رسول اللہ صلی اللہ علیہ وسلم نے فرمایا: اُسے قتل نہ کرو !!!

[محمد عامر یونس]

رسول اللہ صلی اللہ علیہ وسلم نے فرمایا: اُسے قتل نہ کرو !!!

​

مقداد بن اسود رضی اللہ عنہ نے بیان کیا کہ انہوں نے رسول اللہ صلی اللہ علیہ وسلم سے عرض کیا اللہ کے رسول صلی اللہ علیہ وسلم ! مجھے بتائیے اگر کافروں میں کسی شخص سے میری مڈبھیڑ ہوجائے اور وہ مجھ سے قتال کرے اور میرا ،ایک ہاتھ تلوار سے کاٹ دے اس کے بعد درخت کی آڑ میں چھپ جائے اور کہے : میں نے اللہ کے لئے اسلام قبول کرلیا، تو کیا میں اسے اس کلمہ کے کہنے کے بعد قتل کروں؟ رسول اللہ صلی اللہ علیہ وسلم نے فرمایا : نہیں تم اُسے قتل نہ کرو ، میں نے کہا : اللہ کے رسول صلی اللہ علیہ وسلم ! اس نے میرا ہاتھ کاٹ دیا ہے ، رسول اللہ صلی اللہ علیہ وسلم نے فرمایا: اُسے قتل نہ کرو، کیونکہ اگر تم نے اُسے قتل کر دیا تو قتل کرنے سے پہلے تمہارا جو مقام تھا وہ اس مقام میں آ جائے گا اور تم اس مقام میں پہنچ جاؤ گے جو اس کلمہ کے کہنے سے پہلے اس کا تھا

------------------------------------------------------------------------
( سنن أبي داود : 2644 ، ، صحیح مسلم : 95 (173) ، ، صحيح ابن حبان : 164 ، ، صحيح البخاري : 4019) —​

 

[محمد شاہد]