شیخ القراء قاری اِظہار احمد تھانوی﷫

[ساجد]

قاری محمد طیب فقیر
قاری محمد طیب فقیر اپنے دور تلمیذ کا ذکر کرتے ہوئے کہتے ہیں کہ قاری صاحب چوبیس گھنٹے اپنی منزل دہراتے رہتے او رمجھے کہتے کہ روزانہ کم از کم ایک سپارہ ضرور پڑھا کرو اور پڑھتے وقت سانس بار بار نہ لو۔ طریقہ تعلیم انوکھا، سمجھانے کا انداز دلنشین اور پڑھانے کا انداز نہایت مشفقانہ ہوتا تھا۔
قاری عنایت اللہ ربانی کاشمیری اظہار حق میں فرماتے ہیں کہ اللہ وحدہ لاشریک اس انبوہ حیفاء میں بعض اوقات ایسی جمیع صفات کی حامل شخصیات پیدا فرماتے ہیں جو بجا طور پر اپنی ذات ، علمی مقام، اور اعلی کردار کی بدولت ایک انجمن کا درجہ رکھتے ہیں اور ان کو چلتا پھرتا مدرسۂ علم کہنا زیادہ بہتر ہے۔
مزید فرمایا:
’’آپ کی حیثیت وشخصیت محتاج تعارف نہ تھی اور نہ ہے۔ آپ کا علم ، عمل، اخلاق، کردار ، گفتار ، درس وتدریس، تعلیم وتعلم، تصنیف وتالیف، ملنساری، مہمان نوازی، شفقت ومہربانی، عبادت وریاضت اور معاملات غر ض ہر ایک پہلو ہم دینی علوم کے طلباء کے لیے عموماً او رہر ایک نیک صالح انسان کے لئے لازماً قابل تقلید نمونہ تھا۔‘‘
قاری اظہار صاحب سچے عاشق قرآن تھے مالی حالات کمزور ہونے کے باوجود دور دراز محافل قراء ات میں شرکت کرتے۔

 

[ساجد]

قاری محمد عثمان
استاد گرامی کے متعلق فرماتے ہیں کہ ان کا ہمارے مدرسے میں قیام اللہ کی بڑی نعمت تھی۔
قاری محمد اسماعیل گرجا بھی فرماتے ہیں
حضرت قاری صاحب کی شخصیت پورے برصغیر میں منفرد حیثیت رکھتی تھی۔ ایک دفعہ سفر کے دوران میرے دل میں یہ گمان پیدا ہوا کہ شاگرد ہونے کے ناطے سے قاری صاحب مجھے کہیں گے کہ ٹکٹ لاؤ۔ مگر وہ مجھے ایک بنچ پر بٹھا کر خود ٹکٹ لینے چلے گئے۔ میں نے آج تک ایسا مشفق استاد نہیں دیکھا۔

 

[ساجد]

حافظ فیاض احمد فیاض
حافظ فیاض احمد فیاض کی قاری صاحب کے ساتھ علیک سلیک تب سے تھی جب قاری صاحبلسوڑیوالی مسجد میں شعبہ تجوید کے استاد تھے۔حافظ فیاض صاحب کو قاری صاحب کے ساتھ بہت سے تاریخی مقامات پر جانے کا اتفاق ہوا۔ اس دوران قاری صاحب گاڑی میں تلاوت سننے کو ترجیح دیتے اور کبھی کبھار ہلکا پھلکا مزاح بھی کرلیتے تھے۔

 

[ساجد]

فقیر محمد مسعودی سیالکوٹ
اپنے استاد کے متعلق لکھتے ہیں کہ قاری صاحب کی طبیعت میں استغناء اس قدر تھا کہ ایک مرتبہ فروری ۱۹۹۰ء میں عالمی مقابلۂ حسن وقراء ت ایران میں آپ کو بطور جج دعوت دی گئی، اسی مقابلہ میں پاکستان کی نمائندگی کے لئے راقم الحروف اور قاری وحید ظفر قاسمی نے شرکت کرنا تھی۔جب کراچی پہنچے تو وہاں محکمے کا کوئی بندہ نہ تھا جس پر آپ کو شدید ناگواری ہوئی۔ اور فرمانے لگے کہ اگر کوئی دنیا دار امیر ہوتا تو یہ کیسے بھاگے آتے۔ آپ وہاں سے واپسی کا ٹکٹ لے کر اسلام آباد چلے گئے اور تہران کا دورہ، جس کی لوگ شدید خواہش کرتے ہیں، چھوڑ دیا۔

 

[ساجد]

قاری سمیع الحق جامعہ اسلامیہ
قاری سمیع الحق کو قاری صاحب کے ساتھ ایک ہی ہاسٹل میں رہنے کا اتفاق ہوا۔ کہتے ہیں کہ
’’آپ اپنے کریمانہ اخلاق کی بدولت لوگوں میں نہایت عزت وتوقیر کی نظر سے دیکھے جاتے۔ اگر میں کہوں کہ آپ ’’کان خلقہ القرآن‘‘ کی تصویر پیش کرتے تھے تو غلط نہ ہو گا۔ قاری صاحب راقم الحر وف کے ساتھ اولاد جیسا کا برتاؤ کرتے تھے اللہ انہیں اعلی درجات عطا فر مائے۔( آمین)

 

[ساجد]

قاری محمد طاہر
ماہنامہ ’’التجوید‘‘کے مدیر قاری محمد طاہر کو بھی قاری صاحب سے استفادہ کرنے کا موقع ملا انہوں نے اپنے ماہنامہ کے سلسلے میں قاری صاحب سے رائے طلب کی۔ قاری صاحب نے نہ صرف انہیں سراہا بلکہ خود اپنی تحریریں بھی بھجوائیں۔ لکھتے ہیں کہ مرحوم ہمیشہ سفید لباس پسند فرماتے تھے۔ اسے سفید ٹوپی اور کرتا پاجامہ میں آپ کردار کی جھلک نمایاں ہوتی۔ آپکا باطن بھی آپ کے کردار سے اجلا تھا۔

 

[ساجد]

مولانا قاری عبد الحمید صاحب
قاری عبد الحمید صاحب قاری صاحب کے اقوال وفرامین کے متعلق بتاتے ہیں کہ ایک دفعہ فرمایا: علماء کرام کو دنیا داروں سے بہت بے نیاز ہونا چاہیے۔ بھائی تمہارے پاس دین کی دولت ہے جو روحانی نعمت ہے ان لوگوں کے پاس مادی دولت ہے۔ جو وبال جان ہے۔ اس تقسیم پر حضرت علی﷜ کا شعر ہے:

رضینا قسمۃ الجبار فینا
لنا علم وللجہال مال​

ایک دفعہ اَحقر کو فرمانے لگے: تم لوگ شجر سایہ دار کی مانند ہو، دوسروں کو سایہ دو اور خود دھوپ میں بیٹھو۔

 

[ساجد]

قاری نور الٰہی انوار اعوان
قاری نور الٰہی الریاض میں مدرس القرآن ہیں۔ قاری صاحب کی وفات پر ایک مضمون لکھا ۔مضمون کے آغاز میں لکھتے ہیں کہ

مقدمہ ہو تو خاک سے پوچھوں کہ اے لئیم
تو نے وہ گنج ہائے گرا نمایاں کیا کیے​

۱۷؍ دسمبرکو جب مجھے قاری صاحب کی وفات کی خبر ملی ایسا لگا کسی نے سائے میں سے اٹھا کر کڑکتی دھوپ میں کھڑا کر دیا ہو۔ جب میں دیار غیر میں ہوتا تو میرے گھر آ کر بچوں کے سر پر دستِ شفقت رکھتے اور انہیں نصیحتیں فرماتے۔ میرے چھوٹے بیٹے ضیاء الر حمن سے انہیں خاص انس تھا اس سے قرآن کا سبق سنتے تھے۔

 

[ساجد]

پروفیسر قاری محمد سعید اسعد
قاری محمدسعید جامعہ پنجاب نیو کیمپس میں ادارہ تعلیم و تحقیق میں استاد ہیں۔ کہتے ہیں کہ وہ ایک مکمل استاد تھے۔ مجھے قرآن سننے کا بہت شوق تھا۔ جب میں نے اپنے اشتیاق کا ان سے تذکرہ کیا تو انہوں نے مجھے چینیانوالی میں قرآن سننے کی دعوت دی میں حسبِ وعدہ مدرسہ ہذا پہنچ گیا۔ حضرت قاری صاحب نے بنفس نفیس سورۃ ’’ إِذَا الشَّمْسُ کُوِّرَتْ ‘‘ (التکویر: ۱) کی تلاوت فرمائی ۔ اس کے بعد یونیورسٹی کی ملازمت کو خیر باد کہہ کر اپنے استاد کے سامنے زانوئے تلمذ تہہ کرنے کے لئے حاضر ہو گیا۔

تیری دوستی سے پہلے مجھے کون جانتا تھا
تیرے عشق نے بنائی میری زندگی فسانہ​

 

[ساجد]

مولانا قاری ابوالحسن سیف اللہ حافظ آبادی
قاری ابو الحسن اپنے استاد کی یاد میں لکھتے ہیں کہ وہ دوران تدریس اکتاہٹ پیدا نہیںہونے دیتے تھے۔ چھوٹے چھوٹے لطائف علمیہ اور قدرے مزاح بھی فرماتے رہتے۔ حضرت کی محفل خالص علمی لطائف سے بھر پور ہوتی تھی۔ اور سبق فوراً یاد ہو جاتا تھا۔ حضرت مولانا داؤد غزنوی کی زندگی میں مدرسہ چینیانوالی میں سالانہ جلسہ تقسیم اسناد و دستار بندی ہوا، جس میں سید غزنوی﷫ بھی تشریف لائے۔ جب قراء حضرات نے تلاوتیں فرمائیں تو سید غزنوی﷫ کے آنسو رواں تھے خصوصا جب استاذی المحترم حضرت قاری اظہار صاحب﷫ نے تلاوت فرمائی توبے ساختہ رقت طار ی ہوگئی اور آنسوؤں سے ریش مبارک تر ہو گئی۔ گو حضرت الاستاذ ہم سے جدا ہو گئے مگر ان کے تلامذہ، جو تعداد میں بہت زیادہ ہیں،خدمت قرآن کے لئے موجود ہیں اور ان کی تصانیف تاقیامت صدقہ جاریہ بنی رہیں گی۔