سبزیوں کے چائینز پکوڑے

[نسرین فاطمہ]

چائنیز سبزی پکوڑے

اجزا،
بینگن ۔۔۔۔۔۔۔۔2 عدد
پھول گوبھی۔۔۔۔۔۔۔۔۔ 1پھول چھوٹا
مشرومز۔۔۔۔۔۔۔۔۔۔1 کپ
آلو ۔۔۔۔۔۔۔۔۔2 عدد
پیاز ۔۔۔۔۔۔۔۔۔۔۔۔۔2 عدد
شملہ مرچ۔۔۔۔۔۔۔۔۔۔۔۔۔3 عدد
میدہ ۔۔۔۔۔۔۔۔۔۔2کپ
لال مرچ۔۔۔۔۔۔۔1 چائے کا چمچ
زیرہ پاوڈر۔۔۔۔۔۔۔۔1 چائے کا چمچ
نمک ۔۔۔۔۔۔حسب ذائقہ
لیموں کا جوس۔۔۔2 کھانے کے چمچ
پانی ۔۔۔۔۔۔۔۔۔۔1 کپ
تیل۔۔۔۔۔۔۔۔۔۔حسب ضرورت
اجینو موتو۔۔۔۔۔۔۔۔۔۔۔۔۔۔1 چائے کا چمچ
ترکیب،
ایک پیالے میں میدہ ،سفید زیرہ نمک لال مرچ لیموں کا جوس اور پانی ملا کر پیسٹ بنالیں ،بینگن کو چھلکوں سمیت چھوٹے کیوبز کی طرح کاٹ لیں ،گوبھی کے پھول الگ کرلیں پیاز اور شملہ مرچ کو بھی باریک کاٹ لیں اب ان سب کٹی سبزیوں پر تھوڑا میدہ چھڑک دیں ،ایک پین میں تیل گرم کریں پھر سبزیوں کو پیسٹ میں مکس کر کے تیل میں ڈال کر فرائی کریں
نوٹ ،
سبزیاں تھوڑی تھوڑی کرکے فرائی کریں اور جب یہ پکوڑوں کی طرح فرائی ہوجائیں تو نکال لیں اور ٹماٹر کی چٹنی کے ساتھ افطار میں نوش فرمائیں ۔
ٹماٹر کی چٹنی بنانے کا طریقہ
آدھا کلو لال ٹماٹر ،ایک عدد پیاز،2یا 3 لال مرچ ،4 جوئے لہسن ،سرکہ ایک کھانے کا چمچ ،نمک اور کالی مرچ حسب ذائقہ لیکر گرائینڈ کرلیں اور پھر ایک پین میں پانی ڈال کر اس مکسچر کو پکائیں جب آمیزہ چٹنی کی صورت اختیار کر لے تو آنچ پر سے ہٹا لیں اور کٹی ہوئی ہری مرچ اور ہرے دھنیا سے گارنش کر کے سبزی کے پکوڑوں کے ساتھ نوش فرمائیں ۔

 

[محمد ارسلان]

پکوڑوں کی بھی کئی قسمیں ہیں۔
ایک مرچوں والے پکوڑے نہیں کھائے جاتے۔

 

[محمد شاہد]

جزاک اللہ خیرا