سعودی ادارے اپنے ملازمین کو تنخواہیں اور واجبات ادا کریں، مفتی اعظم

[کنعان]

سعودی ادارے اپنے ملازمین کو تنخواہیں اور واجبات ادا کریں، مفتی اعظم​

روزنامہ پاکستان، ویب ڈیسک
توار 7 اگست 2016

ریاض: سعودی مفتی اعظم شیخ عبد العزیز آل الشیخ نے کہا ہے کہ سعودی ادارے اپنے ملازمین کی تنخواہیں اور دیگر واجبات ادا کریں۔

سعودی عرب کی مختلف کمپنیوں میں کام کرنے والے لاکھوں افراد کئی ماہ سے تنخواہوں سے محروم ہیں اور صورت حال ان کے فاقوں تک جا پہنچی ہے، ان مفلوک الحال لوگوں میں پاکستانیوں کی بھی بڑی تعداد شامل ہے۔ تنخواہوں سے محروم ان افراد کے حق میں اب سعودی عرب کے مفتی اعظم بھی بول پڑے ہیں۔

مفتی اعظم سعودی عرب شیخ عبد العزیزآل الشیخ نے ملک بھر کی کمپنیوں کو مخاطب کرتے ہوئے کہا ہے کہ وہ اپنے ملازمین کی تنخواہیں اور دیگر واجبات ادا کریں۔

واضح رہے کہ سعودی عرب میں موجود ہزاروں پاکستانی محنت کش مسائل کا شکار ہیں اور ان کے لئے وزیر اعظم کی جانب سے 50 کروڑروپے کی امداد جاری کی گئی ہے جو پاکستان میں کے اہل خانہ کو مالی امداد کی صورت میں دی گئی ہے۔