ذِکر و اذکار میں گنتی متعین کرنا

[عمران اسلم]

دین اسلام میں ذکر الٰہی کی بہت زیادہ فضیلت و اہمیت ہے۔ بہت ساری نصوص میں ذاکرین کی تعریف اور ان کے لیے بہت سے سارے دنیوی و اخروی انعامات کا وعدہ کیا گیا ہے۔ ذکر کرنے کے سلسلے میں دین اسلام نے ہمیں کچھ اصول بھی دئیے ہیں جن کا لحاظ رکھنا از حد ضروری ہے۔ لیکن اس سلسلہ میں بدقسمتی یہ ہے کہ مسلمانوں میں صاحبان جبہ و دستار ذکر کے نام پر بدعات کے فروغ میں مصروف عمل ہیں۔ کوئی روزانہ اکتالیس بار سورۃ یٰسین پڑھنے کو امتحان میں کامیاب ہونے کی ضمانت قرار دے رہا ہوتا ہے تو کوئی ایک ہزار مرتبہ روزانہ درود پڑھنے پر گھر بسنے کے نوید سنا رہا ہوتا ہے۔اور تو اور کئی دفعہ ایسے ذکر بھی سننے کو مل جاتے ہیں جن میں ایسے الفاظ شامل ہوتے ہیں جن کا عربی میں وجود ہی نہیں ہے۔ ذکر و اذکار میں گنتی متعین کر لینے سے متعلق حافظ ثناء اللہ مدنی حفظہ اللہ کا ایک فتویٰ نقل کر رہا ہوں جو اگرچہ مختصر سا ہے لیکن قابل غور ہے۔
حافظ صاحب سے سوال کیا گیا کہ ذکر میں اپنی طرف سے گنتی متعین کرنےکا کیا حکم ہے؟
تو آپ کا جواب تھا:
ذکر و اذکار اور ورد و وظائف کے سلسلہ میں اصل یہ ہے کہ کتاب و سنت کی نصوص میں جہاں کہیں تعداد اور وقت کا تعین ہے، وہاں ان کا اہتمام ہونا چاہیےاور جس جگہ ان کو مطلق چھوڑا گیا ہے وہاں اپنی طرف سے متعین کرنا بدعت کے زمرہ میں شامل ہے۔ صحیح حدیث میں ہے:
’’من أحدث في أمرنا هذا ما ليس منه فهو رد‘‘
’’جو دین میں اضافہ کرے وہ اضافہ ناقابل قبول ہے۔‘‘
مسنون وِرد و وظائف میں گنتی سو سے زیادہ منقول نہیں ہے۔ علامہ البانی نے سلسلۃ الاحادیث الصحیحۃ میں اس امر کی تصریح کی ہے۔

[ماہنامہ محدث : اگست 1999]​

 

[عابدالرحمٰن]

السلام علیکم
کیا اللہ کا نام میں گنتی ضروری ہے یا کھانے پینے میں اور روپیہ کمانے بھی گنتی ضروری ہے
کھاؤ پیو بے حساب روپیہ کماؤ بے حساب اور اللہ کا ذکرو تعداد کے ساتھ وہ بھی سو کی گنتی تک
اچھا سبق ہے

 

[گڈمسلم]

السلام علیکم
کیا اللہ کا نام میں گنتی ضروری ہے یا کھانے پینے میں اور روپیہ کمانے بھی گنتی ضروری ہے
کھاؤ پیو بے حساب روپیہ کماؤ بے حساب اور اللہ کا ذکرو تعداد کے ساتھ وہ بھی سو کی گنتی تک
اچھا سبق ہے

وعلیکم السلام ورحمۃ اللہ
آپ کا اعتراض کہیں اس حدیث پر تو نہیں ؟

سیدنا ابوہریرہ رضی اللہ عنہ کہتے ہیں کہ نبی کریم صلی اللہ علیہ وسلم کے پاس کچھ نادار لوگ آئے اور انھوں نے کہا کہ زیادہ دولت والے لوگ بڑے بڑے درجے اور دائمی عیش حاصل کر رہے ہیں، وہ نماز پڑھتے ہیں جیسا کہ ہم نماز پڑھتے ہیں اور روزہ رکھتے ہیں جس طرح ہم روزہ رکھتے ہیں (غرض جو عبادت ہم کرتے ہیں وہ اس میں شریک ہیں اور) ان کے پاس مال دولت کی زیادتی ہے جس سے وہ حج کرتے ہیں، عمرہ کرتے ہیں اور جہاد کرتے ہیں اور صدقہ دیتے ہیں تو آپ صلی اللہ علیہ وسلم نے فرمایا: “ کیا میں تم سے ایک ایسی بات نہ بیان کروں کہ اگر اس پر عمل کرو تو جو لوگ تم سے آگے نکل گئے ہوں تم ان کو پا لو اور تمہیں تمہارے بعد کوئی نہ پائے گا اور تم ان تمام لوگوں میں، جن کے درمیان تم ہو بہتر ہو جاؤ گے سوائے اس کے جو اسی کے مثل عمل کرے۔ لہٰذا تم ہر نماز کے بعد 33 مرتبہ سبحان اللہ، 33 مرتبہ الحمدللہ اور 33 مرتبہ اللہ اکبر پڑھ لیا کرو۔ راوی کہتے ہیں کہ اس کے بعد ہم لوگوں نے اختلاف کیا اور ہم میں سے بعض نے کہا کہ ہم 33 مرتبہ تسبیح پڑھیں گے اور 33 مرتبہ تحمید اور 34 مرتبہ تکبیر پڑھیں گے تو میں نے پھر آپ صلی اللہ علیہ وسلم سے پوچھا تو آپ صلی اللہ علیہ وسلم نے فرمایا: سبحان اللہ، الحمدللہ اور اللہ اکبر یہ سب 33، 33 مرتبہ ہو جائے۔(مختصر صحیح بخاری، نماز کے مسائل ، باب : نماز کے بعد (اللہ کا) ذکر کرنا (ثابت ہے)۔،حدیث نمبر : 479)

 

[عمران اسلم]

السلام علیکم
کیا اللہ کا نام میں گنتی ضروری ہے یا کھانے پینے میں اور روپیہ کمانے بھی گنتی ضروری ہے
کھاؤ پیو بے حساب روپیہ کماؤ بے حساب اور اللہ کا ذکرو تعداد کے ساتھ وہ بھی سو کی گنتی تک
اچھا سبق ہے

ہاں یہ بھی صحیح ہے جب کھاؤ پیو بے حساب، کماؤ بے حساب تو فرضی رکعات میں دو، تین اور چار کی گنتی کیوں ہو؟
ان کی تعداد میں بھی حسب ذائقہ اضافہ کر دیجئے۔

 

[عمران اسلم]

عابد بھائی ویسے آپ اس بات پر دوبارہ غور کر لیجئے:

کتاب و سنت کی نصوص میں جہاں کہیں تعداد اور وقت کا تعین ہے، وہاں ان کا اہتمام ہونا چاہیےاور جس جگہ ان کو مطلق چھوڑا گیا ہے وہاں اپنی طرف سے متعین کرنا بدعت کے زمرہ میں شامل ہے۔

اس کا یہ مطلب نہیں ہے کہ آپ سو سے زیادہ مرتبہ کوئی ذکر نہیں سکتے۔ اس کا مطلب یہ ہے کہ شریعت میں جہاں ذکر کو مطلق بیان کیا گیا ہے اس کو مطلق ہی رکھنا چاہیے اس میں آپ سو کی پانچ سو کی یا ہزار کی قید نہیں لگا سکتے۔
مثلا صحیح بخاری میں ہے:
حضرت ابوہریرہ سے روایت ہے کہ رسو ل اللهﷺنے فر مایا: دو کلمے جو زبان پر ہلکے ہیں لیکن ترازو پر (آخرت میں ) بھاری ہیں اور الله رحمن کے یہاں پسندیدہ ہیں( وہ یہ ہیں ):
سُبْحَانَ اللهِ وَبِحَمْدِه، سُبْحَانَ اللهِ الْعَظِیْمِ
اس ذکر کی چونکہ شریعت نے تعداد متعین نہیں کی اس لیے ہم بھی اس کو مطلقاً پڑھیں گے اگر اس کی تعداد متعین کی جائے گی تو وہ بدعت ہو گا۔
اور مطلق طور پر اس ذکر کا ورد کرتے رہیے چاہے جتنی دفعہ مرضی کرتے رہیے۔

 

[عابدالرحمٰن]

عابد بھائی ویسے آپ اس بات پر دوبارہ غور کر لیجئے:

اس کا یہ مطلب نہیں ہے کہ آپ سو سے زیادہ مرتبہ کوئی ذکر نہیں سکتے۔ اس کا مطلب یہ ہے کہ شریعت میں جہاں ذکر کو مطلق بیان کیا گیا ہے اس کو مطلق ہی رکھنا چاہیے اس میں آپ سو کی پانچ سو کی یا ہزار کی قید نہیں لگا سکتے۔
مثلا صحیح بخاری میں ہے:
حضرت ابوہریرہ سے روایت ہے کہ رسو ل اللهﷺنے فر مایا: دو کلمے جو زبان پر ہلکے ہیں لیکن ترازو پر (آخرت میں ) بھاری ہیں اور الله رحمن کے یہاں پسندیدہ ہیں( وہ یہ ہیں ):
سُبْحَانَ اللهِ وَبِحَمْدِه، سُبْحَانَ اللهِ الْعَظِیْمِ
اس ذکر کی چونکہ شریعت نے تعداد متعین نہیں کی اس لیے ہم بھی اس کو مطلقاً پڑھیں گے اگر اس کی تعداد متعین کی جائے گی تو وہ بدعت ہو گا۔
اور مطلق طور پر اس ذکر کا ورد کرتے رہیے چاہے جتنی دفعہ مرضی کرتے رہیے۔

السلام علیکم
اب بات صحیح ہوئی
اصل بات یہی تھی کہ سو کی گنتی اور بدعت
جیسا یہاں فرمایا

مسنون وِرد و وظائف میں گنتی سو سے زیادہ منقول نہیں ہے۔

جزاک اللہ

 

[عمران اسلم]

مسنون وِرد و وظائف میں گنتی سو سے زیادہ منقول نہیں ہے۔

گنتی سو سے زیادہ منقول نہیں ہے اس میں غلط کیا ہے بھائی؟

 

[ادریس احمد]

اے اللہ ہم تیری ہی عبادت کرتے ہیں اور تجھ ہی سے مدد مانگتے ہیں
بیشک

 

[lovelyalltime]

​

سب بھائی مہربانی کر کے یہ تھریڈ بھی دیکھ لیں​

​

http://forum.mohaddis.com/threads/صبح-اور-شام-کے-سنت-ازکار-صحیح-احادیث-کی-روشنی-میں.20391/​

​

​

​

http://forum.mohaddis.com/threads/دین-کے-بدلے-دنیا.20254/#post-158374​