سچ کہو گے تو معتبر ہو گے

[محمد شاہد]

سچ کہو گے تو معتبر ہو گے
جھوٹ بولو گے تو صِفر ہو گے​

​

ایک اللہ سے ڈرو گے اگر
ساری دنیا سے تم نڈر ہو گے​

​

تنگ مخلوق کو کرو گے تو
خود پریشان عمر بھر ہو گے​

​

فکرِ عقبیٰ کی اوڑھ لو چادر
غمِ دنیا سے بے خبر ہو گے​

​

رب سے مانگو تو پاؤ گے عزت
سب سے مانگو گے دربدر ہو گے​

​

سیدھے رستے پہ گر چلے، اک دن
ایک عالَم کے راہبر ہو گے​

​

عیب ڈھونڈو نہ دوسروں کے کبھی
جلد ہی صاحبِ ہنر ہو گے​

​

اک موثر کا گر تاثر لو
اے اثرؔ تم بھی با اثر ہو گے​

​

شاہین اقبال اثرؔ​

 

[محمد آصف مغل]

ماشاء اللہ۔ بہت عمدہ انتخاب ہے جناب آپ کا۔
اللہ تعالی تمام ایمان والوں کو سچ بولنے کی توفیق عطا فرمائے اور جھوٹ سے پرہیز کر کے منافقین کی ایک علامت کو اپنے سے دور رکھنے کی بھی توفیق عطا فرمائے۔ اس کی توفیق سے سب کام مکمل ہو جاتے ہیں۔ ان اللہ علی کل شیءٍ قدیر

 

[محمد شاہد]

شکریہ آصف بھائی