سلسلہ سنت رسول ! صلی اللہ علیہ وسلم

[محمد عامر یونس]

بسم اللہ الرحمن الرحیم

سلسلہ سنت رسول ! صلی اللہ علیہ وسلم

کھانے سے پہلے بسم الله پڑھنا اور داہنے ہاتھ سے کھانا

ارشاد نبوی صلی الله علیہ وسلم ہے :

'' اے بچے بسم الله پڑھو اور اپنے دائیں ہاتھ سے کھاؤ اور اپنے سامنے سے کھاؤ''-

صحیح بخاری​

نوٹ: اگر کوئی شخص کھانا کھانے سے پہلے بسم الله پڑھنا بھول جائے تو اسے چاہیے کہ یہ دعا پڑھے ''


بِسْمِ اللَّهِ أَوَّلَهُ وَآخِرَهُ "

سنن ترمزی- حدیث صحیح​

 

[محمد عامر یونس]

کھانے کے لقمے میں صاف کرکے کھانا

​

بہت سارے حضرات اتنے نفاست پسند ہوتے ہیں کہ اگر کھانے کا لقمہ صاف جگہ پر بھی گر جائے تو اسے اٹھا کر نہیں کھاتے بلکہ پھینک دیتے ہیں جبکہ ہمارے نبی صلی اللہ صلی اللہ علیہ سلم نے اسے اٹھا کر کھانے کا حکم دیا ہے-

ارشاد نبوی صلی الله علیہ وسلم ہے :

''اگر تم میں سے کسی کا لقمہ گر جائے تو اس سے صاف کرکے کھا لے، شیطان کیلئے اسے مت چھوڑے''-
​

صحیح مسلم​

 

[محمد عامر یونس]

کھانے میں عیب نکالنا ایک بری عادت ہے

ہم میں سے بیشتر لوگوں کی یہ عادت ہے کہ ہم ضرور کھانے میں عیب نکالتے ہیں چاہے وہ اچھا ہی کون نہ بنا ہو کیونکی ہمیں اس کی عادت پڑ چکی ہے جبکہ یہ خلاف سنت کام ہے -

ابو ہریرہ رضی اللہ عنہ کہتے ہیں کہ :

'' نبی صلی اللہ علیہ وسلم نے کبھی بھی کھانے کے عیب نہیں نکالے، اگر اچھا لگا تو کھا لیا، اور پسند نہ آیا تو آپ چھوڑ دیتے تھے''-

بخاری و مسلم ​

نوٹ: امام نووی رحم الله کہتے ہیں:

"کھانے کے آداب میں سے ضروری یہ ہے کہ کھانے کے بارے میں یہ نہ کہاجائے: "نمک زیادہ ہے"، "کھٹا ہے"، " نمک کم ہے"، "گھاڑا ہے"، "پتلا ہے"، "کچا ہے"، وغیرہ وغیرہ۔

 

[محمد عامر یونس]

سونے اور چاندی کے برتنوں میں کھانے کی ممانعت

کھانے پینے کیلئے سونے اور چاندی کے برتن استعمال نہ کرے ، کیونکہ یہ حرام ہے-

رسول اللہ صلی اللہ علیہ وسلم کا فرمان:

'' موٹی اور باریک ریشم مت پہنو، اور نہ ہی سونے چاندی کے برتنوں میں پئو، اور نہ ہی اسکی بنی ہوئی پلیٹوں میں کھاؤ، اس لئے یہ کفار کیلئے دنیا میں ہیں اور ہمارے لئے آخرت میں ہیں''

بخاری ومسلم​

 

[محمد عامر یونس]

کھانا کتنا کھایا جائے

کچھ لوگ اس قدر کھا لیتے ہیں کہ سانس لینے بھر کی جگہ بھی نہیں چھوڑتے ایسا نہیں کرنا چاہیے بلکہ میانہ روی سے کھانا کھانا اور مکمل طور پر پیٹ نہ بھرنا یہ ہمارے نبی کی سنت ہے -

نبی صلی اللہ علیہ وسلم نے فرمایا:

"کسی انسان نے اپنے پیٹ سے بُرا برتن کبھی نہیں بھرا ابن آدم کے لیے چند نوالے کافی ہیں جو اس کی کمر سیدھی رکھیں اور اگر زیادہ کھانا ضروری ہو تو تہائی پیٹ کھانے کے لیے، تہائی پینے کے لیے اور تہائی سانس کے لیے مختص کر دے"

ترمذی، ابن ماجہ- حدیث صحیح​

 

[محمد عامر یونس]

کھانے کے دوران بات کرنا

نبی صلی اللہ علیہ وسلم کھانا کھاتے ہوئے بات بھی کر لیا کرتے تھے

جابر بن عبد اللہ رضی اللہ عنہ کہتے ہیں کہ نبی صلی اللہ علیہ وسلم نے ایک بار اپنے اہل خانہ سے سالن کے بارے میں پوچھا، تو انہوں نے کہا: "ہمارے پاس تو صرف سرکہ ہی ہے" تو آپ صلی اللہ علیہ وسلم نے سرکہ منگوایا اور آپ اسی کے ساتھ کھانا کھانے لگے، اور کھانے کے دوران آپ فرما رہے تھے: ''سرکہ ایک اچھا سالن ہے، سرکہ ایک اچھا سالن ہے'' -

شیخ البانی رحمہ اللہ کہتے ہیں:

"کھانے پر گفتگو کرنے کا وہی حکم ہے جو عام حالات میں گفتگو کرنے کا ہے، لہذا کھانے کے دوران اچھی بات اچھی اور بری بات بری ہوگی" -

" سلسلہ الهدى والنور "​

 

[محمد عامر یونس]

کھانے کے بعد پلیٹ اور انگلیوں کو چاٹنا

نبی کریم صلی اللہ علیہ وسلم پلیٹ اور انگلیوں کو چاٹنے کا حکم دیتے ہوئے فرمایا '' تمہیں نہیں معلوم کہ برکت کس میں ہے'' -

صحیح مسلم​

 

[محمد عامر یونس]

کھانا ٹیک لگا کر نہ کھائیں

​

کھانا کھاتے ہوئے ٹیک مت لگائیں: اسکی وجہ یہ ہے کہ رسول اللہ صلی اللہ علیہ وسلم نے فرمایا:

'' میں ٹیک لگا کر نہیں کھاتا''-

بخاری
​

ٹیک لگانے کی کیفیت میں اختلاف ہے ۔

چنانچہ ابن حجر کہتےہیں:

"ٹیک لگانے کی کیفیت میں اختلاف کیا گیا ہے، کچھ کہتے ہیں: کھانے کیلئے کسی بھی طرح سے زمین پر پسر جانا اس میں شامل ہے، اور کچھ کہتے ہیں کہ: کسی ایک طرف ٹیک لگاکر بیٹھنا، اور یہ بھی کہا گیا ہےکہ : بائیں ہاتھ کو زمین پر رکھ کر اس پر ٹیک لگا کر بیٹھنا۔۔۔، ابن عدی نے ضعیف سند کے ساتھ نقل کیا ہے کہ نبی صلی اللہ علیہ وسلم نے کھانے کے دوران بائیں ہاتھ پر ٹیک لگا کر بیٹھنے سے ڈانٹ پلائی ہے۔ امام مالک کہتے ہیں کہ یہ ٹیک لگانے کی ایک شکل ہے، میں –ابن حجر-کہتا ہوں کہ: امام مالک کی اس بات میں اشارہ موجود ہے کہ جو بھی شکل ٹیک لگانے میں شامل ہوگی وہ مکروہ ہے، چنانچہ اسکے لئے کوئی خاص کیفیت نہیں ہے"

انتہی از "فتح الباری" ( 9 / 541 )

 

[محمد عامر یونس]

کھانے کے بعد الله کا شکر ادا کرنا

​

ارشاد نبوی صلی اللہ علیہ وسلم ہے:
''بے شک الله تعالى بندے سے اس وقت راضی ہو جاتا ہے جب وہ کوئی چیز کھاتا ہے تو اس پر اسکا شکر ادا کرتا ہے''-

صحیح مسلم​

نوٹ : كھانے سے فراغت کے بعد الحمد للہ، اور دعا پڑھنا مسنون ہے، چنانچہ نبی صلی اللہ علیہ وسلم جب کھانے سے فارغ ہوتے او دستر خوان اٹھا لیا جاتا تو فرماتے:

'' الْحَمْدُ لِلَّهِ حَمْدًا كَثِيرًا طَيِّبًا مُبَارَكًا فِيهِ غَيْرَ مَكْفِيٍّ وَلا مُوَدَّعٍ وَلا مُسْتَغْنًى عَنْهُ رَبَّنَا''

ترجمہ:بہت زیادہ ، پاکیزہ اور برکتوں والی تمام تعریفیں اللہ کیلئے ہیں ، لیکن یہ حمدوثناء اللہ کے لیے کافی نہیں ، نہ اللہ کو چھوڑا جاسکتا ہے اور نہ اس سے کوئی بے نیاز ہوسکتا ہے۔ اے ہمارے رب۔

صحیح بخاری​

 

[محمد عامر یونس]

جماع (بیوی سے ہمبستری) کرنے کی دعا

رسول اکرم صلی اللہ علیہ وسلم نے فرمایا :

جب تم میں سے کوئي اپنی بیوی کے ساتھ ہم بستری کرے تووہ یہ دعا پڑھے :

''بِسْمِ اللَّهِ ، اللَّهُمَّ جَنِّبْنَا الشَّيْطَانَ ، وَجَنِّبْ الشَّيْطَانَ مَا رَزَقْتَنَا''

ترجمہ: اللہ تعالی کے نام سے ، اے اللہ ہمیں شیطان سے دوررکھ اور جوکچھ ہمیں عطا کرے اس سے بھی شیطان کودور رکھ ۔

فضیلت : اگراس ہم بستری کی بنا پر انہیں کوئي اولاد دی گئي تواسے شیطان کبھی بھی نقصان نہیں دے سکے گا ۔

صحیح بخاری حدیث نمبر ( 6388 ) صحیح مسلم حدیث نمبر ( 1434 ) ۔​