شمائل ترمذی - حضور صلی اللہ علیہ وسلم کی سیرت کا بیان (یونیکوڈ)

[مزمل حسین]

حضورِ اقدس صلی اللہ علیہ وسلم کے کھانا تناول فرمانے کا طریقہ

1. ابو جحیفہ رضی اللہ تعالی عنہ کہتے ہیں کہ حضور اقدس صلی اللہ علیہ وسلم نے ارشاد فرمایا کہ میں ٹیک لگا کر کھانا نہیں کھاتا۔
2. "حضرت انس رضی اللہ تعالی عنہ فرماتے ہیں ، کہ حضور اقدس صلی اللہ علیہ وسلم جب کھانا تناول فرماتے تو اپنی انگلیاں چاٹ لیا کرتے تھے۔"
3. انس بن مالک رضی اللہ تعالی عنہ فرماتے ہیں کہ حضور اقدس صلی اللہ علیہ وسلم کے پاس کھجوریں لائی گئیں تو حضور اقدس صلی اللہ علیہ وسلم ان کو نوش فرما رہے تھے اور اس وقت بھوک کی وجہ سے اپنے سہارے سے تشریف فرما نہیں تھے بلکہ اکڑوں بیٹھ کر کسی چیز پر سہارا لگائے ہوئے تھے۔
4. کعب بن مالک رضی اللہ تعالی عنہ فرماتے ہیں کہ حضور اقدس صلی اللہ علیہ وسلم اپنی انگلیاں تین مرتبہ چاٹ لیا کر تے تھے۔
5. کعب بن مالک رضی اللہ تعالی عنہ فرماتے ہیں کہ حضور اقدس صلی اللہ علیہ وسلم کی عادت شریفہ تین انگلیوں سے کھانا تناول فرمانے کی تھی اور ان کو چاٹ بھی لیتے تھے۔

حافظ زبیر علی زئی رحمہ اللہ کی تحقیق والی شمائل ترمذی کا مطالعہ ضرور کریں۔

 

[عمر اثری]

ماشاء اللہ! ترجمہ یونیکوڈ میں دیکھ کر خوشی ہوئی. جزاکم اللہ خیرا محترم عامر بھائ.

ایک بات جو بہت شدت سے محسوس ہوئ کہ اسمیں تحقیق وتخریج نہیں ہے. حالانکہ حافظ زبیر علی زئی رحمہ اللہ کی اس سلسلے میں تحقیق موجود ہے. اگر تحقیق بھی ہوتی تو کیا ہی بہتر ہوتا.

اللہ آپکے علم میں اضافہ فرماۓ اور آپ کی اس محنت کو قبول فرمائے. آمین