شمالی وزیرستان میں فوجی قافلے پر حملہ

[tashfin28]

شمالی وزیرستان میں فوجی قافلے پر حملہ

ہماری دلی تعزیت اور نيک دعائيں ان بہادر سپاہیوں کے سوگوار خاندانوں اور دوستوں کے ساتھ ہیں جو آج شمالی وزیرستان میں فوجی قافلے پر ہونے والے دہشتگردحملے ميں جاں بحق ہوئے۔ ہم سیکورٹی فورسز پر ہونے والے اس دہشتگرد حملے کی بھر پور مذمت کرتے ہیں۔ یہ واقعی نہايت پریشان کن ہے کہ پاک فوج کے بہادر سپاہی فرض کی راہ ميں ان دہشتگردوں کے بہيمانہ حملوں ميں جانوں کا نذرانہ پيش کررہے ہیں۔ اس طرح کی سفاکانہ کارروائیوں سے ان انتہاپسندوں کا حقيقی سیاہ چہرہ، پراگندہ ذہنیت، اور دہشتگردی سے پاکستان کو لاحق سنگین خطرہ واضح ہوجاتا ہے ۔

پاکستان بھر میں سيکورٹی فورسزز اور معصوم عوام کيخلاف باقاعدگی سے کيے جانی والی يہ دہشتگرد حملے واضح طور پر ان انتہاپسندوں کے فساد،قتل اوردھمکیوں کے ذریعے پاکستان ميں اپنے سیاسی عزائم کے حصول کے ایجنڈے کو ظاہر کرتے ہيں ۔ ہم ان درندوں کيخلاف پاکستانی بہادر افواج اور عوام کیطرف سے دی گئی قربانیوں کا دل سے احترام کرتے ہيں۔ يہ دہشتگرد انسانيت کی کوئی بھی قدر نہيں کرتے۔
ہم اس عزم کا اعادہ کرتے ہيں کہ امريکہ پاکستانی عوام کے ساتھ ان غیر انسانی درندوں کے خلاف جاری جدوجہد ميں ساتھ کھڑا ہے جو مذہب کے آڑ ميں جان بوجھ کر معصوم لوگوں اور سيکورٹی فورسزز کو بلاامتياز قتل کررہے ہيں۔

ہم ان انتہاپسندوں کےخلاف جاری جنگ ميں پاکستانی عوام اور سيکورٹی فورسز کے عزم کا دل سے احترام کرتے ہيں۔ پاکستانی عوام کے عزم اور دہشتگردوں کے خلاف جنگ میں سيکورٹی فورسزز کيساتھ انکی مسلسل حمايت اور يکجہتی اس حقيقت کی غماز ہے کہ عوام نےبڑے پيمانے پران عناصر کو اور انکےانتہاپسند نظريے کو مسترد کرديا ہے۔ کيونکہ يہ نظريہ ہی ملک ميں موجودہ تباہی اور بحران کا باعث ہے۔

ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
www.state.gov
https://twitter.com/#!/USDOSDOT_Urdu
http://www.facebook.com/USDOTUrdu

 

[محمد آصف مغل]

واہ واہ کیا کہنے تاشفین کے
ہم بھی امریکہ کے اس جذبے کی قدر کرتے ہیں کہ پاکستان کو جمہوری ملک تو قرار دیا جائے لیکن جمہوریت کے ذریعے پاکستان کے عوام کو اسلام نافذ نہ کرنے دیا جائے۔ بلکہ دنیا میں جہاں بھی جمہوریت ہو وہاں پر اپنے کٹھ پتلی حکمران بٹھا کر اُن کو نچایا جائے اور عوام الناس کے لہو کا تماشا دیکھا جائے۔ ہم اس فہم و بصیرت کو بڑی قدر کی نگاہ سے دیکھتے ہیں۔ اور خاص طور پر اس سوچ و فکر کے ناشرین اور اس میں رطب اللسان لوگوں کو بھی بڑی قدر کی نگاہ سے دیکھتے ہیں جو اپنے ناجائز ملک امریکہ کے لئے حق نمک پورا پورا ادا کرتے ہیں۔ واہ تاشفین واہ۔ کیا کہنے آپ کے۔
جاری رکھو تاشفین ہم آپ کے ساتھ ہیں۔

 

[خضر حیات]

سات سمندر پار سے امریکی ہمدردیاں پتہ نہیں کب وطن عزیز کی جان چھوڑیں گی ۔؟!
اللہ کرے یہ ہمدرد اپنی درد میں ہی ایسے مصروف ہوں کہ کہ دوسروں کے گھر میں در اندازی کی ہوش ہی نہ رہے ۔
اللهم من أراد المسلمين بسوء فأشغله بنفسه و رد كيده في نحره و اجعل تدبيره تدميرا عليه يا رب العالمين

 

[عبدہ]

اللهم من أراد المسلمين بسوء فأشغله بنفسه و رد كيده في نحره و اجعل تدبيره تدميرا عليه يا رب العالمين

امین یا رب العالمین

ہماری دلی تعزیت اور نيک دعائيں ان بہادر سپاہیوں کے سوگوار خاندانوں اور دوستوں کے ساتھ ہیں جو آج شمالی وزیرستان میں فوجی قافلے پر ہونے والے دہشتگردحملے ميں جاں بحق ہوئے۔

ذرا اسکا جواب لازمی دیں اور خود نہیں بلکہ اوپر سے پوچھ کر دیں کہ اگر یہ آپ کی جنگ لڑنا چھوڑ دیں تو کیا پھر بھی یہ نیک تمنائیں موجود ہوں گی یا پھر ان سب کو پتھر کے دور میں واپس بھیج دیا جائے گا
اگر ایسا ہی ہے تو پھر تو یہ نیک تمنائیں نہ ہوئیں بلکہ زبردستی آپ اپنا کام کروا رہے ہیں اور ساتھ جھوٹی تعریفیں بھی کر رہے ہیں
کیونکہ ہم تو یہاں سکھ سے افغانستان کے ساتھ رہ رہے تھے اور طالبان کے پاکستان کے ساتھ تعلقات اچھے تھے جبکہ شمالی اتحاد کے بھارت سے تعلقات اچھے تھے اسی لئے آئی ایس آئی نہیں چاہتی تھی کہ طالبان کی جگہ پر شمالی اتحاد کو لایا جائے مگر آپ نے اپنا ورلڈ ٹریڈ سنٹر کے پتھر کے دور میں چلے جانے پر ہمیں بھی پتھر کے دور میں بھیج دیا (آج پتھر کے دور سے کیا کم مسائل ہیں)
آپ کا تو یہ حال ہے کہ
کسی کو پانی میں دکھا دے دیا جائے اور وہ کسی ڈوبتے ہوئے کو نکال لائے تو اسکی تعریف کی جائے تو وہ یہ پوچھنے میں حق بجانب ہے کہ میری تعریفیں نہ کرو بلکہ یہ بتاؤ کہ مجھے دھکا کس نے دیا تھا

ہم اس عزم کا اعادہ کرتے ہيں کہ امريکہ پاکستانی عوام کے ساتھ ان غیر انسانی درندوں کے خلاف جاری جدوجہد ميں ساتھ کھڑا ہے جو مذہب کے آڑ ميں جان بوجھ کر معصوم لوگوں اور سيکورٹی فورسزز کو بلاامتياز قتل کررہے ہيں۔
ہم ان انتہاپسندوں کےخلاف جاری جنگ ميں پاکستانی عوام اور سيکورٹی فورسز کے عزم کا دل سے احترام کرتے ہيں

جی ہاں اس منہ میں رام رام اور بغل میں چھری والے عزم کو ہم نے سلالہ والے معاملے میں دیکھ لیا تھا مگر مچھ کے آنسو کسی اور کے لئے رکھ لیں