سورۃ المومنون کے فضائل میں دیے جانے والے حدیث کی تحقیق درکار

[ابراہیم بھائی]

السلام علیکم
اس حدیث کے بارے کچھ بتائیں جزاک اللہ خیرا
حضرت بغوی رحمتہ اللہ علیہ اور حضرت ثعلبی رحمتہ اللہ علیہ نے حضرت عبداللہ بن مسعود رضی اللہ عنہ سے روایت کیا ہے کہ ان کا گزر ایک ایسے بیمار کے پاس سے ہوا جو سخت امراض میں مبتلا تھا ‘ حضرت عبداللہ بن مسعود رضی اللہ عنہ نے اس کے کان میں سورہ مومنون کی درج ذیل آیتیں پڑھیں‘ وہ اسی وقت اچھا ہو گیا۔
اَ فَحَسِبتُم اَنَّمَا خَلَقنٰکُم عَبَثاً وَّ اَنَّکُم اِلَینَا لَا تُرجَعُونَ o فَتَعٰلَی اللّٰہُ المَلِکُ الحَقُّ ۵ لَا اِلٰہَ اِلَّا ھُوَ ۵ رَبُّ العَرشِ الکَرِیمِo وَ مَن یَّدعُ مَعَ اللّٰہِ اِلٰھاً اٰخَرَ لَا بُرھَانَ لَہ بِہٰ ۱ اِنَّہ لَا یُفلِحُ الکٰفِرُونَ o وَ قُل رَّبِّ اغفِر وَ اَ ر حَم وَ اَنتَ خَیرُ الرّٰحِمِین o (سورہ المومنون : آیت 110 تا 118)
ترجمہ:۔ ” ہاں تو کیا تم نے یہ خیال کیا تھا کہ ہم نے تم کو یوں ہی مہمل پیدا کر دیا ہے؟ اور تم ہمارے پاس لوٹ کر نہ آﺅ گے؟ سو اللہ تعالیٰ بہت ہی عالی شان ہے جو حقیقی بادشاہ ہے۔ اس کے سوا کوئی بھی لائق عبادت نہیں( اور وہ) عرش عظیم کا مالک ہے اور جو شخص اللہ تعالیٰ کے ساتھ کسی اور معبود کی عبادت کرے کہ جس ( کے معبود ہونے) پر اس کے پاس کوئی دلیل نہیں‘ سو اس کا حساب اس کے رب کے یہاں ہو گا‘ بے شک کافروں کا بھلا نہ ہوگا‘ اور آپ یوں کہا کریں: اے میرے رب! (میری خطائیں) معاف فرما! اور مجھ پر رحم فرما! اور تو سب رحم کرنے والوں سے بڑھ کر رحم کرنے والا ہے۔“
رسول اللہ نے حضرت عبداللہ بن مسعود رضی اللہ عنہ سے دریافت کیا کہ آپ نے اس کے کان میں کیا پڑھا تھا؟ عبداللہ بن مسعود رضی اللہ عنہ نے عرض کیا یہ آیتیں پڑھی تھیں۔ رسول اللہ صلی اللہ علیہ وسلم نے فرمایا کہ : قسم ہے اس ذات کی جس کے قبضہ میں میری جان ہے اگر کوئی آدمی جو یقین رکھنے والا ہو یہ آیتیں پہاڑ پر پڑھ دے تو پہاڑ اپنی جگہ سے ہٹ سکتا ہے۔
page no.22
http://issuu.com/ubqari/docs/afahasibtum__or_azan_ke_kishmat#signin

 

[اسحاق سلفی]

رسول اللہ نے حضرت عبداللہ بن مسعود رضی اللہ عنہ سے دریافت کیا کہ آپ نے اس کے کان میں کیا پڑھا تھا؟ عبداللہ بن مسعود رضی اللہ عنہ نے عرض کیا یہ آیتیں پڑھی تھیں۔ رسول اللہ صلی اللہ علیہ وسلم نے فرمایا کہ : قسم ہے اس ذات کی جس کے قبضہ میں میری جان ہے اگر کوئی آدمی جو یقین رکھنے والا ہو یہ آیتیں پہاڑ پر پڑھ دے تو پہاڑ اپنی جگہ سے ہٹ سکتا ہے۔

یہ حدیث امام ابویعلیٰؒ الموصلی نے ( مسند ابی یعلی 5045 ) میں روایت کی ہے ،
حدثنا داود بن رشيد، حدثنا الوليد بن مسلم، عن ابن لهيعة، عن عبد الله بن هبيرة، عن حنش الصنعاني، عن عبد الله، أنه " قرأ في أذن مبتلى فأفاق، فقال له رسول الله صلى الله عليه وسلم: «ما قرأت في أذنه؟» قال: قرأت {أفحسبتم أنما خلقناكم عبثا} [المؤمنون: 115] حتى فرغ من آخر السورة. فقال رسول الله صلى الله عليه وسلم: «لو أن رجلا موقنا قرأ بها على جبل لزال»
قال الشيخ حسين سليم أسد : إسناده ضعيف

سیدناعبداللہ بن مسعود رضی الله عنہ سے روایت کیا ہے کہ انہوں نے سخت امراض میں مبتلا بیمار کے کان میں سورۃ المومنوں کی آخری آیتیں (افحسبتم )سے آخر تک پڑھ دی، وہ اسی وقت اچھا ہوگیا. رسول الله صلی الله علیہ وسلم نے ان سے دریافت کیا کہ آپ نے اس کے کان میں کیا پڑھا ؟
عبداللہ بن مسعود رضی الله عنہ نے عرض کی کہ یہ آیتیں پڑھی ہیں .
رسول الله صلی الله علیہ وسلم نے فرمایا کہ قسم ہے اس ذات کی جس کے قبضہ میں میری جان ہے اگر کوئی آدمی جو یقین رکھنے والا ہو یہ آیتیں پہاڑ پر پڑھ دے تو پہاڑ اپنی جگہ سے ہٹ جائے "
۔۔۔۔۔۔۔۔۔۔۔۔
یہ حدیث ضعیف ہے ،مسند ابی یعلی کے محقق علامہ حسین سلیم اسد نے اسے ضعیف کہا ہے ،
جبکہ علامہ ناصر الالبانیؒ نے بھی اسے سلسلہ آحادیث ضعیفہ میں درج کیا ہے (دیکھئے حدیث نمبر :2189)
۔۔۔۔۔۔۔۔۔۔۔۔۔۔۔
​