سعودی شاہ سلمان کا بیٹے کے حق میں تخت سے دستبرداری کا امکان

[کنعان]

سعودی شاہ سلمان کا بیٹے کے حق میں تخت سے دستبرداری کا امکان​

ویب ڈیسک جمعـہء 17 نومبر 2017

ریاض: سعودی شاہ سلمان کا بیٹے کے حق میں تخت سے دستبرداری کا امکان ہے اور وہ اگلے ہفتے ولی عہد محمد بن سلمان کو بادشاہت کی ذمہ داریاں سونپ سکتے ہیں۔

برطانوی میڈیا نے دعوی کیا ہے کہ سعودی بادشاہ اگلے ہفتے سعودی ولی عہد محمد بن سلمان کو بادشاہت کی ذمہ داریاں سونپ دیں گے۔ 81 سالہ سعودی فرمانروا اپنے پاس صرف خادم الحرمین شریفین کی ذمہ داریاں رکھیں گے۔

برطانوی میڈیا کی جانب سے دعوی کیا گیا ہے کہ بادشاہت کی تاج پوشی کے بعد ولی عہد محمد بن سلمان مشرقی وسطی میں ایران اور لبنان کی طرف اپنی پوری توجہ مبذول کرلیں گے اوراگرضرورت پڑی تو جنگ کرنے سے بھی گریز نہیں کریں گے۔

دو ہفتے قبل ہی کرپشن اور منی لانڈرنگ کے خلاف ولی عہد محمد بن سلمان کی سربراہی میں بننے والی کمیٹی نے بڑا قدم اٹھاتے ہوئے 11 شہزادوں اور 4 وزرا سمیت درجنوں اہم شخصیات کو گرفتار کر لیا تھا جن میں شہزادہ ولید بن طلال بھی شامل تھے۔

واضح رہے کہ 5 ماہ قبل ہی سعودی عرب کے شاہ سلمان نے موجودہ ولی عہد 57 سالہ شہزادہ محمد بن نائف کی جگہ اپنے 31 سالہ بیٹے شہزادہ محمد بن سلمان کو اپنا نیا ولی عہد مقرر کر دیا تھا۔

ح

 

[عبدالعزيز]

السلام عليكم ورحمتہ الله
اس خبر کی تردید ہوچکی ہے. برطانوی خبر ایجنسی روٹرز نے ایوان شاہی کی طرف سے جاری بیان میں اس کی تصدیق کی ہے.

 

[کنعان]

مسؤول سعودي: الملك لن يتنازل عن العرش لابنه ولي العهد​

نقلت وكالة بلومبرغ عن مسؤول سعودي رفيع أن الملك سلمان لن يتنازل عن العرش لأبنه ولي العهد محمد بن سلمان، ويأتي ذلك ردا على تواتر أخبار تتوقع ذلك.

وقال المسؤول السعودي إن الملك السعودي لا يخطط للتنازل عن العرش لابنه ولا يوجد أي إمكانية لحدوث ذلك تعقيبا على أسئلة مكتوبة من بلومبرغ

ح

 

[خضر حیات]

ویسے جب شہزادہ محمد بن سلمان ولی عہد مقرر ہوچکا ہے ، تو پھر اس کے حق میں تنازل کرنا نہ کرنا زیادہ اہمیت نہیں رکھتا ، بلکہ تنازل کردینا شاید زیادہ فائدہ مند ہو کہ ملک سلمان کی زندگی میں ہی متوقع اختلافات ختم ہوجائیں گے ۔