ماشاء اللہ آپ تو کافی سمجھدار ہیں لیکن دینی حوالہ سے عام لوگ اتنے سمجھدار نہیں
میں خود اپنی مثال بھی لوگوں کو دیا کرتا ہوں کہ شادی کے وقت میری تنخواہ انتہائی قلیل تھی اور جمع پونجی بھی صفر تھی۔ حتیٰ کہ شادی پر والدین نے خرچ کیا۔ شادی کے بعد آمدن میں اضافہ ہوگیا۔ پہلی اولاد ہوئی تو مزید نمایاں اضافہ ہوا دوسری اولاد ہوئی تو سعودیہ میں جاب مل گئی۔ لیکن چونکہ یہ جاب فیملی کے بغیر تھی لہٰذا جلد ہی پکی اور ریال میں پنشن والی نوکری چھوڑ کر واپس آگیا۔ پاکستان میں ڈبل نوکری کرتا رہا حتیٰ کہ تین سال کے اندر اندر سعودیہ جیسی نوکری پاکستان میں مل گئی
2007 کے اواخر میں پیغام قرآن ڈاٹ کا پروجیکٹ شروع کیا تو یوں سمجھ لیجئے کہ اللہ نے دنیوی نعمتوں کی بارش کردی۔ اللہ کے گھر کی حاضریاں لگتی رہیں۔ بچے باری باری اہم ترین پیشہ ورانہ جامعات میں داخل ہوتے رہے۔ اخراجات بڑھتے رہے، اللہ پوری کرتا رہا۔ ان ساری نعمتوں کا میں خود کو اہل نہیں سمجھتا نہ ہی اتنا قابل فاضل ہوں کہ اتنا کما سکتا۔ لیکن اللہ کا فضل شامل حال رہا، نیت نیک رہی اور ہر ممکن محنت کرتا رہا اور ساتھ ساتھ قرآن پراجیکٹ بھی چلاتا رہا۔ اللہ کے فضل سے بیگم بھی دینی مزاج کی ہے۔ کبھی کسی دینی پراجیکٹ پر اعتراض نہیں کیا بلکہ ساتھ ہی دیا۔ یوں دنیوی اعتبار سے بھی اسٹیٹس بلند ہوتا رہا۔ اللہ سے دعا ہے کہ آخرت میں بھی اسی طرح درجات بلند کرے آمین۔
آپ بھی اپنے معاشی پروجیکٹس، پلاننگ اور کاوشوں سے احباب کو آگاہ کرتے رہا کریں کہ میں اس وقت یہ کام کر رہا ہوں اور اتنا کما رہا ہوں۔ اور آئندہ مزید فلاں، فلاں کام کرنے اور آمدن بڑھانے کا ارادہ ہے۔ جب تک آپ اپنی فزیبیلیٹی نہیں بتلائیں گے،
لوگ آپ کی باتوں پر یقین نہیں کریں گے کہ ابھی ہماری سوسائٹی کا اللہ پر ایمان اتنا پختہ نہیں ہے کہ آپ کی بات کو از خعد سمجھ سکے۔
اللہ آپ کا حامی و ناصر ہو
![محدث فورم [Mohaddis Forum]](/styles/default/xenforo/Forum.jpg)
