Urdu
http://www.facebook.com/USDOTUrdu
https://www.instagram.com/doturdu/
digitaloutreach@state.gov
www.state.gov
https://twitter.com/USDOSDOT_Urdu
http://www.facebook.com/USDOTUrdu
https://www.instagram.com/doturdu/