سعودی عرب میں عالمگیر مقابلہ حسن اذان کاانعقاد

[makki pakistani]

سعودی عرب میں عالمگیر مقابلہ حسن اذان کاانعقاد
سیدنا بلال کے نام سے منسوب پروگرام میں دنیا بھر سے مؤذنین کو شرکت کی دعوت
مقابلے کا مقصد عالم اسلام کے نوجوانوں کی توجہ اس اہم عبادت کی طرف مبذول کرانا ہے​

ریاض(آن لائن) مقابلہ حسن قرأت مختلف مسلمان ملکو ںمیں کسی نہ کسی شکل میں ہوتا ر ہاہے۔ لیکن تاریخ میں پہلی مرتبہ سعودی عرب میں بہترین اذان دینے کا بین الاقوامی مقابلہ حسن اذان منعقد کیا جارہا ہے۔ العربیہ کے مطابق ''مقابلہ بلال بن رباح'' کے نام سے شروع کئے جانے والے اس منفر دمقابلے میں دنیابھر کے موذنین کو شرکت کی دعوت دی گئی ہے۔ مقابلے کے منتظم ڈاکٹر علی الثمراتی نے میڈیا کو بتای اکہ انہوں نے مقابلے کے لئے بلال بن رباح کانام اس لئے چنا تاکہ رسول اللہ ( صلی اللہ علیہ وسلم ) کے پسندیدہ موذن حضرت بلال سے ایک نسبت ہوجائے۔ ایک سوال کے جواب میں ڈاکٹر علی الثمرانی کا کہناتھا کہ موجودہ دور میں مسلمان نوجوان اذان اور نماز کی اہمیت سے غافل ہوتا جارہا ہے۔ مقابلہ حسن اذان سے عالم اسلام کے نوجوان طبقے کی توجہ اس اہم عبادت کی جانب مبذول کرانا اور انہیں شرعی فرائض کی انجام دہی کی طرف مائل کرنا ہے۔ دنیا بھر سے موذنین ویب سائٹwww.belalbnrabah.comپر دی گئی معلوما ت کے مطابق فارم پر کریں اور اپنی آواز میں اذان ریکارڈ کراکر آن لائن ارسال کردیں۔

​